ഡോളര് കടത്ത് കേസില് യു.എ.ഇ മുന് കോണ്സല് ജനറല് ഉള്പ്പെടെ വിദേശപൗരന്മാരെ ചോദ്യംചെയ്യണമെന്ന ആവശ്യവുമായി കേന്ദ്ര സര്ക്കാരിനു മുന്നില് കസ്റ്റംസ്
ഡോളര് കടത്ത് കേസില് യു.എ.ഇ മുന് കോണ്സല് ജനറല് ഉള്പ്പെടെ വിദേശപൗരന്മാരെ ചോദ്യംചെയ്യണമെന്ന ആവശ്യവുമായി കേന്ദ്ര സര്ക്കാരിനു മുന്നില് കസ്റ്റംസ്.
പല പ്രമുഖരും കോണ്സുലേറ്റിലെ ഉന്നതരുമായുണ്ടാക്കിയ രഹസ്യധാരണയുടെ അടിസ്ഥാനത്തിലായിരുന്നു ഡോളര് കടത്ത്. ഡോളര് കടത്ത് കേസില് പല നിര്ണായക വിവരങ്ങളും ലഭിച്ചിട്ടുണ്ട്. അതിനാല് കോണ്സുലേറ്റിലെ പ്രമുഖരെ ചോദ്യം ചെയ്യേണ്ടതുണ്ടെന്ന റിപ്പോര്ട്ടാണ് കേന്ദ്ര ധനമന്ത്രാലയത്തിന് കസ്റ്റംസ് കൈമാറിയത്.
മുന് കോണ്സല് ജനറല് ജമാല് അല് സാബി, മുന് അഡ്മിന് അറ്റാഷെ റാഷിദ് ഖാമിസ്, ഫിനാന്സ് ഓഫിസറായിരുന്ന ഖാലിദ് എന്നിവരെ ചോദ്യം ചെയ്യേണ്ടത് അത്യാവശ്യമാണെന്നാണ് കസ്റ്റംസ് നിലപാട്. സ്വര്ണം ഇന്ത്യയിലേക്ക് കടത്തുകയും പകരം ഡോളര് കടത്തുകയും ചെയ്ത ഗുരുതര സാമ്ബത്തിക കുറ്റമാണ് നടന്നത്.
ഇത് രാജ്യത്തിന്റെ സാമ്പത്തികസ്ഥിതിയെത്തന്നെ ബാധിക്കുന്നതാണ്. സ്വര്ണക്കടത്ത് അന്വേഷണവേളയില് അറ്റാഷെ ഉള്പ്പെടെ ചിലരെ ചോദ്യം ചെയ്യാന് കേന്ദ്ര ഏജന്സികള് ശ്രമിച്ചെങ്കിലും നടന്നിരുന്നില്ല.അന്വേഷണത്തിന് വിദേശ പൗരന്മാരെ ഇന്ത്യയിലെത്തിക്കുക എളുപ്പമല്ലെന്ന് കസ്റ്റംസിനും അറിയാം.
ഫിനാന്സ് ഓഫിസറായിരുന്ന ഖാലിദിനെ 1.9 ലക്ഷം ഡോളര് കടത്തിയ കേസില് പ്രതിയാക്കി ഇന്ത്യയിലെത്തിക്കാന് നടപടികള്ക്ക് തുടക്കമിട്ടിട്ടുണ്ട്. ഡോളര് കടത്തില് വ്യക്തത വരണമെങ്കില് കോണ്സല് ജനറല് ഉള്പ്പെടെ മൂന്ന് ഉദ്യോഗസ്ഥരെയും ചോദ്യം ചെയ്യണം. എത്ര ഡോളര്, എങ്ങനെ, ഏതൊക്കെ തീയതികളില് കടത്തിയെന്നതില് വ്യക്തത വരുത്താന് ഇതിലൂടെയേ കഴിയൂ.
ദിവസങ്ങള്ക്ക് മുമ്ബ് വിമാനത്താവളത്തില് തടഞ്ഞ് കസ്റ്റംസ് കോണ്സുലേറ്റ് ഉന്നതന്റെ ബാഗില്നിന്ന് പിടിച്ചെടുത്ത മൊബൈല് ഫോണുകള്, പെന്ഡ്രൈവ് എന്നിവയുടെ പരിശോധന നടക്കുകയാണ്.സംസ്ഥാന സര്ക്കാറിലെ ഉന്നതരുടെ സഹായത്തോടെയല്ലാതെ ഇത്തരം കള്ളക്കടത്ത് നടക്കില്ലെന്ന് കസ്റ്റംസ് പറയുന്നു.
കൂടുതല് തെളിവ് ശേഖരിക്കുന്നതിനുള്ള ശ്രമങ്ങളുടെ ഭാഗമായാണ് സ്പീക്കര് പി. ശ്രീരാമകൃഷ്ണനെ ചോദ്യംചെയ്യാന് വിളിച്ചത്.
https://www.facebook.com/Malayalivartha
