അഞ്ച് വര്ഷത്തേക്ക് കൂടെ കരാര് നീട്ടി സി ഡിറ്റിന്റെ അനധികൃത നിയമനം: പുറത്തുവരുന്നത് ഞാന് നടുക്കുന്ന വിവരം
സി ഡിറ്റില് അനധികൃത നിയമനം നേടിയവരെ സ്ഥിരപ്പെടുത്താന് കഴിയില്ല എന്ന സാഹചര്യമുണ്ടായി. ഇതിന് പിന്നാലെ അടുത്ത നീക്കം നടത്താന് ഒരുങ്ങുകയാണ് സര്ക്കാര്.
അടുത്ത അഞ്ചുവര്ഷത്തേക്ക് കരാര് നീട്ടിനല്കാന് നീക്കം. മുഖ്യമന്ത്രിയുടെ ഐ.ടി. സെല്ലില് പ്രവര്ത്തിക്കുന്ന 12 ജീവനക്കാര് ഉള്പ്പെടെയുള്ളവര്ക്കാണ് അനധികൃതമായി കരാര് നീട്ടാന് നടപടി തുടങ്ങിയത്.
പത്തുവര്ഷത്തെ സേവനകാലാവധിയുള്ള 114 പേരെ കഴിഞ്ഞനാലിന് സ്ഥിരപ്പെടുത്തിയിരുന്നു.എന്നാല് ഇതില് ഉള്പ്പെടാത്തവര്ക്കാണ് കുറുക്കുവഴി ഒരുക്കുന്നത് എന്നകാര്യം ശ്രദ്ധേയം.കരാര് കാലാവധി തീര്ന്നവര്ക്ക് അഞ്ചുവര്ഷത്തേക്ക് കൂടി നിയമനം നീട്ടിനല്കണമെന്ന് സി. ഡിറ്റിലെ ഇടതുപക്ഷ അനുകൂല സംഘടന ആവശ്യപ്പെട്ട് രംഗത്തുവന്നിരുന്നു. സര്ക്കാരും അനുകൂല നിലപാടെടുത്തിരുന്നു .
ഇതിന്റെ നടപടികള് ഇപ്പോള് പുരോഗമിക്കുകയാണ്. പൊതുമേഖല-അര്ധസര്ക്കാര് സ്ഥാപനങ്ങളില് അഞ്ചുവര്ഷത്തേക്ക് കരാര് നല്കാറില്ല. തിരഞ്ഞെടുപ്പ് വിജ്ഞാപനത്തിന് മുമ്പേ കരാര് നീട്ടി ഉത്തരവ് ഇറക്കാനാണ് നീക്കം. നിലവിലെ വ്യവസ്ഥകള് പ്രകാരം 179 ദിവസത്തേയ്ക്കേ താത്കാലിക നിയമനം നല്കാവൂ.
കരാര്നിയമനങ്ങളില് പരമാവധി ഒരുവര്ഷത്തെ കാലാവധി അനുവദിക്കാറുണ്ട്. എന്നാല് സി-ഡിറ്റിലെ ഭരണാനുകൂല സംഘടനയുടെ നിര്ബന്ധത്തിന് വഴങ്ങി ക്രമവിരുദ്ധമായ കരാര് നല്കാനാണ് നീക്കം.
https://www.facebook.com/Malayalivartha
