ഫേസ്ബുക്കിലൂടെ തന്ത്രപരമായി അടുത്തുകൂടി! പ്രണയം നടിച്ച് അടുത്ത് കൂടിയതോടെ കാര്യങ്ങൾ കൈവിട്ടുപോയി... പെൺകുട്ടിയെ ആരുമില്ലാത്ത സമയത്ത് വീട്ടിലെത്തി ക്രൂരമായ പീഡനം! പിടികൂടാനെത്തിയ പോലീസിനെ വെട്ടിച്ചു ഓടിയ പ്രതിയെ സാഹസികമായി കീഴടക്കി; സംഭവം ഇരവിപുരത്ത്
കഴിഞ്ഞ ദിവസമാണ് സംഭവം. സ്കൂൾ വിദ്യാർത്ഥിനിയെ സമൂഹ മാധ്യമത്തിലൂടെ പരിചയപ്പെടുകയും വീട്ടിലെത്തി ലൈംഗികമായി പീഡിപ്പിക്കുകയും ചെയ്ത സംഭവത്തിൽ യുവാവിനെ പോലീസ് അറസ്റ്റ് ചെയ്തു.
കൊട്ടിയും പറക്കുളം അൽമനാമ പമ്പിന് സമീപത്തുള്ള മഞ്ഞക്കുഴി നജീം മൻസലിൽ ആഷിക്ക് (22) നെയാണ് സംഭവത്തിൽ പിടികൂടിയത്. ഫേസ്ബുക്കിലൂടെ വ്യാജ അകൗണ്ട് നിർമ്മിക്കുകയും അതിലൂടെ പെൺകുട്ടിയുമായി സൗഹൃദം സ്ഥാപിക്കുകയും വീട്ടിൽ ആരുമില്ലാത്ത സമയത്ത് എത്തുകയും പീഡിപ്പിക്കുകയുമായിരുന്നു.
സംഭവം പുറത്ത് പറഞ്ഞാൽ കൊന്നുകളയുമെന്നും പീഡന ദൃശ്യം പ്രചരിപ്പിക്കുമെന്നും പറഞ്ഞു യുവാവ് പെൺകുട്ടിയെ പേടിപ്പിച്ചു.
പെൺകുട്ടി ഭീഷണിക്ക് വഴങ്ങാതെ വിവരം ബന്ധുക്കളെ അറിയിച്ചതിന്റെ അടിസ്ഥാനത്തിൽ ജില്ലാ ക്രൈം റെക്കോർഡഡ് ബ്യുറോ എ സി പി ഐ സന്തോഷിന്റെ നിർദേശമനുസരിച്ചു ഇരവിപുരം എസ് എച്ച് ഒ കെ വിനോദിന്റെ നേതൃത്വത്തിലുള്ള സംഘമാണ് പ്രതിയെ പിടികൂടിയത്.
കൊല്ലം സിറ്റി സൈബർ സെല്ലിന്റെ സഹായത്തോടെ കുണ്ടറ പടപ്പകരയിൽ യുവാവ് ഉള്ളതായി കണ്ടെത്തുകയായിരുന്നു. തുടർന്ന് വീടിന്റെ ടെറസിൽ നിന്നും ചാടി രക്ഷപെടാൻ ശ്രമിച്ച യുവാവിനെ പോലീസ് സംഘം സാഹസികമായി കീഴടക്കുകയായിരുന്നു.
https://www.facebook.com/Malayalivartha