പൊലീസ് നിയമ ഭേദഗതി പിന്‍വലിച്ചതില്‍ സന്തോഷം; ഇത്തരത്തിലൊരു വാര്‍ത്ത കേട്ടതില്‍ സന്തോഷമുണ്ടെന്നും സ്വതന്ത്ര്യ പൊതുജന അഭിപ്രായത്തെ മാനിക്കുന്ന മുഖ്യമന്ത്രിമാര്‍ ഇപ്പോഴും ഉണ്ടെന്ന് അറിയുന്നതില്‍ ആനന്ദം ; മുഖ്യമന്ത്രി പിണറായി വിജയനെ വിളിച്ച് അഭിനന്ദിച്ച് പ്രശാന്ത് ഭൂഷണ്‍
പൊലീസ് നിയമ ഭേദഗതി പിന്‍വലിച്ചതില്‍ സന്തോഷം പ്രകടിപ്പിച്ച്‌ സുപ്രീംകോടതി മുതിര്‍ന്ന അഭിഭാഷകന്‍ പ്രശാന്ത് ഭൂഷണ്‍ രംഗത്ത് . മാത്രമല്ല അദ്ദേഹം മുഖ്യമന്ത്രി പിണറായി വിജയനെ വിളിച്ച് അഭിനന്ദിക്കുകയുമുണ്ടായി . ഇത്തരത്തിലൊരു വാര്‍ത്ത കേട്ടതില്‍ സന്തോഷമുണ്ടെന്നും സ്വതന്ത്ര്യ പൊതുജന അഭിപ്രായത്തെ മാനിക്കുന്ന മുഖ്യമന്ത്രിമാര്‍ ഇപ്പോഴും ഉണ്ടെന്ന് അറിയുന്നതില്‍ ചാരിതാര്‍ത്ഥ്യമുണ്ടെന്നും പ്രശാന്ത് ഭൂഷണ്‍ ട്വിറ്ററില്‍ കുറിച്ചു .
മുഖ്യമന്ത്രി പിണറായി വിജയന്‍ പൊലീസ് നിയമ ഭേദഗതി പിന്‍വലിച്ചുവെന്ന രജ്ദീപ് സര്‍ദേശായിയുടെ ട്വീറ്റ് പങ്കുവെച്ചാണ് പ്രശാന്ത് ഭൂഷന്റെ കുറിപ്പ്. ഭേദഗതിയെ വിമര്‍ശിച്ച്‌ നേരത്തേ പ്രശാന്ത് ഭൂഷണ്‍ രംഗത്തെത്തിയിരുന്നു. വ്യക്തികളെ അപകീര്‍ത്തിപ്പെടുത്തിയാല്‍ അഞ്ചുവര്‍ഷം വരെ തടവുശിക്ഷ ലഭിക്കാവുന്ന ഭേദഗതിയെ നിര്‍ദ്ദയമായ നടപടിയെന്നായിരുന്നു പ്രശാന്ത് ഭൂഷണ്‍ വിധിയെ വിശേഷിപ്പിച്ചത്. വിവിധ കോണുകളില്‍നിന്ന് വിമര്‍ശനം ശക്തമായതോടെ പൊലീസ് നിയമ ഭേദഗതി പിന്‍വലിക്കുകയാണെന്ന് മുഖ്യമന്ത്രി അറിയിക്കുകയും ചെയ്തു . നിയമസഭയില്‍ വിശദ ചര്‍ച്ച നടത്തിയതിന് ശേഷം മാത്രമേ തുടര്‍ നടപടിയുണ്ടാകുവെന്നും അദ്ദേഹംവ്യക്തമാക്കി . കേരള സര്‍ക്കാര്‍ കൊണ്ടുവന്ന 118 എ വകുപ്പ് പുനപരിശോധിക്കണമെന്ന് സി.പി.എം ജനറല്‍ സെക്രട്ടറി സീതാറാം യെച്ചൂരി ആവശ്യപ്പെടുകയുണ്ടായി .
https://www.facebook.com/Malayalivartha
