പ്രകൃതി ദുരന്തങ്ങളും പ്രളവും പാഠമാക്കാതെ എന്‍.ഡി.എഫ് സര്‍ക്കാര്‍ മുന്നോട്ട്. ക്വാറി മാഫിയകളെ സഹായിക്കുന്ന മാറ്റൊരു നിലപാട് സമൂഹത്തില്‍ ചര്‍ച്ചയാകുയാണ്. ജനവാസകേന്ദ്രത്തില്‍ നിന്നുള്ള ക്വാറികളുടെ ദൂരപരിധി കുറയ്ക്കാന്‍ ക്വാറി ഉടമകള്‍ക്ക് സംസ്ഥാന സര്‍ക്കാരിന്റെ പിന്തുണ. ക്വാറി ഉടമകള്‍ നല്‍കിയ ഹര്‍ജിയില്‍ 200 മീറ്റര്‍ ദൂരപരിധി വേണമെന്ന ഹരിത ട്രിബ്യൂണലിന്റെ ഉത്തരവ് ഹൈക്കോടതി താല്‍ക്കാലികമായി സ്‌റ്റേ ചെയ്തു. സര്‍ക്കാരിന്റെ സത്യവാങ്മൂലം കണക്കിലെടുത്താണ് ഹൈക്കോടതിയുടെ ഇടക്കാല സ്‌റ്റേ.

പാലക്കാട് ജില്ലയിലെ ഒരു പരാതി പരിഗണിച്ചുകൊണ്ടായിരുന്നു സംസ്ഥാനത്തെ ക്വാറികള്‍ക്ക് 200 മീറ്റര്‍ ദൂരപരിധി നിശ്ചയിച്ചുകൊണ്ട് ഹരിത െ്രെടബ്യൂണല്‍ ഉത്തരവിട്ടത്. ഇത് അത് ചോദ്യം ചെയ്ത് പാറമട ഉടമകളാണ് ഹൈക്കോടതിയെ സമീപിച്ചത്. പരിസ്ഥിതി വകുപ്പിനെ മാത്രം കേട്ടുകൊണ്ടാണ് ഹരിത െ്രെടബ്യൂണല്‍ തീരുമാനമെടുത്തത് എന്നായിരുന്നു പാറമട ഉടമകളുടെ ആരോപണം. എല്ലാ കക്ഷികളേയും കേള്‍ക്കാതെയാണ് ഹരിത െ്രെടബ്യൂണല്‍ ഉത്തരവിലേക്ക് പോയതെന്നാണ് പ്രഥമദൃഷ്ട്യാ ബോധപ്പെട്ടതിനെ തുടര്‍ന്നാണ് ഹൈക്കോടതി സിംഗിള്‍ ബഞ്ച് സ്‌റ്റേ അനുവദിച്ചിരിക്കുന്നത്. 50 മീറ്ററാണ് സംസ്ഥാനത്തെ പാറമടകള്‍ക്ക് സര്‍ക്കാര്‍ നിശ്ചയിച്ചിരുന്ന ദൂരപരിധി.

