ബ്രേക്കര് വില്ക്കാനുണ്ടന്ന് വാട്സാപ്പ് ഗ്രൂപ്പില് സന്ദേശം, ബ്രേക്കര് മോഷ്ടാക്കളെ തിരഞ്ഞു നടന്ന പൊലീസ് കയ്യോടെ പൊക്കി!
പരിയാരത്ത് റോഡ് പണിക്കായി കൊണ്ടുവന്ന തൃശൂര് ടെസ് ട്രാന്സ്കോ കണ്സ്ട്രക്ഷന് കമ്പനിയുടെ ഉടമസ്ഥതയിലുള്ള ബ്രേക്കറും അനുബന്ധ സാധന സാമഗ്രികളും ഓഗസ്റ്റ് 16-ന് കടന്നപ്പള്ളി കള്ളക്കാത്തോടില് നിന്നു മോഷണം പോയിരുന്നു.
ബ്രേക്കര് മോഷണം സംബന്ധിച്ച വിവരം മണ്ണുമാന്തി യന്ത്രങ്ങള് ഉപയോഗിക്കുന്നവരുടെയും ഉടമകളുടെയും വാട്സാപ് ഗ്രൂപ്പില് പരിയാരം പൊലീസ് അറിയിച്ചിരുന്നു. കവര്ച്ച കേസിലെ പ്രതികളില് ഒരാള് ബ്രേക്കര് വില്ക്കാനുണ്ടന്ന സന്ദേശം കഴിഞ്ഞ ദിവസം ഗ്രൂപ്പില് ഇട്ടതോടെ പ്രതികളെ പിടികൂടാന് കഴിഞ്ഞു.
10 ലക്ഷം രൂപ വിലവരുന്ന മണ്ണുമാന്തി യന്ത്രത്തിലെ റോക്ക് ബ്രേക്കറും അനുബന്ധ ഉപകരണങ്ങളും മോഷ്ടിച്ചു കടത്തിയ സംഘത്തിലെ 5 പേര് അങ്ങനെ പിടിയിലായി. രണ്ടുപേരെ കൂടി പിടികിട്ടാനുണ്ട്. കുടുക്കിമൊട്ടയില് നിന്നാണു തൊണ്ടി മുതലായ ബ്രേക്കര് പിടികൂടിയത്.
കാഞ്ഞിരോട് ചാലില് വീട്ടില് അജിത്ത്കുമാര്്(43), കാഞ്ഞിരോട് തെരു തലമുണ്ടയിലെ പാടിയില് ഹൗസില് എം.മിഥുന് (23), മുട്ട ഹൗസില് പ്രജീഷ്(24), തലമുണ്ട അമല് നിവാസില് എം.വി.അമല് (23), കൂടാളി കുംഭത്തെ രമ്യ നിവാസില് കെ.സബിന്(32) എന്നിവരെയാണു പരിയാരം പൊലീസ് അറസ്റ്റ് ചെയ്തത്.
പ്രിന്സിപ്പല് എസ്ഐ എം.പി.ഷാജി, അഡി. എസ്ഐ ടി.രവീന്ദ്രന്, എസ്ഐ സി.ജി.സാംസണ്, സീനിയര് സിവില് പൊലീസ് ഓഫിസര്മാരായ പ്രമോദ്, പ്രസന്നന് എന്നിവരാണ് അന്വേഷണ സംഘത്തില് ഉണ്ടായിരുന്നത്.
https://www.facebook.com/Malayalivartha
