എല്ലാവരും ഉറങ്ങികഴിയുമ്പോള്‍ ജനലിനു സമീപത്തെത്തി ഉറങ്ങിക്കിടക്കുന്നവരില്‍ നിന്ന് ആഭരണങ്ങള്‍ അടിച്ചു മാറ്റാന്‍ വിദഗ്ദ്ധന്‍, അമ്പതോളം മോഷണക്കേസിലെ പ്രതി പിടിയിലായതിങ്ങനെ....
അന്‍പതോളം മോഷണ കേസുകളില്‍ പ്രതിയായ കുപ്രസിദ്ധ മോഷ്ടാവ് പിടിയില്‍. പലനാള്‍ കള്ളന്‍ ഒരുനാള്‍ പിടിയില്‍ എന്ന ചൊല്ല് ഇവിടെ യാഥാര്‍ത്ഥ്യമായി. മലപ്പുറം, എടവണ്ണ, ഒതായി സ്വദേശി വെള്ളാട്ടുചോല റഷീദ്(46) ആണ് പിടിയിലായത്. ജനലിനിടയിലൂടെ ഉറങ്ങിക്കിടക്കുന്നവരുടെ ശരീരത്തില്‍ നിന്നും ആഭരണങ്ങള്‍ മോഷ്ടിക്കുന്നതില്‍ അതി വിദഗ്ധനാണ് ഇയാളെന്നും പൊലീസ് പറഞ്ഞു.
കല്‍പകഞ്ചേരി, കുറ്റിപ്പാലയിലെ വീട്ടില്‍ ഉറങ്ങിക്കിടക്കുന്ന കുട്ടിയുടെയും അമ്മയുടെയും സ്വര്‍ണാഭരണങ്ങള്‍ ജനലിനിടയിയൂടെ മോഷ്ടിച്ച കേസിന്റെ അന്വേഷണത്തിലാണ് ഇയാള്‍ പിടിയിലായത്. മോഷ്ടിച്ച ആഭരണങ്ങള്‍ വില്‍പന നടത്തി ലഭിച്ച പണം കൊണ്ട് ലോറി വാങ്ങി അതില്‍ പച്ചക്കറി കച്ചവടം നടത്തി ഒളിവില്‍ താമസിക്കവെയാണ് പറവൂരില്‍ നിന്നും ഇയാള്‍ പിടിയിലായത്. മോഷണം നടത്തിയശേഷം തമിഴ്നാട്ടിലേക്കോ തെക്കന്‍ ജില്ലകളിലേക്കോ ഒളിവില്‍ പോയി അവിടെ '.നല്ലയാളായി' കഴിയുന്നതാണ് ഇയാളുടെ രീതി.
തിരൂര്‍ ഡിവൈഎസ്പി സുരേഷ് ബാബുവിന്റെ നിര്‍ദ്ദേശ പ്രകാരം കല്‍പകഞ്ചേരി ഇന്‍സ്‌പെക്ടര്‍ മുഹമ്മദ് ഹനീഫയും സംഘവുമാണ് പ്രതിയെ പിടികൂടിയത്.
https://www.facebook.com/Malayalivartha
