ട്രിപ്പിള് ലോക്ഡൗണ്; നഗരത്തിലേയ്ക്കുള്ള എല്ലാ റോഡുകളും പൂര്ണ്ണമായും അടയ്ക്കും
തിരുവനന്തപുരം കോര്പ്പറേഷന് മേഖലയില് തിങ്കളാഴ്ച രാവിലെ ആറുമണി മുതല് ഒരാഴ്ചത്തേയ്ക്ക് ട്രിപ്പിള് ലോക്ഡൗണ് പ്രഖ്യാപിച്ചു. ഈ സാഹചര്യത്തില് നഗരത്തിലേയ്ക്കുള്ള എല്ലാ റോഡുകളും പൂര്ണ്ണമായും അടയ്ക്കുമെന്ന് സംസ്ഥാന പൊലീസ് മേധാവി ലോക്നാഥ് ബെഹ്റ അറിയിച്ചു. നഗരത്തിലുള്ളിലെ ഒരു റോഡിലും വാഹനഗതാഗതം അനുവദിക്കില്ല.
കോര്പ്പറേഷന് മേഖലയില് ആശുപത്രികള്, മെഡിക്കല് ഷോപ്പുകള്, പലചരക്കുകടകള് എന്നിവ മാത്രമേ തുറന്നുപ്രവര്ത്തിക്കാന് അനുമതിയുള്ളൂ. സെക്രട്ടറിയേറ്റ് ഉള്പ്പെടെയുള്ള ഒരു സര്ക്കാര് ഓഫീസുകളും സ്ഥാപനങ്ങളും ഇക്കാലയളവില് തുറന്നു പ്രവര്ത്തിക്കില്ല.
നഗരത്തിലെ എല്ലാ പ്രധാനപ്പെട്ട സ്ഥലങ്ങളിലും റോഡുകളിലും എല്ലാവിധ സുരക്ഷാ മുന്കരുതലുകളും സ്വീകരിച്ച് പൊലീസിനെ ഡ്യൂട്ടിക്ക് നിയോഗിക്കും. ഏതുവിധത്തിലുള്ള സഹായം ആവശ്യപ്പെടുന്നതിനും താഴെ പറയുന്ന ഫോണ് നമ്ബറുകളില് ബന്ധപ്പെടേണ്ടതാണ്.
സ്റ്റേറ്റ് പൊലീസ് കണ്ട്രോള് റൂം - 112
തിരുവനന്തപുരം സിറ്റി പൊലീസ് കണ്ട്രോള് റൂം - 0471 2335410, 2336410, 2337410
സംസ്ഥാന പൊലീസ് മേധാവിയുടെ കണ്ട്രോള് റൂം - 0471 2722500, 9497900999
പൊലീസ് ആസ്ഥാനത്തെ സ്റ്റേറ്റ് കോവിഡ് കണ്ട്രോള് റൂം - 9497900121, 9497900112
https://www.facebook.com/Malayalivartha
