കെ.വി.തോമസ് കോൺഗ്രസ്സിൻ്റെ സമുന്നതനായ നേതാവ് എന്നാണ് കേരളത്തിലെ കോൺഗ്രസ് നേതൃത്വം പറയുന്നത്. സോണിയാ ഗാന്ധി കെ.വി.തോമസിനെ നേരിട്ട് വിളിച്ചതോടെയാണ് ഇവിടുത്തെ കോൺഗ്രസ് നേതൃത്യം അദ് ദേഹത്തിന് സമുന്നതൻ ആയത്.

സോണിയാ ഗാന്ധി, രാഹുൽ, പ്രിയങ്ക എന്നിവരെ പേടിച്ചു കഴിയുന്നതാണ് ഇവിടുത്തെ കോൺഗ്രസ് നേതൃത്വം / സ്ഥാനലബധി ക്ക് വേണ്ടി കിടക്കുന്ന കുറെ കടൽ കിഴവന്മാരെ കൊണ്ട് നിറഞ്ഞു നിൽക്കുകയാണ് കോൺഗ്രസ് - അതിലൊന്നാണ് കെ.വി.തോമസ്. 2019ലെ ലോക്സഭ തിരഞ്ഞെടുപ്പ് മുതൽ സ്ഥാനം ലഭിക്കാതെ ഇടഞ്ഞു നിൽക്കുകയാണ് കെ.വി.തോമസ് ഇടതു മുന്നണിയിലേക്കുള്ള വഴിയിൽ ചുവന്ന പരവതാനി വരെ തോമസിന് വിരിച്ചിട്ടിരിക്കുകയാണ്. സോണിയായുടെ ഒരു വിളിയിലാണ് ഇപ്പോൾ അദ് ദേഹം തിരിഞ്ഞു നടക്കാൻ തുടങ്ങിയിരിക്കുന്നത്.

സ്ഥാനം കിട്ടാതെ നിരാശാനായി മറുകണ്ടം ചാടാൻ തയ്യാറെടുത്ത ഈ കൽ കിഴവന്മാരെ വീണ്ടും താലവും എടുത്ത് എതിരേൽക്കുമ്പോൾ കോൺഗ്രസ് നേതൃത്വമാണ് അപഹാസ്യമാവുന്നത് - അല്ല കെ.വി.തോമസ് താങ്കൾ ഒരു കോളേജ് അദ്ധ്യാപകൻ ആയിരുന്നല്ലോ? എത്ര വർഷം വരെ താങ്കൾ ആ പദവിയിൽ തുടരും? 56 വയസ്സ്.അല്ലെങ്കിൽ 60. ഇവിടെ താങ്കൾക്ക് വയസ്സ് എത്ര? 71. ഏതാണ്ട് 25 വർഷത്തോളം എം.പി.കേന്ദ്ര മന്ത്രി, നിയമസഭാംഗം എന്നീ നിലകളിൽ താങ്കൾ ഇരുന്നില്ലേ?

എന്നിട്ടും മതിയായില്ലേ ശ്രീ തോമസ് ?താങ്കളുടെ ആർത്തി അവസാനിക്കാറായില്ലെ? ഏതെങ്കിലും ഒരു സമുദായത്തിൻ്റെ ബലത്തിലോ ബിഷപ്പിൻ്റെ ബലത്തിലോ പ്രമാണിമാരുടെ ബലത്തിലോ ആണ് നിങ്ങൾ ആർത്തി പൂണ്ട് കളിക്കുന്നത്. ഒരു കുടുംബത്തിനെ ചുറ്റിപ്പറ്റി ആശ്രിതരായി നിന്ന് കൊണ്ട് സ്ഥാനമാനങ്ങൾ നേടുകയല്ലേ ചെയ്യുന്നത്? യുവനിര വേണം ഇവരെയെല്ലാം എടുത്ത് പുറത്ത് കളയേണ്ടത്. ഒരു ഇരുപത്തിയഞ്ചു വർഷം അമേരിക്കൻ നാടുകളിൽ പോയി ജോലി ചെയ്താൽ വളരെ സമ്പന്നതയോട് കൂടി ജീവിതകാലം മുഴുവൻ കഴിയാം. അതിലും കൂടുതൽ സമ്പന്നതയും പേരും സ്വാധീനവുമല്ലേ താങ്കൾ നേടിയിരിക്കുന്നത്.

