സംസ്ഥാനത്ത് കോവിഡ് വ്യാപനം രൂക്ഷമായി തുടരുന്ന സാഹചര്യത്തില്‍ നിയന്ത്രണങ്ങളുമായി തമിഴ്‌നാടും പശ്ചിമ ബംഗാളും. കേരളത്തില്‍ നിന്നും വരുന്നവര്‍ക്ക് തമിഴ്‌നാട് ഏഴ് ദിവസം ഹോം ക്വാറന്റൈന്‍ നിര്‍ബന്ധമാക്കി. ബംഗാളിലേക്ക് എത്തുന്നവര്‍ക്ക് ആര്‍ടിപിസിആര്‍ പരിശോധനയും നിര്‍ബന്ധമാക്കിയിട്ടുണ്ട്.

സംസ്ഥാനത്ത് രണ്ടാം ഘട്ട രോഗവ്യാപനത്തിന് സാധ്യതയുണ്ടെന്നാണ് തമിഴ്‌നാട് സര്‍ക്കാരിന്റെ വിലയിരുത്തല്‍. ഇതോടെയാണ് കേരളത്തില്‍ നിന്നുള്ളവര്‍ക്ക് നിയന്ത്രണം കര്‍ശനമാക്കാന്‍ തമിഴ്‌നാട് തീരുമാനിച്ചത്. അതിര്‍ത്തികളില്‍ കര്‍ശന പരിശോധന നടത്തും. ഗതാഗത കുരുക്ക് ഒഴിവാക്കാന്‍ തെര്‍മല്‍ സ്‌കാനര്‍ ഉപയോഗിച്ചായിരിക്കും പരിശോധന നടത്തുക. മലയാളികള്‍ക്ക് ആര്‍ടിപിസിആര്‍ പരിശോധന നിര്‍ബന്ധമാക്കില്ലെന്ന് തമിഴ്‌നാട് അറിയിച്ചിട്ടുണ്ട്.