കോവിഡിനു മരുന്ന് കണ്ടെത്താനുള്ള നെട്ടോട്ടത്തിലാണ് ലോകമെങ്ങും .....ജീവൻ നിലനിർത്താൻ ആൾക്കാർ ശ്രമിക്കുന്നതിനിടയിൽ തന്നെ കോവിഡിനെ സംബന്ധിച്ച് നിരവധി തട്ടിപ്പുകൾ അരങ്ങേറുന്നുണ്ട്....ഇപ്പോഴിതാ ഏറ്റവും ഒടുവിൽ വന്നിരിക്കുന്ന തട്ടിപ്പ് രൂപം കേരളത്തെ ഞെട്ടിച്ചിരിക്കുകയാണ്......ചുവന്ന മെർക്കുറിയിലൂടെ കൊറോണയ്ക്ക് മരുന്ന് എന്നാണ് ഇക്കൂട്ടർ പറ്റിക്കുന്നത് .....റൈസ്പുള്ളർ, നാഗമാണിക്യം മാതൃകയിലുള്ള വലിയ തട്ടിപ്പിന് കളമൊരുങ്ങുന്നതായാണ് പുറത്ത് വരുന്ന വിവരം

 പഴയ ടെലിവിഷനും റേഡിയോയും ക്ലോക്കുകളും ആവശ്യപ്പെട്ട് ഹൈറേഞ്ചിലേക്ക് സമൂഹമാധ്യമങ്ങളിലൂടെയാണ് തെട്ടിപ്പുക്കാർ സന്ദേശങ്ങൾ അയക്കുന്നത് . ഇതിൽനിന്നെടുക്കുന്ന ചുവന്ന മെർക്കുറി വേർതിരിക്കാമെന്നും കോവിഡിനുവരെ മരുന്നായി ഉപയോഗിക്കാമെന്നുമാണ് ഇവർ നടത്തുന്ന പ്രചാരണം. റൈസ്പുള്ളർ, നാഗമാണിക്യം മാതൃകയിലുള്ള വലിയ തട്ടിപ്പിന് കളമൊരുങ്ങുതായാണ് ഇപ്പോൾ കിട്ടുന്ന സൂചനകാൾ . അതിക്കൊണ്ടു തന്നെ ജാഗ്രതയോടെ ഇരിക്കുക . പഴയ ഇലക്ട്രോണിക് ഉപകരണങ്ങളായ സി.ആർ.ടി. ടെലിവിഷനുകൾ, വാൽവ് റേഡിയോകൾ, പെൻഡുലം ക്ലോക്കുകൾ എന്നിവയിൽ ഇത് ഉപയോഗിച്ചിരുന്നതായും ദ്രാവകരൂപത്തിലുള്ള ഈ മൂലകം വിലയേറിയ സംയുക്തമാണെന്നുമാണ് ഇടനിലക്കാർ പറയുന്നത്.

അതുകൊണ്ട് തന്നെ അയൽ സംസ്ഥാനത്തുനിന്നും ജില്ലകളിൽനിന്നും ചുവന്ന മെർക്കുറി തേടി ആളുകൾ എത്തുന്നുണ്ട്. ഈ ദ്രാവകം ഉപയോഗിച്ച് ബോംബുകൾ നിർമിക്കാൻ സാധിക്കുമെന്നും കോവിഡ് ചികിത്സിക്കാൻ ചുവന്ന മെർക്കുറി ഉപയോഗിക്കാമെന്നുമൊക്കെ പ്രചാരണമുണ്ട്ചരിക്കുന്നു . ഉപയോഗശൂന്യമായി പലരും ഉപേക്ഷിച്ചിരുന്ന ഉപകരണങ്ങൾക്ക് ഇപ്പോൾ വലിയ വിലയാണ് ഇടനിലക്കാർ വാഗ്ദാനം ചെയ്യുന്നത്. സമൂഹമാധ്യമങ്ങൾ വഴിയാണ് കച്ചവട ഒരുക്കങ്ങൾ നടക്കുന്നത്. ചുവന്ന മെർക്കുറിയുണ്ടെന്നുപറയുന്ന സാമഗ്രികളുടെ ചിത്രങ്ങൾ സമൂഹമാധ്യമങ്ങൾ വഴി കൈമാറുകയാണ് . പരിശോധനകൾക്കും മറ്റുമായി ലക്ഷങ്ങൾ ചെലവഴിച്ചാൽ ഇരട്ടിയിലേറെ തിരികെ കിട്ടുമെന്നുപറഞ്ഞ് വിശ്വസിപ്പിച്ചാണ് കച്ചവടം തുടങ്ങുന്നത്. വിദഗ്ധരെന്ന് പരിചയപ്പെടുത്തി ആളുകൾ നേരിട്ട് എത്തുകയും പരിശോധനകൾ നടത്തുകയും ചെയ്യും.

വലിയ തുക കിട്ടുമെന്ന വിശ്വാസത്തിൽ പലരും പണം മുടക്കും. മാസങ്ങൾക്ക് ശേഷം മാത്രമേ തട്ടിപ്പ് മനസ്സിലാകൂ. നിയമപരമല്ലാത്ത ക്രയവിക്രയമായതിനാലും മാനക്കേട് ഭയന്നും ആരുംതന്നെ തട്ടിപ്പിൽ പരാതിപ്പെടാറില്ല. ഇതുവരെ പരാതിയൊന്നും ഇല്ലാത്തതിനാൽ പോലീസ് കേസെടുത്തിട്ടില്ല എന്നതാണ് സത്യാവസ്ഥ .ഏതായാലൂം ജാഗ്രത കൈ വിടാതെ ഇരിക്കുക. കൊറോണയ്ക്ക് മരുന്ന് കണ്ടുപിടിക്കാൻ കഴിയും എന്ന പറയുതുന്നതിനാൽ ഈ തട്ടിപ്പിൽ കുടുങ്ങരുത്.