മുറ്റത്ത് ഇരുന്ന് കളിക്കുകയായിരുന്ന രണ്ടരവയസ്സുകാരന് അബദ്ധത്തില് അയല്വാസിയുടെ കിണറ്റില് വീണു, ശബ്ദം കേട്ട് ഓടിയെത്തിയ മാതാപിതാക്കളുടെ നിലവിളി കേട്ട് യുവാവ് കിണറ്റിലിറങ്ങിയെങ്കിലും സഹായത്തിനായി നിലവിളിച്ചു, തൊഴിലുറപ്പു തൊഴിലാളിയായ സിന്ധു പിന്നെ ഒന്നും ആലോചിക്കാതെ കിണറ്റില് ചാടിയിറങ്ങി, ഒടുവില്....
മുറ്റത്ത് ഇരുന്ന് കളിക്കുകയായിരുന്ന രണ്ടരവയസ്സുകാരന് അബദ്ധത്തില് അയല്വാസിയുടെ കിണറ്റില് വീണു, ശബ്ദം കേട്ട് ഓടിയെത്തിയ മാതാപിതാക്കളുടെ നിലവിളി കേട്ട് യുവാവ് കിണറ്റിലിറങ്ങിയെങ്കിലും സഹായത്തിനായി നിലവിളിച്ചു, തൊഴിലുറപ്പു തൊഴിലാളിയായ സിന്ധു പിന്നെ ഒന്നും ആലോചിക്കാതെ കിണറ്റില് ചാടിയിറങ്ങി, ഒടുവില്....
കരയില് നിന്ന് അമ്മയുടെ കരച്ചില്. കിണറ്റില് കുഞ്ഞിന്റെ ഞരങ്ങല്. ഒപ്പം സഹായം തേടിയുള്ള യുവാവിന്റെ വിളിയും. സിന്ധു പിന്നെ ഒന്നും നോക്കിയില്ല. കിണറിന്റെ ആഴങ്ങളിലേക്ക് ജീവന് പണയം വെച്ചിറങ്ങി. തൊടിയില് ചവിട്ടി നിന്നു.
യുവാവിന്റെ കൈയില് നിന്ന് കുഞ്ഞിനെ വാങ്ങി മുകളിലേക്ക് കയറി. കരയില് നിന്നവരുടെ കൈയിലേക്ക് കുഞ്ഞിനെ സുരക്ഷിതമായെത്തിച്ചു. ഐക്കരേത്ത് മലയുടെ ചരുവില് ശശിയുടെ നല്ല മനസ്സും ഐക്കരേത്ത് സിന്ധു ഭവനത്തില് സിന്ധുവിന്റെ ധീരതയും ചേര്ന്ന് രണ്ടര വയസ്സുകാരന് ആരുഷിന് നല്കിയത് പുനര്ജന്മം.
ഐക്കരേത്ത് അജയഭവനത്തില് അജയന്റെയും ശുഭയുടെയും മകനായ ആരുഷ് ശനിയാഴ്ച രാവിലെ വീടിന് പുറത്തിരുന്ന് കളിക്കുകയായിരുന്നു. കുറച്ചുസമയം കഴിഞ്ഞപ്പോള് വലിയ ശബ്ദം കേട്ട് മാതാപിതാക്കള് മുറ്റത്തേക്കിറങ്ങി.
ആരുഷിനെ കാണാതായതോടെ ഓടിച്ചെന്ന് അയല്വാസിയുടെ ആള്മറയില്ലാത്ത കിണറ്റില് നോക്കുമ്പോള് കുട്ടി വീണുകിടക്കുന്നത് കണ്ടു. മാതാപിതാക്കള് ബഹളം കൂട്ടിയപ്പോള് അയല്ക്കാര് ഓടിക്കൂടി ബഹളം കൂട്ടി. പനി ബാധിച്ച് വീട്ടില് ഇരിക്കുകയായിരുന്ന ശശി 20 അടി താഴ്ചയുള്ള കിണറ്റിലേക്ക് ഇറങ്ങി.
എന്നാല്, സഹായിക്കാന് ആരുമില്ലാതെ ശശി ബുദ്ധിമുട്ടിയപ്പോള് തൊട്ടടുത്ത് കുടുംബശ്രീ ഹോട്ടല് നടത്തുന്ന തൊഴിലുറപ്പ് തൊഴിലാളിയായ സിന്ധു എത്തി. സിന്ധു കിണറ്റില് ചാടിയിറങ്ങി. വെള്ളത്തില് മുങ്ങിത്താണുകൊണ്ടിരുന്ന കുഞ്ഞിനെ ശശി എടുത്ത് മുകളിലെ തൊടിയിലേക്ക് കയറിനിന്നു. കുഞ്ഞിനെ സിന്ധു വാങ്ങി മുകളിലേക്ക് കൈമാറി.
പ്രഥമ ശുശ്രൂഷ നല്കിയ ശേഷം അടൂര് ജനറല് ആശുപത്രിയിലേക്ക് കൊണ്ടുപോയി. കുഞ്ഞിന് പുറമേ പരിക്കൊന്നും ഉണ്ടായിരുന്നില്ല. '
ആന്തരികമായ പരിക്കുകള് ഉണ്ടോയെന്ന് അറിയുന്നതിനായി തിരുവനന്തപുരം മെഡിക്കല് കോളജിലേക്ക് കൊണ്ടുപോയി. കുഞ്ഞിന് കുഴപ്പമൊന്നുമില്ലെന്നാണ് ബന്ധുക്കള് പറഞ്ഞത്. തൊഴിലുറപ്പ് തൊഴിലാളിയും കുടുംബശ്രീ പ്രവര്ത്തകയുമാണ് സിന്ധു.
കഴിഞ്ഞ പ്രളയകാലത്ത് നിറഞ്ഞുകിടന്ന കിണറ്റില് വീണ ആടിനെ എടുത്ത് ഒറ്റയ്ക്ക് കരയ്ക്ക് എത്തിച്ച സിന്ധു നാട്ടുകാരുടെ അഭിനന്ദനം നേടിയിരുന്നു.
"
https://www.facebook.com/Malayalivartha
