രാജ്യത്തെ ഞെട്ടിച്ച് തിരുവനന്തപുരത്ത് വന്‍ സ്വര്‍ണ്ണവേട്ട. യുഎഇ കോണ്‍സുലേറ്റിലേക്ക് വന്ന പാഴ്‍സലിലാണ് സ്വര്‍ണ്ണം ഒളിപ്പിച്ച നിലയിൽ കണ്ടെത്തിയത്. എന്നാൽ രാജ്യത്ത് ആദ്യമായാണ് ഡിപ്ലോമാറ്റിക് ബാഗേജില്‍ സ്വര്‍ണക്കടത്ത് നടത്തുന്നത്. 30 കോടി വിലമതിക്കുന്ന സ്വര്‍ണ്ണമാണ് ബാഗേജിലുള്ളത്. സംസ്ഥാനത്ത് ഇതുവരെ നടന്നതില്‍ ഏറ്റവും വലിയ സ്വര്‍ണ്ണവേട്ടയാണിത് എന്നാണ് ലഭ്യമാകുന്ന വിവരം. ഇത്തരത്തിൽ മൂന്ന് ദിവസം മുമ്പാണ് ദുബൈയില്‍ നിന്ന് കാര്‍ഗോ എത്തിയത്. ബാഗേജില്‍ സ്വര്‍ണ്ണം ഉണ്ടെന്ന വിവരം ലഭിച്ചതോടെ പ്രത്യേക കസ്റ്റംസ് ഉദ്യോഗസ്ഥരെത്തി പരിശോധന നടത്തുകയായിരുന്ന. തുടർന്ന് കസ്റ്റംസ് ഉദ്യോഗസ്ഥര്‍ പരിശോധന തുടരുകയാണ്. എന്നാൽ കാര്‍ഗോ അയച്ച വ്യക്തിയെക്കുറിച്ചും അന്വേഷണം നടക്കുകയാണ്.

അതേസമയം 6 കോടിയിലേറെ രൂപ വിലമതിക്കുന്ന സ്വർണവുമായി രാജസ്ഥാനിൽ പ്രവാസികൾ പിടിയിലായി. യു.എ.ഇ.യിൽനിന്നും സൗദിയിൽനിന്നും ജയ്‌പുർ വിമാനത്താവളത്തിലെത്തിയ പ്രവാസികളിൽനിന്നാണ് കസ്റ്റംസ് സംഘം സ്വർണം പിടികൂടിയതെന്ന് രാജസ്ഥാൻ പ്രസ് ഇൻഫർമേഷൻ ബ്യൂറോ ട്വീറ്റ് ചെയ്യുകയുണ്ടായി. വെള്ളിയാഴ്ച രണ്ട് ചാർട്ടേഡ് വിമാനങ്ങളിലായാണ് ഇവർ രാജസ്ഥാനിൽ എത്തിയത് എന്നതാണ് ലഭ്യമാകുന്ന വിവരം. എമർജൻസി ലാമ്പിൽ ഒളിപ്പിച്ചാണ് ഇവർ സ്വർണം കടത്തിയത്.