കുട്ടികളുടെ അശ്ലീല ചിത്രങ്ങളും വീഡിയോയുകളും വ്യാപകമായി പ്രചരിക്കുന്നതിനെതിരെ നടപടി! സാമൂഹിക മാധ്യമങ്ങളില് അശ്ലീലം പരത്തുന്നവര് ശ്രദ്ധിക്കുക, ഏതു നിമിഷവും നിങ്ങളെ തേടിയെത്താൻ അവർ...
ആദ്യം ഇന്റര്നെറ്റ് സര്ഫിങ്, പിന്നീട് ട്വീറ്റുകള്, ഏറെ പുതുമയോടെ ഫെയ്സ്ബുക്ക് പിന്നെ കിടിലന് വാട്സ് ആപ്പ് ഇങ്ങനെ നീണ്ട് പോകുന്നു സോഷ്യല്മീഡിയയുടെ പുത്തന് മുഖഛായ. ആധുനിക ജീവിത സൗകര്യങ്ങളില് ഒഴിവാക്കാനാവാത്ത ഒന്നായി ഇന്റര്നെറ്റ് വളര്ന്നുകഴിഞ്ഞു. ഇ-മെയിലും ചാറ്റിങ്ങും ബ്രൗസിങ്ങുമെല്ലാം ശരാശരി മലയാളിയുടെ ശീലമായിക്കഴിഞ്ഞു. ഇതേസമയം തന്നെ, ഇന്റര്നെറ്റ് ദുരുപയോഗത്തിന്റെയും സൈബര് കുറ്റകൃത്യങ്ങളുടെയും വാര്ത്തകളും പുറത്തുവരുന്നുണ്ട്. എന്നാൽ ഈ സമൂഹ മാധ്യമങ്ങൾ വഴി കിട്ടുന്ന പണികളൊന്നും അത്ര ചെറുതൊന്നുമല്ല. ഓരോ ദിവസവും പുറത്ത് വരുന്നത് ഞെട്ടിക്കുന്ന വാർത്തകളാണ്.
ഇപ്പോഴിതാ സാമൂഹിക മാധ്യമങ്ങളില് അശ്ലീലം പരത്തുന്നവര്ക്ക് ഇനി എട്ടിന്റെ പണിയാണ്, ഏതു നിമിഷവും നിങ്ങളെ തേടി പോലീസെത്താം. കുട്ടികളുടെ അശ്ലീല ചിത്രങ്ങളും വീഡിയോയുകളും വ്യാപകമായി പ്രചരിക്കുന്നതിനെതിരേയുള്ള നടപടിയുടെ ഭാഗമായാണു പോലീസ് അന്വേഷണം ശക്തമാക്കിയിരിക്കുന്നത്. സൈബര് ഡോം നടത്തുന്ന ഓപ്പറേഷന് പി ഹണ്ടിന്റെ അടുത്ത ഘട്ടത്തിന്റെ ഭാഗമായി ജില്ലയിലെ ഇരുനൂറോളം സോഷ്യല് മീഡിയ ഗ്രൂപ്പുകളാണു നിരീക്ഷണത്തിലുള്ളത്.വാട്സ്ആപ്പ് - ടെലഗ്രാം ഗ്രൂപ്പുകളെയാണ് ഇന്റര്പോളിന്റെ നിര്ദേശാനുസരണം സൈബര് സെല് നിരന്തരം നിരീക്ഷിക്കുന്നത്. ആദ്യ രണ്ടു ഘട്ടങ്ങളിലായി സൈബര് സെല് നടത്തിയ പരിശോധനയില് ജില്ലയില് നിന്നും പതിനഞ്ചു പേരെ അറസ്റ്റു ചെയ്യുകയും, കമ്പ്യൂട്ടര് അടക്കമുള്ള ഉപകരണങ്ങള് പിടിച്ചെടുക്കുകയും ചെയ്തിരുന്നു.
ഈ പരിശോധനയുടെ രണ്ടാം ഘട്ടം സംസ്ഥാന തലത്തില് ആരംഭിച്ചിട്ടുണ്ട്. ഇതിന്റെ ഭാഗമായാണു ജില്ലയിലെ ഇരുനൂറോളം ഗ്രൂപ്പുകളുടെ പട്ടിക പോലീസ് ശേഖരിച്ചിരിക്കുന്നത്. ഇന്റര്പോളില് നിന്നാണു ഈ പട്ടിക സംസ്ഥാന പോലീസിനു ലഭിച്ചിരിക്കുന്നത്.കുട്ടികള്ക്കെതിരായ ലൈംഗിക അതിക്രമങ്ങള് ക്രിമിനല്ക്കുറ്റമാണ്. ഇതിനൊപ്പം തന്നെ പ്രാധാന്യത്തോടെയാണ് കുട്ടികളുടെ അശ്ലീല വീഡിയോകളും ചിത്രങ്ങളും പ്രചരിപ്പിക്കുന്നതും കണക്കാക്കുന്നത്. ഇത്തരത്തില് കുട്ടികളുടെ അശ്ലീല ചിത്രങ്ങളും വീഡിയോയും പ്രസിദ്ധീകരിക്കുന്ന സൈറ്റുകളുടെ പട്ടിക സംസ്ഥാന പോലീസിനു ഇന്റര് പോള് കൈമാറിയിരുന്നു. ഇത്തരത്തില് കൈമാറിയ പട്ടികയിലാണ് ഈ സൈറ്റുകളില് സ്ഥിരമായി സന്ദര്ശിക്കുന്ന ചില ഐ.പി വിലാസങ്ങള് ജില്ലയില് നിന്നുള്ളതാണ് എന്നു കണ്ടെത്തിയത്.
ഈ ഐപി വിലാസത്തിലുള്ള വ്യക്തികള് ഉള്പ്പെട്ട വാട്സ്ആപ്പ് ടെലഗ്രാം ഗ്രൂപ്പുകളുടെ പട്ടികയാണ് സൈബര് ഡോമിന് ലഭിച്ചിരിക്കുന്നത്. വരും ദിവസങ്ങളില് ഈ കേന്ദ്രങ്ങളില് പരിശോധന നടത്തുമെന്നാണു പോലീസ് നല്കുന്ന സൂചന. പ്രായപൂര്ത്തിയാകാത്ത പെണ്കുട്ടികളുടെയും, ആണ്കുട്ടികളുടെയും അശ്ലീല വീഡിയോകള് പ്രചരിപ്പിക്കുന്നവര് ഇപ്പോള് സുരക്ഷിത താവളമാക്കിയിരിക്കുന്നതു ടെലഗ്രാം അക്കൗണ്ടിനെയാണ്. സൈബര് സെല്ലിനു കൃത്യമായി ടെലഗ്രാം അക്കൗണ്ടുകള് പലപ്പോഴും ഹാക്ക് ചെയ്യാന് സാധിക്കാറില്ല. ഇത് തന്നെയാണ് ഇവര് ടെലഗ്രാമിനെ സുരക്ഷിത താവളമാക്കിയിരിക്കുന്നത്. എന്നാല്, ഇന്റര്പോള് ഇപ്പോള് നല്കിയിരിക്കുന്ന ഐ.പി വിലാസത്തില് കൂടുതലും ടെലഗ്രാം അക്കൗണ്ടുകളുടെയാണ് എന്നാണ് ലഭിക്കുന്ന വിവരം.
https://www.facebook.com/Malayalivartha
