മുന്‍മന്ത്രി ഇബ്രാഹിംകുഞ്ഞിന്റെ അറസ്റ്റില്‍ പ്രതികരണങ്ങളുമായി പ്രതിപക്ഷം എത്തിയിരുന്നു. എന്നാൽ പരിഹാസവുമായി മന്ത്രി കെ ടി ജലീല്‍ രംഗത്ത് വന്നിരിക്കുകയാണ് . 'നമുക്ക് നാമേ പണിവത് നാകം നരകവുമതുപോലെ' എന്ന ഉള്ളൂര്‍ എസ് പരമേശ്വരയ്യരുടെ വരികളാണ് കെ ടി ജലീല്‍ ചൊല്ലിയത്. നമുക്ക് നമ്മള്‍ തന്നെയാണ് സ്വര്‍ഗവും നരകവും തീര്‍ക്കുന്നത് എന്നര്‍ത്ഥം വരുന്ന കവിതാ ശകലമാണ് ഇബ്രാഹീം കുഞ്ഞിന്റെ അറസ്റ്റിനെ പരിഹസിച്ച്‌ ജലീല്‍ ചൊല്ലിയിരിക്കുന്നത്.

പാലാരിവട്ടം പാലം അഴിമതി കേസില്‍ ഇന്ന് രാവിലെയാണ് കൊച്ചിയിലെ സ്വകാര്യ ആശുപത്രിയില്‍ വെച്ച്‌ ഇബ്രാഹിംകുഞ്ഞിന്റെ അറസ്റ്റ് വിജിലന്‍സ് രേഖപ്പെടുത്തി . ആരോഗ്യസ്ഥിതി പരിഗണിച്ച്‌ ഇബ്രാഹിംകുഞ്ഞിനെ കോടതിയില്‍ ഹാജരാക്കുമെന്ന കാര്യത്തിൽ തീരുമാനം പിന്നീട് അറിയിക്കും.  നേരത്തെ ഈ വിഷയത്തിൽ പ്രതികരണവുമായി ഡി വൈ എഫ് ഐ സംസ്ഥാനസെക്രട്ടറി എ എ റഹീം രംഗത്ത് വന്നിരുന്നു .ചരിത്രത്തിലെ ഏറ്റവും വലിയ കൊളളയാണ് പാലാരിവട്ടം പാലം കുംഭകോണം. അഴിമതിക്കെതിരെ വോട്ട് ചോദിക്കുന്ന മുല്ലപ്പളളി വി കെ ഇബ്രാഹിം കുഞ്ഞിനെ പ്രചാരണ പരിപാടികളിലെ ബ്രാന്‍ഡ് അംബാസിഡര്‍ ആക്കണം. പാലം പൊളിക്കാനും, പുതിയത് പണിയാനും ആവശ്യമായ തുക ഈ കൊളള സംഘത്തില്‍ നിന്നും ഈടാക്കണം.പാലം പൊളിഞ്ഞ വേഗതയില്‍ നിയമ നടപടികളും പൂര്‍ത്തിയാക്കണം എന്നും അദ്ദേഹം പറഞ്ഞിരുന്നു .