സംസ്ഥാനത്ത് കോ​വി​ഡ് രോ​ഗി​ക​ള്‍ വ​ര്‍​ധി​ക്കു​ന്നത് ആശങ്ക സൃഷ്ടിക്കുകയാണ്. ഈ സാ​ഹ​ച​ര്യ​ത്തി​ല്‍ ല​ക്ഷ​ണ​മി​ല്ലാ​ത്ത രോ​ഗി​ക​ളെ വീ​ടു​ക​ളി​ല്‍ ത​ന്നെ ചി​കി​ത്സി​ക്കാ​ന്‍ സ​ര്‍​ക്കാ​ര്‍ നി​ര്‍​ദേ​ശം. കൊവിഡ് ബാധിച്ച്‌ പത്താം ദിവസം ആന്റിജന്‍ പരിശോധന നടത്തും. നെഗറ്റീവായാലും കൊവിഡ് നിരീക്ഷണത്തില്‍ കഴിയണം. ആരോഗ്യ പ്രവര്‍ത്തകര്‍ ഇതിന് രേഖാമൂലം അപേക്ഷ നല്‍കണം. ഇതുസംബന്ധിച്ച സംസ്ഥാന സര്‍ക്കാര്‍ മാര്‍ഗനിര്‍ദേശം പുറത്തിറങ്ങി.

സംസ്ഥാനത്ത് കൊവിഡ് രോഗികളെ വീടുകളില്‍ ചികിത്സിക്കാനുള്ള അനുമതിയുടെ ആദ്യ ഭാഗമായാണിത്. സര്‍ക്കാര്‍ നിയോഗിച്ച ആരോഗ്യ വിദഗ്ദ്ധരും മെഡിക്കല്‍ ബോര്‍ഡും നേരത്തെ ഇത് സംബന്ധിച്ച്‌ നല്‍കിയ നിര്‍ദ്ദേശം സംസ്ഥാന ആരോഗ്യവകുപ്പ് അംഗീകരിക്കുകയായിരുന്നു. കൊവിഡ് രോഗികളെ ചികിത്സിക്കുന്നതിന് ഫസ്റ്റ് ലൈന്‍ ട്രീറ്റ്മെന്റ് സെന്ററുകളെ മാത്രം ആശ്രയിക്കേണ്ടതില്ലെന്നാണ് വിദഗ്ദധ നിര്‍ദ്ദേശം.

വീടുകളില്‍ ചികിത്സയില്‍ കഴിയാനാഗ്രഹിക്കുന്ന കൊവിഡ് ബാധിച്ച ആരോഗ്യ പ്രവര്‍ത്തകര്‍ ഇത് സംബന്ധിച്ച്‌ എഴുതി നല്‍കണം. വീട്ടില്‍ സൗകര്യം ഉണ്ടെന്ന് ഇതില്‍ വ്യക്തമാക്കണം. വീട്ടിലെ, മറ്റ് ആരോഗ്യപ്രശ്നങ്ങളില്ലാത്ത മുതിര്‍ന്ന ഒരംഗം ഇവരുടെ കാര്യങ്ങള്‍ നോക്കാന്‍ ഉണ്ടാകണം. വരും ദിവസങ്ങളില്‍ രോഗലക്ഷണമില്ലാത്ത മറ്റ് കൊവിഡ് രോഗികളെ കൂടി വീടുകളില്‍ കഴിയാന്‍ അനുവദിച്ചേക്കും.

സം​സ്ഥാ​ന​ത്ത് കോ​വി​ഡ് രോ​ഗി​ക​ളു​ടെ എ​ണ്ണം വ​ര്‍​ധി​ച്ചാ​ല്‍ തൊ​ട്ട​ടു​ത്ത് ചി​കി​ത്സാ​കേ​ന്ദ്രം ഉ​ണ്ടെ​ന്ന് ഉ​റ​പ്പു​ണ്ടെ​ങ്കി​ല്‍ ല​ക്ഷ​ണ​മി​ല്ലാ​ത്ത​വ​ര്‍​ക്കും ഗു​രു​ത​ര​മാ​യ പ്ര​ശ്‌​ന​ങ്ങ​ളി​ല്ലാ​ത്ത​വ​ര്‍​ക്കും വീ​ടു​ക​ളി​ല്‍ ത​ന്നെ പ​രി​ച​ര​ണം ന​ല്‍​കു​ന്ന​ത് പ​രി​ഗ​ണി​ക്കു​മെ​ന്ന് മു​ഖ്യ​മ​ന്ത്രി നേ​ര​ത്തെ പ​റ​ഞ്ഞി​രു​ന്നു. സം​സ്ഥാ​ന​ത്ത് നി​ല​വി​ലു​ള്ള രോ​ഗി​ക​ളി​ല്‍ 60 ശ​ത​മാ​ന​ത്തി​നു മു​ക​ളി​ല്‍ രോ​ഗ​ല​ക്ഷ​ണം പ്ര​ക​ടി​പ്പി​ക്കാ​ത്ത​വ​രാ​ണ്. ഇ​വ​രെ വീ​ടു​ക​ളി​ല്‍ ത​ന്നെ താ​മ​സി​പ്പി​ച്ച്‌ പ​രി​ച​രി​ച്ചാ​ല്‍ മ​തി​യെ​ന്ന് വി​ദ​ഗ്ദ്ധ​ര്‍ ഉ​പാ​ധി​ക​ളോ​ടെ നി​ര്‍​ദേ​ശി​ച്ചി​രു​ന്നു.