സംസ്​ഥാനത്ത്​ എൻജിനീയറിങ്​ പ്രവേശന പരീക്ഷ എഴുതിയ ഒരു വിദ്യാർഥിക്ക്​ കൂടി കോവിഡ്​ സ്ഥിരീകരിച്ചിരിക്കുകയാണ്‌. ​കോഴിക്കോട്​ മലബാർ ക്രിസ്​ത്യൻ കോളജിൽ പരീക്ഷ എഴുതിയ വിദ്യാർഥിക്കാണ്​ രോഗം സ്​ഥിരീകരിച്ചിരിക്കുന്നത്​. ഒളവണ്ണ സ്വദേശിയാണ് കോവിഡ്​ സ്ഥിരീകരിച്ച​ വിദ്യാർഥി.

നേരത്തേ തിരുവനന്തപുരത്ത്​ കീം പരീക്ഷ എഴുതിയ വിദ്യാർഥികൾക്കും ഒരു വിദ്യാർഥിയുടെ രക്ഷിതാവിനും രോഗം സ്​ഥിരീകരിച്ചിരുന്നു. ഇതിന് പിന്നാലെയാണ് കോഴിക്കോടും ഇത് സ്ഥിതീക്കരിച്ചത് . പരീക്ഷ ​കേന്ദ്രത്തിലെത്തിയ മണക്കാട്​ സ്വദേശിയായ രക്ഷിതാവിനാണ്​ രോഗം സ്​ഥിരീകരിച്ചത്​. തൈക്കാട് കേന്ദ്രത്തിൽ പരീക്ഷ എഴുതിയ പൊഴിയൂർ സ്വദേശിക്കും, കരമനയിൽ പരീക്ഷ എഴുതിയ കരകുളം സ്വദേശിക്കുമാണ് നേരത്തെ കോവിഡ് സ്ഥിരീകരിച്ചിരുന്നത്.