ഹൈക്കോടതി സിംഗിള് ബെഞ്ചിന്റെ ഉത്തരവ്: 100 ഗ്രാമ പഞ്ചായത്തുകളില് സ്ത്രീ സംവരണം ഇല്ലാതാകും
100 ഗ്രാമപഞ്ചായത്തുകളില് സ്ത്രീ സംവരണം ഇല്ലാതാകും. തദ്ദേശസ്ഥാപനങ്ങളിലെ അധ്യക്ഷസ്ഥാന സംവരണം പുനഃക്രമീകരിക്കണമെന്ന ഹൈക്കോടതി സിംഗിള് ബെഞ്ചിന്റെ ഉത്തരവു നടപ്പാക്കുന്നതിനെ തുടര്ന്നാണിത്.
നിലവില് ഗ്രാമപഞ്ചായത്തുകളില് സ്ത്രീകള്ക്കായി സംവരണം ചെയ്ത് ഈ മാസം 3-ന് കമ്മിഷന് വിജ്ഞാപനം ചെയ്തത് സ്ത്രീ ജനറല് 417, പട്ടികജാതി വനിത 46, പട്ടികവര്ഗ വനിത 8 എന്നിങ്ങനെ 525 അധ്യക്ഷസ്ഥാനങ്ങളാണ്. ഇതില് 100 എണ്ണം സ്ത്രീകള്ക്ക് നഷ്ടമാകും.
നഗരസഭകളിലും ജില്ലാ പഞ്ചായത്തുകളിലും ബ്ലോക്ക് പഞ്ചായത്തുകളിലും സ്ത്രീ അധ്യക്ഷ സംവരണം കുറവു വരുമെങ്കിലും ഗ്രാമപഞ്ചായത്തുകളുടെ അത്ര ഉണ്ടാകില്ല. ഈയാഴ്ച തന്നെ കമ്മിഷന് പുനര്വിജ്ഞാപനം നടത്തുമെന്നാണ് അറിയുന്നത്.
ഭരണഘടന പ്രകാരം അധ്യക്ഷപദവിയില് മൂന്നിലൊന്നു സ്ത്രീ സംവരണമാണ്. എന്നാല്, കേരളത്തിലെ പഞ്ചായത്ത്, മുനിസിപ്പാലിറ്റി നിയമത്തില് 50% ആണു പറയുന്നത്. ഇതു കുറയ്ക്കാന് കമ്മിഷന് അധികാരമുണ്ടെന്ന കോടതിവിധിയുടെ അടിസ്ഥാനത്തിലാണു നടപടികള്. അധ്യക്ഷ സംവരണം ഭരണഘടനയില് നിര്ദേശിക്കുന്ന 33 ശതമാനത്തില് കുറയരുതെന്നും പഞ്ചായത്ത്, മുനിസിപ്പാലിറ്റി നിയമങ്ങളില് പറയുന്ന 50 ശതമാനത്തില് കവിയരുതെന്നുമാണ് കോടതിവിധി.
https://www.facebook.com/Malayalivartha