വീട്ടിലുള്ള പല വസ്തുക്കളും പ്രശ്‌നമുണ്ടാക്കുന്നവയാണ്. അതില്‍ പ്രധാനം പഴയ ചെരുപ്പുകളാണ്. മിക്ക വീടുകളിലും അവശ്യത്തിലധികം ചെരുപ്പുകള്‍ പൊടിയും അഴുക്കും പിടിച്ച് വെറുതെ കിടക്കുന്നുണ്ടാകും. ഇത് വീടിന് ദോഷമാണെന്നാണ് പറയുന്നത്.

പഴയ ചെരുപ്പുകളും പഴയതും വൃത്തിയില്ലാത്തതുമായ ചെരുപ്പുകള്‍ ധരിക്കാതിരിക്കാന്‍ പ്രത്യേകം ശ്രദ്ധിക്കേണ്ടതുണ്ട്. തീരെ പഴയ ചെരുപ്പും ഷൂസുകളും വീട്ടില്‍ സൂക്ഷിക്കുന്നവര്‍ ജീവിക്കാന്‍ ഏറെ കഷ്ടപ്പെടേണ്ടിവരും . ചെരുപ്പുകള്‍ എപ്പോഴും വൃത്തിയായും വെടിപ്പായും വേണം സൂക്ഷിക്കാന്‍. അതുപോലെ ഉമ്മറപ്പടിയുടെ നേരെ ഇവ സൂക്ഷിക്കാതിരിക്കാനും ശ്രദ്ധിക്കേണ്ടതുണ്ട്. ഇനി പഴയ ചെരിപ്പുകള്‍ കളയുന്നതിലും ചില കാര്യങ്ങള്‍ ശ്രദ്ധിക്കണം. ശനിയാഴ്ച ദിവസം മാത്രമേ പഴയ ചെരിപ്പുകള്‍ വീട്ടില്‍ നിന്ന് മാറ്റാവൂ.

അതുപോലെ ഒട്ടുമിക്ക വീടുകളിലും കാണുന്ന ഒന്നാണ് പഴയ വസ്ത്രങ്ങള്‍. കീറി തുന്നിക്കെട്ടിയതും വളരെ പഴയതുമായ വസ്ത്രങ്ങളാണ് ഇവിടത്തെ വില്ലന്‍. ഇത്തരം വസ്ത്രങ്ങള്‍ സൂക്ഷിക്കുന്നത് വീട് ദുഷ്ടശക്തികളുടെ കൂടാരമായി മാറാന്‍ ഇടയാക്കും. പഴയ വസ്ത്രങ്ങളെപ്പോലെ പ്രശ്‌നക്കാരാണ് പഴയ പത്രങ്ങളും. യഥാസമയം നീക്കംചെയ്യാതെ പത്രങ്ങള്‍ ഏറെനാള്‍ സൂക്ഷിച്ചുവയ്ക്കുന്ന ശീലം പലര്‍ക്കുമുണ്ട്. ഇത് വളരെ ഗുരുതരപ്രശ്‌നങ്ങള്‍ക്ക് ഇടയാക്കും എന്നാണ് വാസ്തുശാസ്ത്രം പറയുന്നത്. പഴയ പത്രങ്ങളില്‍ എളുപ്പത്തില്‍ പൊടിയും മണ്ണും ശേഖരിക്കപ്പെടുകയും അവയില്‍ വളരെ വേഗം പ്രാണികള്‍ വളരുകയും ചെയ്യും. നെഗറ്റീവ് എനര്‍ജി ഉണ്ടാവുന്നതിന് കാരണം ഇതാണ്.