സമാധാനത്തിന്റെ വെള്ളരിപ്രാവുകള്‍ക്ക് ഇത് എന്തുപറ്റി. ഗുണ്ടകളെ അണി നിരത്തി കോണ്‍ഗ്രസ് തലസ്ഥാനത്ത് ലക്ഷ്യമിടുന്നത് എന്താണ്. ഡി.സി.സി അംഗത്തിന്റെ വീട്ടില്‍ ഗുണ്ടാകള്‍ എത്തു ചേര്‍ന്നതെന്തിന്. നിരവധി ചോദ്യങ്ങളാണ് ഉയരുന്നത്. ഡിസിസി അംഗം ചേന്തി അനിയുടെ വീട്ടില്‍ ഗുണ്ടകളുടെ ഒത്തുചേരല്‍. ഗുണ്ടാസംഘ അംഗങ്ങള്‍ സംഗമിച്ചതിന്റെ ചിത്രങ്ങള്‍ പുറത്തുവന്നു. സംഭവത്തില്‍ അസ്വാഭാവികത സംശയിച്ച് പോലീസ് അന്വേഷണം ആരംഭിച്ചിട്ടുണ്ട്.

തിരുവനന്തപുരം ഡിസിസി അംഗം ചേന്തി അനിയുടെ ശ്രീകാര്യത്തെ വീട്ടിലാണ് ഗുണ്ടകള്‍ ഒത്തുചേര്‍ന്നത്. പുത്തന്‍പാലം രാജേഷ്, ഓം പ്രകാശ് തുടങ്ങി വിവിധ കേസുകളില്‍ ഉള്‍പ്പെട്ടവരാണ് ഒരുമിച്ച് കൂടിയത്. ഇവര്‍ ഒരുമിച്ച് നില്‍ക്കുന്നതിന്റേയും ഭക്ഷണം കഴിക്കുന്നതിന്റേയും ചിത്രങ്ങളാണ് ഇപ്പോള്‍ പുറത്തുവന്നിരിക്കുന്നത്. ഏതെങ്കിലും തരത്തിലുള്ള ആക്രമണത്തിന് പദ്ധതിയാടനാകാണം ഗുണ്ടകള്‍ ഒത്തുചേര്‍ന്നതെന്നാണ് സ്‌പെഷ്യല്‍ ബ്രാഞ്ചിന്റെ സംശയം. ഇതുസംബന്ധിച്ചാണ് അന്വേഷണം നടത്തുന്നത്. ഇതിനിടെ സംഭവത്തില്‍ വിശദീകരണവുമായി ചേന്തി അനി രംഗത്തെത്തി. തന്റെ അമ്മയുടെ ചരമ ദിനമായിരുന്നു ഓഗസ്റ്റ് 31ന്. അന്ന് വിവിധ തുറകളിലുള്ള ആളുകളെ വീട്ടിലേക്ക് ക്ഷണിച്ചിരുന്നു. നേരത്തെ എസ്എന്‍ഡിപി യൂണിയന്‍ ട്രഷററായിരുന്ന ഓം പ്രകാശിനേയും ചടങ്ങിലേക്ക് ക്ഷണിച്ചു. ഓംപ്രകാശിന്റെ കൂടെ അദ്ദേഹത്തിന്റെ സുഹൃത്തുക്കളും എത്തിയിരുന്നു. അവിടെയെത്തിയ ആളുകള്‍ ഓംപ്രാകാശിനൊപ്പം എടുത്ത ഫോട്ടോയാണ് പുറത്ത് വന്നത്. ഒരു സുഹൃത്തെന്ന നിലയിലുള്ള ബന്ധമാണ് ഓംപ്രകാശുമായിട്ടുള്ളത്. മറ്റു അസ്വാഭാവികതകള്‍ ഇല്ലെന്നും ചേന്തി അനി വിശദീകരിച്ചു. അടുത്തിടെ ശ്രീകാര്യത്ത് ഗുണ്ടകള്‍ തമ്മിലുള്ള വാക്കേറ്റത്തിനിടെ വെട്ടേറ്റ ശരത് ലാല്‍ ഓടികയറിയത് ചേന്തി അനിയുടെ വീട്ടിലായിരുന്നു. കോണ്‍ഗ്രസ് കൗണ്‍സിലര്‍ സിനിയുടെ ഭര്‍ത്താവാണ് ചേന്തി അനി.

വെഞ്ഞാറമൂട് ഇരട്ട കൊലപാതകം ഡി.സി.സിയുടെ അറിവോടെയാണെന്ന് നേരത്തെ സി.പി.എം ജില്ലാ നേതൃത്വം ആരോപിച്ചിരുന്നു. ജില്ലയില്‍ കോണ്‍ഗ്രസിന് ആക്രമണം നടത്തുന്നതിന് ഗുണ്ടകളുടെ സംഘമുണ്ടെന്ന് സി.പി.എം നേതാക്കള്‍ പറഞ്ഞിരുന്നു. ശ്രീകാര്യത്തെ ആക്രമണവും വെഞ്ഞാറമൂട് കൊലപാതകവും കൂട്ടിവയ്ക്കുകയാണെങ്കില്‍ കോണ്‍ഗ്രസും അക്രമത്തിന്റെ പാതയിലേക്ക നിങ്ങുന്നുവെന്നുവേണം കണക്കാന്‍. തദ്ദേശ തെരഞ്ഞെടുപ്പ് അടുത്ത സാഹചര്യത്തിലാണേ തിരുവനന്തപുരം നഗരസഭാ കേന്ദ്രകരിച്ച് കോണ്‍ഗ്രസ് അക്രമത്തിന് തയ്യാറെടുക്കുന്നതെന്നും സംശയിക്കേണ്ടിയിരിക്കുന്നു. തിരുവനന്തപുരം നഗരസഭയില്‍ ഇപ്പോള്‍ കോണ്‍ഗ്രസിന്റെ സ്ഥാനം മൂന്നാമതാണ്. കോണ്‍ഗ്രസിന്റെയും സി.പി.എമ്മിന്റെയും കൗണ്‍സിലുകളില്‍ ബി.ജെ.പി മുന്നേറ്റം നടത്തി. ഇതോടെ കോണ്‍ഗ്രസിന് പ്രതിപക്ഷ നേതൃസ്ഥാനത്ത് പോലും എത്താന്‍ സാധിച്ചില്ല. ഒരു തിരിച്ച് വരവിന് അടിക്ക് തിരിച്ചടിയെന്ന നയം കോണ്‍ഗ്രസ് തദ്ദേശ തിരഞ്ഞെടുപ്പില്‍ സ്വീകരിക്കുന്നതിന്റെ ഭാഗമായിയാണോ ഗുണ്ടകളെ കോണ്‍ഗ്രസ് അവരുടെ പാളയത്തിലെത്തിക്കുന്നതെന്നും സംശയക്കപ്പെടുന്നുണ്ട്.