മുഖ്യ തെരഞ്ഞെടുപ്പ് കമീഷണർ ഗ്യാനേഷ്‌ കുമാർ രാജിവയ്‌ക്കണമെന്ന ആവശ്യപ്പെട്ട് പ്രക്ഷോഭം....രാജ്യ തലസ്ഥാനത്ത് വെള്ളിയാഴ്‌ച വൈകിട്ട് തിരംഗാ റാലിയിൽ പതിനായിരങ്ങൾ അണിചേർന്നു, സിജെപി നേതാവ്‌ അഭിജീത് ദിപ്‌കെ ഉൾപ്പടെയുള്ളവരെ അറസ്റ്റ്‌ചെയ്‌ത്‌ റാലി നിർവീര്യമാക്കാനുള്ള പൊലീസ് നീക്കം പരാജയപ്പെടുത്തി ഇടതുപക്ഷ വിദ്യാർഥി, യുവജന സംഘടനകളും എംപിമാരും റാലിക്ക്‌ കരുത്തേകി
മുഖ്യ തെരഞ്ഞെടുപ്പ് കമീഷണർ ഗ്യാനേഷ്‌ കുമാർ രാജിവയ്‌ക്കണമെന്ന് ആവശ്യപ്പെട്ട പ്രക്ഷോഭത്തിന്റെ ഭാഗമായി രാജ്യ തലസ്ഥാനത്ത് ഇന്നലെ വൈകുന്നേരം നടന്ന തിരംഗാ റാലിയിൽ പതിനായിരങ്ങൾ അണിചേരുകയായിരുന്നു. സേനകളുടെ അടിച്ചമർത്തൽ അതിജീവിച്ചാണ് റാലി തരംഗമായത്.
കൊണാട്ട്‌ പ്ലേസിലെ സെൻട്രൽ പാർക്കിൽ പ്രക്ഷോഭകർ ഒത്തുചേരുകയും ചെയ്തു. സിജെപി നേതാവ്‌ അഭിജീത് ദിപ്‌കെ ഉൾപ്പടെയുള്ളവരെ അറസ്റ്റ്‌ചെയ്‌ത്‌ റാലി നിർവീര്യമാക്കാനുള്ള പൊലീസ് നീക്കം പരാജയപ്പെടുത്തി ഇടതുപക്ഷ വിദ്യാർഥി, യുവജന സംഘടനകളും എംപിമാരും റാലിക്ക്‌ കരുത്തുപകർന്നു. ദിപ്കെയെ വൈകുന്നേരം വീട്ടിൽ നിന്ന് ഇറങ്ങിയയുടൻ പൊലീസ് കസ്റ്റഡിയിലെടുത്തു. ഐസ പ്രസിഡന്റ് നേഹാ ബോറയെയും തുടർന്ന് കസ്റ്റഡിയിലെടുക്കുകയും ചെയ്തു.
വൈകുന്നേരം 6.15ന്‌ എസ്‌എഫ്‌ഐ, ഡിവൈഎഫ്‌ഐ, എഐവൈഎഫ്‌, എഐഎസ്‌എഫ്‌ പ്രവർത്തകരും എംപിമാരും ഫിറോസ്‌ ഷാ റോഡിൽ നിന്ന് ദേശീയപതാകയേന്തി പ്രകടനം തുടങ്ങി. സെൻട്രൽ പാർക്ക് പരിസരത്തെത്തി റോഡിലിരുന്നു. പൊലീസ് നീക്കാനായി ശ്രമിച്ചെങ്കിലും ഫലമുണ്ടായില്ല. മണ്ഡി ഹ‍ൗസിൽ നിന്ന് സിപിഐ എംഎൽ, ഐസ സംഘടനകളും മാർച്ച്‌ നടത്തുകയായിരുന്നു. പൊലീസ് അറസ്റ്റിനെത്തിയപ്പോൾ വിദ്യാർഥികൾ ജനഗണമന ആലപിച്ചു. അതോടെ പൊലീസിന് നിശ്‌ചലരാകേണ്ടി വന്നു. പ്രതിഷേധക്കാർ സെൻട്രൽ പാർക്ക് വലംയ്ക്കുകയും ചെയ്തു. സെൻട്രൽ പാർക്ക് പിടിച്ചെടുത്ത്‌ അവിടെ ‘ജന്തർമന്തർ’ ആക്കുമെന്ന് കേന്ദ്ര സർക്കാർ ഭയപ്പെട്ടതിനാൽ മുനിസിപ്പൽ ക‍ൗൺസിൽ വ്യാഴാഴ്‌ച രാത്രി തന്നെ പാർക്ക് പൂട്ടി. കൊണാട്ട്‌ പ്ലേസിൽ നിരോധനാജ്ഞ പുറപ്പെടുവിക്കുകയും ചെയ്തു.
കാൽലക്ഷം പൊലീസുകാരെയും കേന്ദ്ര സായുധസേനയെയും വിന്യസിച്ചു. 11 പേരടങ്ങുന്ന സംഘത്തിന്‌ സമാധാനപൂർണമായി ദേശീയപതാക വീശാനും ദേശീയഗാനം ആലപിക്കാനും അനുവദിക്കുമെന്ന്‌ ഡൽഹി പൊലീസ് ഹൈക്കോടതിക്ക്‌ നൽകിയ ഉറപ്പ്‌ പാലിക്കുകയുണ്ടായില്ല.
"
https://www.facebook.com/Malayalivartha