എന്നിട്ടും നിങ്ങൾ - നിങ്ങളിലൂടെയാണ് കോൺഗ്രസ് ജീവിക്കുന്നത് എന്ന് വിശ്വസിക്കുന്ന മൂഢൻമാരാണ്. ഇത് പോലെ സ്ഥാപിത താല്പര്യത്തോടെ ഇറങ്ങി നിങ്ങളിലൂടെയാണ് കോൺഗ്രസ് ജീവിക്കുന്നത് എന്ന മിഥ്യാധാരണ പുലർത്തുന്നവരാണല്ലോ പി.സി.ചാക്കോയും പി.ജെ - കുര്യനും - കാഞ്ഞിരപ്പള്ളിക്കാരനായ പി.സി.ചാക്കോ സ്വന്തം നാട്ടിൽ കോൺഗ്രസ്സിനെ വളർത്തി കൊണ്ടുവരാൻ കഴിഞ്ഞില്ല " അങ്ങനെയുള്ള ആളാണ് കോൺഗ്രസ്സിനെ ഡൽഹിയിൽ ഉദ്ധരിക്കുന്നത്? ഇത് ഒരു അഡ്ജസ്റ്റ്മെൻറ് രാഷ്ട്രീയം അല്ലെ? കോൺഗ്രസ്സിൽ നടക്കുന്നത്? ഇത്തരത്തിൽ ആർത്തിപൂണ്ട് നിൽക്കുന്ന കടൽ കിഴവന്മാരെ പുറത്താക്കുക- ഉളുപ്പി - ല്ലാത്ത ഒരു നേത്യത്യമാണ് ഉള്ളത് - അത് മാറണം. ആരുടെയും - ഒരു സമുദായ നേതാവിൻ്റെയും അബ്കാരി നേതാവിൻ്റെയും പിൻബലമില്ലാത്ത കോൺഗ്രസ് നേതാവ് കേരളത്തിൽ ഉണ്ടല്ലോ? വി.എം.സുധീരൻ അദ് ദേഹത്തെപ്പോലുള്ളവരെ രംഗത്ത് ഇറക്കുക. മുഖ്യമന്ത്രി സ്ഥാനത്തേക്ക് പോലും നിങ്ങൾക്ക് ഉയർത്തിക്കാട്ടാം.

നിങ്ങൾ കണ്ടു പഠിക്കുക - സി പി എമ്മിനെ _ ഇത് പോലെയുള്ള ആർത്തിപ്പണ്ടാരങ്ങളെ ഒന്നും ആ പാർട്ടി ചുമക്കാറില്ല - ചുമന്നിട്ടുമില്ല. സ്വർണ്ണം കായ്ക്കുന്ന മരമായാലും പുരയക്ക് മീതെ ചാഞ്ഞാൽ മുറിച്ചു മാറ്റുകയാണ് ചെയ്യുന്നത്. മുഖ്യമന്ത്രി സ്ഥാനത്തേക്ക് ഉയർത്തിക്കാട്ടിയ ഗൗരിയമ്മയെപ്പോലും - പാർട്ടിയിൽ നിന്ന് പുറത്താക്കിയില്ലേ?

കേരം തിങ്ങും കേരള നാട്ടിൽ കെ.ആർ.ഗൗരി ഭരിക്കും എന്നല്ലേ കേരളത്തിൽ വിളിച്ച മുദ്രാവാക്യം' - എം.വി.രാഘവനു പോലും പാർട്ടിയിൽ നിന്നു പുറത്ത് പോകേണ്ടി വന്നില്ലേ? കോൺഗ്രസിൽ എല്ലാവർക്കും കമാൻഡർ ആകണം. അതാണ് ആ പാർട്ടിയെ നശിപ്പിക്കുന്നത്. കഴിവുകെട്ട_ നട്ടെല്ലിന് ഉറപ്പു ഇല്ലാത്ത ഒരു പ്രസ്ഥാനമായി കോൺഗ്രസ് മാറി. സ്ഥാനം കിട്ടാൻ ആർത്തിപൂണ്ട് ഇറങ്ങിയവനെ തിരിച്ച് റെഡ് കാർപ്പറ്റ് വിരിക്കുന്ന്-എൽഡിഎഫിന് ആർജ്ജവം ഉണ്ടെങ്കിൽ ഈ കടൽ കിഴവന്മാരെ ആ പ്രസ്ഥാനത്തിലും കയറ്റരുത്.