കൊറോണ കാലത്ത് കെഎസ്‌ആര്‍ടിസി പ്രതിസന്ധിയില്‍ നേരിടുകയാണ്. ജോലിക്കിടെ കെഎസ്‌ആര്‍ടിസി ജീവനക്കാര്‍ക്ക് കൂട്ടത്തോടെ കോവിഡ് ബാധിക്കുകയും ഡിപ്പോകള്‍ അടച്ചുപൂട്ടുകയും ചെയ്തതോടെ . സര്‍വീസുകളുടെ എണ്ണം ആയിരത്തിന് താഴെയായി കുറഞ്ഞു. ഇതിന് പിന്നാലെ വരുമാനം അഞ്ചിലൊന്നായി കുറയുകയും ചെയ്തു. ഡ്യൂട്ടി ഇല്ലാതായതോടെ എംപാനല്‍ ജീവനക്കാരുടെ ജീവിതവും ദുരിതത്തിലായിരിക്കുന്നു . ആറുകോടി വരുമാനത്തിന്റെ സ്ഥാനത്ത് ഇപ്പോള്‍ നാല്‍പത്തിയെട്ട് ലക്ഷം രൂപ മാത്രമാണ് കിട്ടുന്നത് . അത്രയും രൂപയും ഡീസലടിച്ച പമ്ബുകള്‍ക്ക് കൈമാറേണ്ടുന്ന അവസ്ഥയും . ഒരു കിലോമീറ്ററില്‍ കിട്ടിയത് 21 രൂപ മാത്രം . ചൊവ്വാഴ്ചയിത് 19 രൂപയായി കുറഞ്ഞു.

93 കെഎസ്‌ആര്‍ടിസി ഡിപ്പോകളില്‍ 25 എണ്ണവും അടച്ചു. ഇതില്‍ ഇരുപതും അടച്ചത് തിരുവനന്തപുരത്താണ്. ആലുവ, തിരുവനന്തപുരം സെന്‍ട്രല്‍ വര്‍ക്ക്ഷോപ്പുകളും അടച്ചു. നാലായിരത്തോളം ബസുകളുള്ള കെഎസ്‌ആര്‍ടിസിയുടെ വെറും 962 എണ്ണം മാത്രമാണ് തിങ്കളാഴ്ച ഓടിയത്. വരുമാനമില്ലെങ്കിലും സര്‍ക്കാര്‍ സഹായം കൃത്യമായി ലഭിക്കുന്നതിനാല്‍ സ്ഥിര ജീവനക്കാരുടെ ശമ്ബളത്തിന് തടസമുണ്ടാകുന്നില്ല. എന്നാല്‍ താല്‍ക്കാലിക ജീവനക്കാരുടെ കാര്യം കുഴപ്പത്തിലാണ്. ഷെഡ്യൂളുകളുടെ എണ്ണം അഞ്ചിലൊന്നായി കുറഞ്ഞു. ഇതിന് പിന്നാലെ താല്‍ക്കാലിക ജീവനക്കാര്‍ക്ക് ജോലി നഷ്ടമായി. ലോക്ഡൗണ്‍ കാലത്ത് എംപാനല്‍ ജീവനക്കാര്‍ക്ക് മുഴുവന്‍ ശമ്ബളവും കൊടുക്കാനായിരുന്നു നിര്‍ദേശം നൽകിയിരുന്നു. എന്നാൽ ഇപ്പോള്‍ ചെയ്യുന്ന ഡ്യൂട്ടിക്ക് ശമ്ബളം കൊടുത്താല്‍ മതിയെന്നാണ് സര്‍ക്കാര്‍ പുതിയ തീരുമാനം.ആകെ നോക്കിയാൽ കൊറോണ തീർക്കുന്ന പ്രതിസന്ധി കെ എസ ആർ ടി സിയെയും വളരെയധികം ബാധിക്കുന്നു.