തിരുവനന്തപുരം രാജ്യാന്തര വിമാനത്താവളത്തിലൂടെ സ്വര്ണം കടത്താന് ശ്രമിച്ച കേസിലെ പ്രതി സ്വപ്ന സുരേഷുമായി സ്പീക്കര് പി. ശ്രീരാമകൃഷ്ണന് ഉദ്ഘാടന ചടങ്ങില് പങ്കെടുക്കുന്നതിന്റെ ദൃശ്യങ്ങള് പുറത്ത്...
യുഎഇ കോണ്സുലേറ്റിന്റെ ഡിപ്ലോമാറ്റിക് കാര്ഗോയുടെ മറവില് തിരുവനന്തപുരം രാജ്യാന്തര വിമാനത്താവളത്തിലൂടെ സ്വര്ണം കടത്താന് ശ്രമിച്ച കേസിലെ പ്രതി സ്വപ്ന സുരേഷുമായി സ്പീക്കര് പി. ശ്രീരാമകൃഷ്ണന് ഉദ്ഘാടന ചടങ്ങില് പങ്കെടുക്കുന്നതിന്റെ ദൃശ്യങ്ങള് പുറത്ത്.
വര്ക്ക്ഷോപ്പിന്റെ ഉദ്ഘാടനത്തിനാണ് സ്വപ്നയ്ക്കൊപ്പം സ്പീക്കര് വേദി പങ്കിട്ടത്. സ്വപ്നയുടെ ഉന്നത ബന്ധങ്ങളുടെ തെളിവാണ് ഇതെന്നാണ് ആരോപണ ഉയരുന്നത്.
അതേസമയം യുഎഇ ദിനാഘോഷത്തില് ഇ.പി ജയരാജനും കടകംപള്ളി സുരേന്ദ്രനും കെ.ടി ജലീലുമടക്കമുള്ളവര്ക്കൊപ്പം സ്വപ്ന നില്ക്കുന്ന ദൃശ്യങ്ങള് മുന്പ് പുറത്തുവന്നിരുന്നു.
അതേസമയം സ്വര്ണ്ണക്കടത്തുകേസില് മുഖ്യമന്ത്രിയുടെ സെക്രട്ടറിയും ഐ.ടി സെക്രട്ടറിയുമായ എം ശിവശങ്കറിനെ കസ്റ്റംസ് ചോദ്യം ചെയ്യും.
കോണ്സുലേറ്റില് നിന്ന് പുറത്താക്കിയ സ്വപ്ന സുരേഷിനെ ഐ.ടി വകുപ്പില് നിയമിച്ചതിലും സ്വര്ണക്കടത്ത് കേസുമായി ബന്ധപ്പെട്ടുമാണ് അന്വേഷണം നടത്തുന്നത്.
മുഖ്യ ആസൂത്രക എന്ന് കരുതപ്പെടുന്ന സ്വപ്ന സുരേഷും ശിവശങ്കര് ഐ.എ.എസും തമ്മില് വ്യക്തിപരമായ അടുപ്പമുണ്ടെന്ന് വ്യക്തമായ സാഹചര്യത്തിലാണ് കസ്റ്റംസ് ഇദ്ദേഹത്തെ ചോദ്യം ചെയ്യുന്നത്.
https://www.facebook.com/Malayalivartha