ഹരിത ട്രെബ്യൂണലിന്റെ ഉത്തരവ് സര്‍ക്കാരിന്റെ അഭിപ്രായം ചോദിച്ച ശേഷമല്ല. സര്‍ക്കാരിന്റെ സമിതികള്‍ പഠിച്ച ശേഷമാണ് 50 മീറ്റര്‍ ദൂരപരിധി ഉത്തരവ് നിശ്ചയിച്ചത് തുടങ്ങിയ കാര്യങ്ങളാണ് സര്‍ക്കാരിന് വേണ്ടി അഡീഷണല്‍ അഡ്വക്കറ്റ് ജനറല്‍ രഞ്ജിത്ത് ഹൈക്കോടതിയെ അറിയിച്ചത്. ഹരിത െ്രെടബ്യൂണലിന്റെ ഉത്തരവിനെതിരെ സംസ്ഥാന സര്‍ക്കാര്‍ കോടതിയെ സമീപിക്കുമെന്നും അഡീഷണല്‍ അഡ്വക്കേറ്റ് ജനറല്‍ ഹൈക്കോടതിയെ അറിയിച്ചിട്ടുണ്ട്. സംസ്ഥാനത്ത് പ്രവര്‍ത്തിക്കുന്ന ലൈസന്‍സുള്ള ക്വാറികളില്‍ ഭൂരിഭാഗവും 200 മീറ്റര്‍ ദൂരപരിധിയിലല്ല എന്നതിനാല്‍ ക്വാറി ഉടമകള്‍ക്ക് സഹായകരമാണ് സര്‍ക്കാര്‍ നിലപാട്. പരാതിക്കാരല്ല ഹരിത െ്രെടബ്യൂണലിനെതിരെ സംസ്ഥാന സര്‍ക്കാര്‍ തന്നെ കോടതിയെ സമീപിക്കുന്നു എന്നതും ശ്രദ്ധേയമാണ്.

സ്‌ഫോടനം നടത്തിയുള്ള ക്വാറികള്‍ക്ക് 200 മീറ്ററും സ്‌ഫോടന മില്ലാതെയുള്ള ഖനനത്തിന് 100 മീറ്റര്‍ അകലവും ജനവാസ മേഖലയില്‍ ഉറപ്പാക്കണമെന്നായിരുന്നു ദേശീയ ഹരിത െ്രെടബ്യൂണല്‍ ഉത്തരവ്. നിലവില്‍ 50 മീറ്റര്‍ ദൂരപരിധിയിലാണ് സംസ്ഥാനത്തെ പാറമടകള്‍ പ്രവര്‍ത്തിക്കുന്നത്. ഇത് 200 മീറ്ററിലേക്ക് മാറിയാല്‍ സംസ്ഥാനത്തെ 95 ശതമാനം പാറമടകളും പൂട്ടിപ്പോകുമായിരുന്നു. ഹൈക്കോടതി ഉത്തരവോടെ നിലവിലുണ്ടായ രീതിയില്‍ തന്നെ പാറമടകള്‍ക്ക് പ്രവര്‍ത്തിക്കാന്‍ സാധിക്കും.

ഇ.ഐ.എ 2020യുടെ കരട് വിജ്ഞാപനത്തിനെതിരായ അവസാന നിമിഷമാണ് സര്‍ക്കാര്‍ എതിര്‍പ്പ് രേഖപ്പെടുത്തിയത്. അതും എല്‍.ഡി.എഫിലെ സി.പി.ഐ സര്‍ക്കാര്‍ പരാതി നല്‍കാതിരുന്നതിനെ വിമര്‍ശിക്കുകയും സ്വന്തമായി പരാതി നല്‍കിയതിനും ശേഷം. സര്‍ക്കാരിന് പരിസ്ഥിതി സംരക്ഷണത്തിന് താല്‍പര്യമില്ലെന്നും കേന്ദ്ര സര്‍ക്കാരിന്റെ നിലപാട് തന്നെയാണ് സംസ്ഥാന സര്‍ക്കാരും സ്വീകരിക്കുന്നതെന്ന് ക്വാറികളുടെ ദുരപരിധി കുറക്കാനുള്ള നിലപാട് സ്വീകരിച്ചതില്‍ നിന്നും വ്യക്തമാകുന്നുണ്ട്. മൈനിംഗ് ആന്റ് ജിയോളജി വകുപ്പ് ഡയറക്ടര്‍ ഇന്‍ ചാര്‍ജും മുഖ്യമന്ത്രി പിണറായി വിജയനും വകുപ്പ് മന്ത്രി ഇ.പി ജയരാജനും തമ്മിലുള്ള അവിശുദ്ധ കൂട്ടുകെട്ടിലാണ് ഇത്തരം തീരുമാനങ്ങള്‍ സര്‍ക്കാര്‍ തലത്തിലുണ്ടാകുന്നുവെന്നതും പരസ്യമായി രഹസ്യമാണ്.