വീടിന്റെ ജനല്‍ കമ്പികൾ അറുക്കുന്ന ശബ്ദം കേട്ട് നാട്ടുകാര്‍ ഓടി എത്തി... പത്തനാപുരത്ത് കണ്ട കാഴ്ച്ച ഭയാനകം; കുടുങ്ങിയ കള്ളനെ കയ്യോടെ പോലീസിൽ ഏൽപ്പിച്ച് നാട്ടുകാര്‍
മോഷ്ടിക്കാന്‍ കയറി വീടിനുള്ളില്‍ കുടുങ്ങിയ കള്ളനെ നാട്ടുകാര്‍ പിടികൂടി. കുണ്ടയത്താണ് സംഭവം. കൊട്ടാരക്കരയില്‍ വാടകയ്ക്ക് താമസിക്കുന്ന വഹാബ്(54) ആണ് പിടിയിലായത്.
കുണ്ടയം റെജീന മന്‍സിലില്‍ ഹാജി രാജപ്പ റാവുത്തറുടെ വീട്ടിലാണ് ഇയാള്‍ മോഷ്ടിക്കാന്‍ കയറിയത്. വീടിന്റെ ജനല്‍ കമ്ബികള്‍ അറക്കുന്ന ശബ്ദം കേട്ട് നാട്ടുകാര്‍ എത്തിയതാണ് മോഷണ ശ്രമം പാളാന്‍ കാരണമായത്.
വീട്ടുകാര്‍ ഇല്ലാതിരുന്ന സമയം മോഷ്ടാക്കള്‍ അടുക്കള വാതില്‍ തകര്‍ക്കാന്‍ ശ്രമിച്ചെങ്കിലും നടന്നില്ല. തുടര്‍ന്ന് പിന്നീട് ജനലിന്റെ ഗ്ലാസ് കമ്ബി അറുത്ത് വഹാബ് അകത്ത് കയറി. ഈ സമയം കമ്ബി അറക്കുന്ന ശബ്ദം കേട്ട് അയല്‍ വാസികള്‍ എത്തി.
ഇത് കണ്ട് പുറത്ത് നിന്നയാള്‍ ഓടി രക്ഷപ്പെട്ടു. വീടിനുള്‌ലില്‍ പെട്ട് പോയ വഹാബിനെ നാട്ടുകാര്‍ പിടികൂടി പോലിസിനെ ഏല്‍പ്പിച്ചു. ഇത് കൂടാതെ മാക്കുളം ഹെര്‍മോണ്‍ ഓര്‍ത്തഡോക്‌സ് ദേവാലയത്തിന്റെ കുരിശടിയിലെ വൈദ്യുതി വിളക്കുകള്‍ ഊരി മാറ്റിയ ശേഷം ഇരുമ്ബ് കതകും കോണ്‍ക്രീറ്റ് ഗ്രില്ലും തകര്‍ത്താണ് മോഷണ ശ്രമം നടന്നത്.
വഞ്ചിയുടെ പൂട്ടു തകര്‍ക്കാന്‍ കഴിയാത്തതിനാല്‍ പണം നഷ്ടമായില്ല. നേരത്തെ സമീപത്തെ സെന്റ് മേരീസ് ഓര്‍ത്തഡോക്‌സ് ഇടവകയുടെ കുരിശടിയും തകര്‍ത്തു മോഷണ ശ്രമം നടന്നിരുന്നു.
https://www.facebook.com/Malayalivartha
