ബാര്‍ മുതലാളിമാരില്‍ നിന്ന് 10കോടി രൂപ കൈപറ്റിയെന്ന ആരോപണവുമായി ബന്ധപ്പെട്ട് എക്‌സൈസ് മന്ത്രി കെ ബാബുവിനെതിരെ കേസെടുക്കാന്‍ സാധ്യത. ഇതുസംബന്ധിച്ചുള്ള നല്‍കി ആഭ്യന്തരമന്ത്രി രമേശ് ചെന്നിത്തല. സംസ്ഥാനത്ത് നേതൃമാറ്റമെന്ന പൊതുവികാരം ഉയര്‍ത്തികൊണ്ടുവരാന്‍ രമേശ് ചെന്നിത്തലയുടെ നേതൃത്വത്തില്‍ ഐ ഗ്രൂപ്പ് ശ്രമിക്കുന്നുവെന്നാരോപിച്ച് എ പക്ഷം സോണിയാഗാന്ധിക്ക് പരാതി നല്‍കാനുള്ള ശ്രമത്തിലാണ്. എന്നാല്‍ നേതൃമാറ്റം ഉണ്ടാവില്ലെന്നും അങ്ങനെവന്നാല്‍ സംസ്ഥാനം തിരഞ്ഞെടുപ്പിലേക്ക് നീങ്ങുമെന്നും എ ഗ്രൂപ്പ് നേതക്കള്‍ പ്രതികരിച്ചു. ഉമ്മന്‍ചാണ്ടിയെ മറിച്ചിട്ട് ആരും മുഖ്യമന്ത്രിയാവാന്‍ നോക്കണ്ടെന്ന് ഒരുമുതിര്‍ന്ന കോണ്‍ഗ്രസ് നേതാവ് പറഞ്ഞു. അതിനിടെ ലീഡര്‍ക്ക് കൊടുക്കാത്ത സംരക്ഷണം ആര്‍ക്കും നല്‍കേണ്ടെന്ന കോണ്‍ഗ്രസ് നേതാവ് അജയ്തറയിലിന്റെ ഫെയ്‌സ്ബുക്ക് പോസ്റ്റുംഏറെ ചര്‍ച്ചയായി. പാര്‍ട്ടി വക്താക്കന്‍മാരെ നിയന്ത്രിക്കണമെന്നും എ ഗ്രൂപ്പ് ഹൈക്കമാന്റിനോട് അഭ്യര്‍ഥിച്ചിട്ടുണ്ട്.

എന്നാല്‍ സംസ്ഥാനത്ത് നേതൃമാറ്റത്തിനുള്ള സാധ്യത സംബന്ധിച്ച മാദ്ധ്യമ പ്രവര്‍ത്തകരുടെ ചോദ്യത്തോട് പ്രതികരിക്കാന്‍ ആഭ്യന്തരമന്ത്രി രമേശ് ചെന്നിത്തല വിസമ്മതിച്ചു. ബാര്‍ കോഴ ആരോപണം നേരിടുന്ന മന്ത്രി കെ ബാബുവിനെതിരെ കേസെടുക്കുമോയെന്ന ചോദ്യത്തില്‍നിന്നും അദ്ദേഹം ഒഴിഞ്ഞുമാറി. നേതൃമാറ്റചര്‍ച്ച ഉയര്‍ത്തിക്കൊണ്ടുവരാന്‍ ഐ ഗ്രൂപ്പ് ശ്രമം തുടങ്ങിയതായി സൂചനയുണ്ട്. സോളാര്‍ തട്ടിപ്പിന് പിന്നാലെ ബാര്‍ കോഴയുമായി ബന്ധപ്പെട്ടും സര്‍ക്കാര്‍ ആരോപണങ്ങളുടെ ശരശയ്യയിലായ സാഹചര്യത്തിലാണ് നേതൃമാറ്റത്തിന് ശ്രമിക്കുന്നത് എന്നാണ് യാഥാര്‍ത്ഥ്യം. ഇത്തരം ചോദ്യങ്ങള്‍ക്കാണ് ചെന്നിത്തല മറുപടി പറയാത്തത്.
അതിനിടെ മുഖ്യമന്ത്രി ഉമ്മന്‍ ചാണ്ടിക്കെതിരെ രൂക്ഷ വിമര്‍ശനങ്ങളുമായി പി.സി.ജോര്‍ജ് എംഎല്‍എ. ജനസമ്പര്‍ക്ക പരിപാടിയിലൂടെ വില്ലേജ് ഓഫിസര്‍മാരുടെ ജോലിയാണ് മുഖ്യമന്ത്രി ചെയ്യുന്നത്. ഇത്തരം തറപരിപാടികള്‍ മുഖ്യമന്ത്രി അവസാനിപ്പിക്കണം. ആയിരം രൂപയുടെ സഹായം നല്‍കാന്‍ മുഖ്യമന്ത്രിയുടെ ആവശ്യമില്ല. യഥാര്‍ഥ കാര്യങ്ങള്‍ മറച്ചുവയ്ക്കാനുള്ള തട്ടിപ്പാണ് ജനസമ്പര്‍ക്ക പരിപാടിയെന്നും പി.സി. ജോര്‍ജ് പറഞ്ഞു. ബാര്‍ കോഴക്കേസില്‍ ധനമന്ത്രി കെ.എം. മാണിക്കും എക്‌സൈസ് മന്ത്രി കെ. ബാബുവിനുമെതിരെ ക്വിക്ക് വെരിഫിക്കേഷന്‍ നടത്താത്തത് ഇരട്ടത്താപ്പാണ്. മണ്ടന്മാരായ കേരള കോണ്‍ഗ്രസുകാര്‍ക്ക് ഇതു മനസിലായിട്ടില്ല. അധികാരത്തിന്റെ അപ്പക്കഷ്ണത്തിനു വേണ്ടി കടിച്ചു തൂങ്ങുകയാണ് കേരള കോണ്‍ഗ്രസുകാരെന്നും ജോര്‍ജ് പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha