നല്കിയത് കൈക്കൂലയല്ല, കമ്മീഷന്; സന്തോഷ് ഈപ്പന് പാടുപ്പെട്ട് ന്യായീകരിക്കുന്നു; പ്രതികരണം ഇന്ന് വീണ്ടും കസ്റ്റംസ് ചോദ്യം ചെയ്യലിന് എത്തിയപ്പോള്; 80 ലക്ഷം രൂപ കോണ്സുല് ജനറലിനും അക്കൗണ്ട്സ് ഓഫീസര് ഖാലിദിനുമായി നല്കിയെന്ന് സന്തോഷ് ഈപ്പന്
താല് ആര്ക്കും കൈക്കൂലി നല്കിട്ടില്ലെന്ന് യൂണിടാക് എം.ഡി. സന്തോഷ് ഈപ്പന്. ലൈഫ് മിഷന് ഇടപാടില് താന് നല്കിയത് കമ്മീഷന്. ബിസിനസ് സ്ഥാപനമെന്ന നിലയില് കമ്മീഷന് നല്കിയിട്ടുണ്ടാകാമെന്നും അത് കൈക്കൂലി അല്ലെന്നുമാണ് സന്തോഷ് ഈപ്പന്റെ ന്യായീകരണം. കസ്റ്റംസ് ചോദ്യം ചെയ്യലിനായി എത്തിയപ്പോഴായിരുന്നു ഈപ്പന്റെ പ്രതികരണം. യുഎഇ കോണ്സുലേറ്റിലെ മുന് അക്കൗണ്ട്സ് ഓഫീസര് വിദേശത്തേക്ക് ഡോളര് കടത്തിയ കേസിലാണ് സന്തോഷ് ഈപ്പനെ കസ്റ്റംസ് ചോദ്യം ചെയ്തത്. വടക്കാഞ്ചേരി ലൈഫ് മിഷന് പദ്ധതിയില് മൂന്ന് കോടി 80 ലക്ഷം രൂപ കോണ്സുല് ജനറലിനും അക്കൗണ്ട്സ് ഓഫീസര് ഖാലിദിനുമായി നല്കിയെന്ന് സന്തോഷ് ഈപ്പന് വെളിപ്പെടുത്തിയിരുന്നു.
ഇതില് ഒരു കോടി രൂപ ഒഴികെ ഡോളറായി വേണമെന്നായിരുന്നു ഇവരുടെ ആവശ്യം. തുടര്ന്ന് വിവിധ ഇടങ്ങളില് നിന്നായി സന്തേഷ് ഈപ്പന് ഇത്രയും ഡോളര് അനധികൃതമായി സംഘടിപ്പിച്ച് നല്കി. കഴിഞ്ഞ ഓഗസ്റ്റ് ഏഴിന് ഇതില് ഒരു ലക്ഷത്തി എണ്പതിനായിരം ഡോളര് ഖാലിദ് ഹാന്ഡ് ബഗേജില് വെച്ച് വിദേശത്തേക്ക് കടത്തി. സ്വപ്നയുടേയും സരിതിന്റെയും സഹായത്തോടെയാണ് വിമാനത്താവളത്തിലെ പരിശോധന കൂടാതെ ഡോളര് കടത്തിയത്. ഇതുമായി ബന്ധപ്പെട്ടാണ് സന്തോഷ് ഈപ്പനെ ചോദ്യം ചെയ്തത്. എന്നാല് താന് നല്കിയത് കമ്മീഷനാണെന്നും കോഴയല്ലെന്നും സന്തോഷ് ഈപ്പന് ഇന്ന് മാധ്യമങ്ങളോട് പറഞ്ഞു. വീട് വാടകയ്ക്കെടുക്കുമ്പോള് ഇടനിലക്കാരന് കമ്മീഷന് നല്കില്ലേ അത് കൈക്കൂലിയാണോ എന്നായിരുന്നു സന്തോഷ് ഈപ്പന്റെ പ്രതികരണം.
ഡോളര് കടത്ത് കേസിലാണ് ഇന്ന് സന്തോഷിനെ കസ്റ്റംസ് ചോദ്യം ചെയ്തത്. മുഖ്യമന്ത്രിയുടെ ഐടി ഫെലോ ആയിരുന്ന അരുണ് ബാലചന്ദ്രനോടും ചോദ്യം ചെയ്യലിനു ഹാജരാകാന് വൈകാതെ നോട്ടിസ് നല്കും. സ്വര്ണക്കടത്തിനൊപ്പം കസ്റ്റംസ് അന്വേഷിക്കുന്ന ഡോളര് വിദേശത്തേക്കു കടത്തിയെന്ന കേസില് സ്വപ്ന സുരേഷ് നല്കിയ മൊഴിയുടെ അടിസ്ഥാനത്തിലാണു ഇരുവരെയും ചോദ്യംചെയ്യുന്നത്. സ്വപ്നയുടെ മൊഴിയില് കോണ്സുലേറ്റ് ജീവനക്കാരനായിരുന്ന ഈജിപ്ത് പൗരന് ഖാലിദ് ഉള്പ്പടെയുള്ളവരുടെ പങ്ക് വ്യക്തമാക്കിയിട്ടുണ്ട്. ഖാലിദിന് കമ്മിഷന് നല്കാന് സന്തോഷ് ഈപ്പന് കരിഞ്ചന്തയില്നിന്ന് ഡോളര് വാങ്ങിയത് അന്വേഷണ സംഘം കണ്ടെത്തിയിരുന്നു. നാലു ലക്ഷം യുഎസ് ഡോളറായും ഒരുകോടി ഇന്ത്യന്രൂപയായും ഖാലിദിനു കമ്മിഷനായി നല്കിയെന്നാണ് കണ്ടെത്തല്. ഡോളര് കടത്ത് കേസില് യുഎഇ കോണ്സുലേറ്റ് ഡ്രൈവറെയും ഗണ്മാനെയും കസ്റ്റംസ് ചോദ്യം ചെയ്തിരുന്നു.
https://www.facebook.com/Malayalivartha