കേരള പോലീസിന്റെ മുഖച്ഛായ മാറിയിട്ട് നാളുകളേറെയായി. മുൻപ് പോലീസ് സ്റ്റേഷൻ എന്ന് കേൾക്കുമ്പോഴേ ഭയന്ന് വിറച്ചിരുന്നവർക്കുപോലും ഇപ്പോൾ പോലീസ് ജനമൈത്രി ആയതോടെ അല്പം ആശ്വാസമൊക്കെ കൈവന്നിട്ടുണ്ട്. പോലീസും ജനത്തിന്റെ കൂടെയുണ്ടെന്ന് ഒരു ആത്മവിശ്വാസവും അവർക്കു വന്നു എന്നതാണ് യാഥാർഥ്യം. അത്കൊണ്ടാണ് തങ്ങളുടെ ഏതു ബുദ്ധിമുട്ടിനും പരിഹാരം കാണാൻ ജനമൈത്രി പോലീസിന് സാധിക്കും എന്ന വിശ്വാസം ജനങ്ങളിൽ ഉടലെടുത്തതും.

കഴിഞ്ഞ ദിവസം ര​ണ്ട് പെ​ൺ​മ​ക്ക​ളു​മാ​യി പാ​ലോ​ട് ജ​ന​മൈ​ത്രി സ്‌​റ്റേ​ഷ​നി​ലെ​ത്തി​യ വീ​ട്ട​മ്മ പൊ​ലീ​സി​ന് ഒ​രു ക​ട​ലാ​സ് കൈ​മാ​റി, പ​രാ​തി​യാ​കു​മെ​ന്ന് ക​രു​തി​യ സ​ബ് ഇ​ൻ​സ്പെ​ക്ട​ർ​ക്ക് അ​തി​ൽ​നി​ന്ന് വാ​യി​ച്ചെ​ടു​ക്കാ​ൻ ക​ഴി​ഞ്ഞ​ത് നി​സ്സ​ഹാ​യ​ത​യു​ടെ ആ​ഴ​ങ്ങ​ളി​ൽ​നി​ന്ന്ഉടലെടുത്ത ഒ​രു അ​ഭ്യ​ർ​ഥ​ന​യാണ്

അത് ഇങ്ങനെയായിരുന്നു ; സ​ർ, ഞാ​ൻ പെ​രി​ങ്ങ​മ്മ​ല​യി​ൽ വാ​ട​ക​ക്ക് താ​മ​സി​ക്കു​ക​യാ​ണ്. മൂ​ത്ത മ​ക​ൾ പ്ല​സ് ടു ​ക​ഴി​ഞ്ഞു. ഇ​ള​യ മ​ക​ൾ നാ​ലാം ക്ലാ​സി​ൽ. മ​ക​ളു​ടെ ടി.​സി വാ​ങ്ങാ​ൻ പോ​കാ​ൻ​പോ​ലും കൈ​യി​ൽ പ​ണ​മി​ല്ല. അ​തി​നാ​ൽ ര​ണ്ടാ​യി​രം രൂ​പ ക​ട​മാ​യി ത​ന്ന് സ​ഹാ​യി​ക്ക​ണം. ജോ​ലി​ക്ക് പോ​യ​തി​ന് ശേ​ഷം തി​രി​കെ​ത്ത​രാം’. ഇ​ത്ര​യു​മാ​യി​രു​ന്നു വെ​ള്ള​ക്ക​ട​ലാ​സി​ൽ ക​ണ്ണീ​രി​ലെ​ഴു​തി​യ ആ ​അ​ഭ്യ​ർ​ഥ​ന. വീടിന്റെ അരക്ഷിതാവസ്ഥ ,ഒരു അമ്മയുടെ നിസ്സാഹയത, ആ കടലാസിലെ വാക്കുകൾക്കു അവരുടെ ജീവിതത്തിന്റെ മണമായിരുന്നു..ആ വരികൾക്കു പറയാനുണ്ടായിരുന്നത് ഒരു കുടുംബത്തിന്റെ യാതനകളുടെ കഥയും

വെള്ളക്കടലാസിൽ ആ 'അമ്മ എഴുതിയ എഴുത്ത് വാ​യി​ച്ച നാ​ടിന്റെ കാ​വ​ൽ​ക്കാ​ർ ആ കു​ടും​ബ​ത്തി​നും ക​രു​ത​ലാ​യി. 'അമ്മ ആവശ്യപ്പെട്ട പ​ണം ന​ൽ​കി​യ എ​സ്.ഐ സ​തീ​ഷ്കു​മാ​ർ കൂ​ടു​ത​ൽ വി​വ​ര​ങ്ങ​ൾ തി​ര​ക്കി​യ​പ്പോ​ഴാ​ണ് ഭ​ർ​ത്താ​വ് ഉ​പേ​ക്ഷി​ച്ച​താ​ണെ​ന്നും മ​ക്ക​ൾ രാ​വി​ലെ ഒ​ന്നും ക​ഴി​ച്ചി​ട്ടി​ല്ലെ​ന്നും അദ്ദേഹം അറിഞ്ഞത് . ഇ​തോ​ടെ ക​ടം ചോ​ദി​ച്ചെ​ത്തി​യ കു​ടും​ബത്തെ തങ്ങളാലാകും വിധം സ​ഹാ​യി​ക്കാ​ൻ പാ​ലോ​ട് ജ​ന​മൈ​ത്രി പോലീസ് തീരുമാനിക്കുകയായിരുന്നു.

തു​ട​ർ​ന്ന് ഒ​രു മാ​സ​ത്തേ​ക്കു​ള്ള ഭ​ക്ഷ്യ​ധാ​ന്യ​ങ്ങ​ളും കു​ട്ടി​ക​ൾ​ക്ക് വേ​ണ്ട പ​ഠ​ന സാ​മ​ഗ്രി​ക​ളും വാ​ങ്ങി​ന​ൽ​കി​യാ​ണ് വീ​ട്ട​മ്മ​യെ​യും മ​ക്ക​ളെ​യും പൊ​ലീ​സ് യാ​ത്ര​യാ​ക്കി​യ​ത്. അ​ടു​ത്തി​ടെ സ്​​റ്റേ​ഷ​നി​ൽ അ​ത്യാ​വ​ശ്യ സ​ഹാ​യ​ങ്ങ​ൾ ചെ​യ്തി​രു​ന്ന സു​ഭ​ദ്രാ​മ്മ​യെ​ന്ന വൃ​ദ്ധ​ക്ക് ക​ച്ച​വ​ട​ത്തി​നു​ള്ള ഉ​ന്തു​വ​ണ്ടി​യും സാ​ധ​ന സാ​മ​ഗ്രി​ക​ളും ഇ​വ​ർ വാ​ങ്ങി​ന​ൽ​കി​യി​രു​ന്നു.

കോവിഡ് കാലമാണ്.എല്ലാവരും സാമൂഹിക അകലം പാലിച്ചുകൊണ്ട് അവനവനിലേക്ക് ഒതുങ്ങുകയാണ്.അപ്പോഴും നാടിനു കരുതലായി ,കാവലാളായി നിയമപാലകർ നമുക്കു ചുറ്റും ഉണ്ട്. കോവിഡ് മൂലം ജോലിക്കു പോകാൻ സാധിക്കാത്തവർക്ക് ഭക്ഷ്യ ധാന്യങ്ങൾ നൽകിയും ഓൺലൈൻ വിദ്യാഭ്യാസം മുടങ്ങിയവർക്ക് ടി വിയും പഠനസാമഗ്രകികളും എത്തിച്ചുനൽകിയും അവർ കരുതലാകുകയാണ് ..