രാജ്യത്തെ മോട്ടോര്‍ വാഹന വ്യവസായത്തെ തകര്‍ക്കാന്‍ ഇടയാക്കുന്ന കേന്ദ്രസര്‍ക്കാരിന്റെ റോഡ് ട്രാന്‍സ്‌പോര്‍ട്ട് ബില്‍ 2015 പിന്‍വലിക്കണമെന്ന് ആവശ്യപ്പെട്ട് 30ന് നടത്തുന്ന ദേശവ്യാപക വാഹന പണിമുടക്കില്‍ കേരളത്തിലെ തൊഴിലാളികളും പങ്കെടുക്കും. 29ന് രാത്രി 12 മുതല്‍ 30ന് രാത്രി 12 വരെയാണ് പണിമുടക്ക്. സിഐടിയു, ഐഎന്‍ടിയുസി, ബിഎംഎസ്, എഐടിയുസി, എച്ച്എംഎസ് എന്നീ ട്രേഡ് യൂണിയനുകളടെ നേതൃത്വത്തിലാണ് പണിമുടക്ക് നടക്കുക.
റോഡ് ട്രാന്‍സ്‌പോര്‍ട്ട് നിയന്ത്രണം സ്വകാര്യ കമ്പനികള്‍ വഴിയാകുന്നതോടെ കേന്ദ്രസംസ്ഥാന സര്‍ക്കാരുകള്‍ക്കും കോടതികള്‍ക്കും ഈ കമ്പനികളെ ചോദ്യം ചെയ്യാനും കഴിയാതാകും. 1988ലെ മോട്ടോര്‍ വാഹന നിയമം ഇല്ലാതാകുന്നതോടൊപ്പം റോഡപകടങ്ങളില്‍പ്പെടുന്നവര്‍ക്കും ഗതാഗതനിയമം ലംഘിക്കുന്നവര്‍ക്കും ക്രൂരമായ ശിക്ഷയും കനത്ത പിഴയും നടപ്പാകും. വാഹനപരിശോധന, ഡ്രൈവിങ് ടെസ്റ്റ്, ലൈസന്‍സ് നല്‍കല്‍ എന്നിവയും യാത്രക്കൂലി നിര്‍ണയാവകാശവും സ്വകാര്യ കമ്പനികള്‍ക്ക് ലഭിക്കും. വിവിധ വാഹനങ്ങള്‍ ഓടിക്കുന്നവര്‍ക്ക് അതത് വാഹനങ്ങളുടെ ലൈസന്‍സ് വെവ്വേറെ എടുക്കേണ്ടിയും വരും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha