കടയ്ക്കലിലെ പൊലീസുകാരന്റെ മരണവുമായി ബന്ധപ്പെട്ട് മദ്യപ സംഘത്തിലെ ഒരാളെ പൊലീസ് അറസ്റ്റ് ചെയ്തു. വിഷ്ണുവിനെയാണ് കടയ്ക്കൽ പൊലീസ് അറസ്റ്റ് ചെയ്തത്. നാലംഗ സംഘം കുടിച്ചത് സ്പിരിറ്റാണെന്നും വെള്ളിയാഴ്ച രാത്രി സ്പിരിറ്റ് എത്തിച്ചത് വിഷ്ണുവാണെന്നും വ്യക്തമായതോടെയാണ് അറസ്റ്റ് രേഖപ്പെടുത്തിയത്.

മരിച്ച അഖില്‍, സുഹൃത്തുക്കളായ ഗിരീഷ്, ശിവപ്രിയന്‍, വിഷ്ണു എന്നിവര്‍ ചേര്‍ന്നാണ് സ്പിരിറ്റ് കുടിച്ചത്. ഇവരില്‍ ഗിരീഷും ശിവപ്രിയനും തിരുവനന്തപുരം മെഡിക്കല്‍ കൊളജ് ആശുപത്രിയില്‍ ചികിത്സയിലാണ്. ആശുപത്രി ആവശ്യങ്ങള്‍ക്ക് ഉപയോഗിക്കുന്ന സ്പിരിറ്റാണ് ഇവര്‍ കഴിച്ചതെന്ന് സംശയം ഉണ്ട്. സ്പിരിറ്റ് കിട്ടിയ സ്ഥലത്തെ കുറിച്ച്‌ അന്വേഷണം തുടങ്ങി.
കഴിഞ്ഞ വെള്ളിയാഴ്ചയാണ് മലപ്പുറം പൊലീസ് ക്യാമ്ബിലെ കമാന്‍ഡോയായ അഖില്‍ നാട്ടിലെത്തിയത്. അന്ന് വൈകിട്ട് മൂന്ന് സുഹൃത്തുക്കള്‍ക്കൊപ്പം മദ്യപിച്ചു. ശനിയാഴ്ച രാവിലെ മുതല്‍ അഖിലിന് ദേഹാസ്വാസ്ഥ്യം അനുഭവപ്പെട്ടിരുന്നു. തുടര്‍ച്ചയായി ഛര്‍ദ്ദിലുണ്ടായിരുന്നെങ്കിലും ആശുപത്രിയില്‍ ചികിത്സ തേടിയില്ല. അവശനിലയിലായതോടെ ഞായറാഴ്ച പുലര്‍ച്ചെ മൂന്ന് മണിക്ക് അഖിലിനെ തിരുവനന്തപുരം മെഡിക്കല്‍ കോളജ് ആശുപത്രിയില്‍ എത്തിച്ചെങ്കിലും മരണം സംഭവിച്ചു. മുന്‍പും ഇവര്‍ സ്പിരിറ്റ് കുടിച്ചിരുന്നു. അന്ന് ശീതളപാനിയത്തില്‍ കലര്‍ത്തി കഴിച്ചപ്പോള്‍ ദേഹാസ്വാസ്ഥ്യമുണ്ടായെന്നാണ് വിഷ്ണുവിന്റെ മൊഴി. അതുകൊണ്ടാണ് ഇത്തവണ കുറച്ച്‌ മാത്രം മദ്യപിച്ചതെന്നും വിഷ്ണു മൊഴി നല്‍കി.ജോലി സ്ഥലത്ത് നിന്നു വെള്ളിയാഴ്ച്ചയാണ് അഖിൽ നാട്ടിലെത്തിയത്. അന്നു രാത്രി യുവാവ് സുഹൃത്തുക്കള്‍ക്കൊപ്പം മദ്യപിച്ചതായി ബന്ധുക്കള്‍ പറഞ്ഞു. ശനിയാഴ്ച്ച രാവിലെ മുതൽ പൊലീസ് ഉദ്യോഗസ്ഥന് ഛര്‍ദ്ദില്‍ തുടങ്ങി. രാത്രിയോടെ കടയ്ക്കല്‍ താലൂക്ക് ആശുപത്രിയിലും പിന്നീട് തിരുവനന്തപുരം മെഡിക്കല്‍ കോളജിലേക്കും മാറ്റിയെങ്കിലും ജീവന്‍ രക്ഷിക്കാനായില്ല.അഖിലിന്റെ മരണ വിവരം അറിഞ്ഞതിന് പിന്നാലെ ഒപ്പം മദ്യപിച്ച മറ്റു രണ്ടു പേര്‍ക്ക് കൂടി ദേഹാസ്വാസ്ഥ്യമുണ്ടായി. ഇവരെ ആശുപത്രിയിലേക്ക് മാറ്റുകയായിരുന്നു .മരണത്തിൽ അന്ന് തന്നെ അസ്വാഭാവികത തോന്നിയതിനാൽ പോലീസ് കേസ് രജിസ്റ്റർ ചെയ്തു അനേഷണം ആരംഭിച്ചിരുന്നു. പിന്നീട് നടത്തിയ അന്വേഷണത്തിലാണ് സ്പിരിറ്റാണ് ഇവർ കഴിച്ചത് എന്നു അന്വേഷണ സംഘത്തിന് മനസിലായത് . തുടർന്ന് സ്പിരിറ്റ് എത്തിച്ചു നൽകിയ വിഷ്ണുവിനെ അറസ്റ്റ് ചെയ്യുകയായിരുന്നു. ഇവർക്കു എവിടെ നിന്നാണ് സ്പിരിറ്റ് കിട്ടിയത് എന്ന കാര്യത്തിൽ അന്വേഷണം നടക്കുകയാണ് .