ലക്ഷ്യം ജ്വല്ലറിയില്‍ കയറി മോഷണം . എന്നാൽ വെന്റിലേറ്റര്‍ പൊളിച്ച്‌ ഇറങ്ങിയതോടെ അമളി മനസിലായി. ഇറങ്ങിയത് തുണിക്കടയുടെ ശുചിമുറിയില്‍ ആയിരുന്നു മോഷ്ടാവിന്റെ കണക്കുകൂട്ടല്‍ തെറ്റിയതിനെ തുടര്‍ന്ന് ജ്വല്ലറിയില്‍ മോഷണം നടത്താനുള്ള ശ്രമം തകർന്നു . കരമന- കളിയിക്കാവിള ദേശീയപാതയില്‍ ബാലരാമപുരം ജം​ഗ്‌ഷന് സമീപം വിഴിഞ്ഞം റോഡില്‍ ഞായറാഴ്ച പുലര്‍ച്ചെ ഒന്നര മണിയോടെയായിരുന്നു സംഭവം നടന്നത് .

ജ്വല്ലറിക്കു പിന്നിലെ ശുചിമുറിയുടെ വെന്റിലേറ്ററെന്നു കരുതി മോഷ്ടാവ് ഇളക്കിമാറ്റി ഇറങ്ങിയത് സമീപത്തെ തുണിക്കടയിലായിരുന്നു. ഇതോടെ മോഷണ ശ്രമം തകർന്നു . പുറത്തു നിന്നു നോക്കിയാല്‍ ജ്വല്ലറിയുടേതെന്ന് തോന്നിക്കുന്നതാണ് ശുചിമുറി.മോഷണ ശ്രമം പൊളിഞ്ഞതോടെ പൊളിച്ചിറങ്ങിയ വെന്റിലേറ്ററിലൂടെ തന്നെ മോഷ്ടാവ് പുറത്തു കടന്നു. ദേശീയപാതയ്ക്കരികിലെ പൊലീസ് എയ്ഡ് പോസ്റ്റിന് സമീപമാണ് മോഷണ ശ്രമം നടന്നത്. സിസിടിവി ദൃശ്യം ശേഖരിച്ച്‌ പൊലീസ് അന്വേഷണം തുടങ്ങി ഡോഗ് സ്ക്വാഡും വിരലടയാള വിദഗ്ധരും സ്ഥലത്തെത്തി തെളിവെടുത്തു. ഒരാളാണ് മോഷണ ശ്രമത്തിന് പിന്നിലെന്ന് കരുതുന്നു. തുണിക്കടയില്‍ നിന്ന് യാതൊന്നും നഷ്ടപ്പെട്ടിട്ടില്ല.