സോളാർ തട്ടിപ്പിൽ വിവിധ കോടതികളിൽ നിന്നുള്ള അറസ്റ്റ് വാറണ്ട് ഉണ്ടായിട്ടും സരിത നായരെ പിടികൂടാൻ ഇതുവരെയും പോലീസിനാകുന്നില്ല. നിലവിൽ എട്ട് കോടതികളിൽ നിന്നായി സരിതയ്ക്ക് ജാമ്യമില്ല വാറണ്ട് ഉണ്ട്. ബിവറേജസ് കോര്‍പറേഷന്‍, കെ ടി ഡി സി എന്നിവിടങ്ങളില്‍ ജോലി വാഗ്ദാനം ചെയ്‌ത് ലക്ഷങ്ങള്‍ തട്ടിയ കേസിലും സരിതയെ അറസ്റ്റ് ചെയ്തിട്ടില്ല.

സോളാർ തട്ടിപ്പ് കേസുകളാണ് എട്ടു കോടതികളിൽ. സരിത ഹാജരാകാത്ത സാഹചര്യത്തിൽ സരിതയുടെ ജാമ്യക്കാരനോട് കോടതി ഹാജരാകാൻ ആവശ്യപ്പെട്ടിട്ടുണ്ട്. ഒരു വർഷത്തിലേറെയായ വാറണ്ടിൽ പോലും പോലീസ് ഇതുവരെയും നടപടി എടുത്തിട്ടില്ല. പത്തനംതിട്ടയിൽ മൂന്നു കേസുകളിലാണ് ജാമ്യമില്ലാ വാറണ്ട് നിലനിൽക്കുന്നത്.പോലീസ് ഇപ്പോഴും കോടതികളിൽ അറിയിക്കുന്നത് സരിത ഒളിവിലാണെന്നാണ്. യു ഡി എഫ്
നേതാക്കൾക്കെതിരെ കേസിൽ സിബിഐ അസന്വേഷിക്കണമെന്ന് ആവശ്യപ്പെട്ട് സരിത മുഖ്യമന്ത്രിയെ കണ്ട് പരാതി നൽകിയിരുന്നു. ഇത് പരിഗണിച്ചാണ് അന്വേഷണം സി ബി ഐയ്ക്ക് കൈമാറി സര്‍ക്കാര്‍ വിജ്ഞാപനമിറക്കിയ്തത്.