സംസ്ഥാനത്തെ എസ്എസ്എല്‍സി പ്ലസ് ടൂ മോഡല്‍ പരീക്ഷകള്‍ ഇന്ന് അവസാനിക്കും. മാര്‍ച്ച് രണ്ടിന് നടത്താനിരുന്ന പരീകഷയാണ് ഇന്ന് നടക്കുന്നത്. വാഹന പണിമുടക്ക് മൂലമാണ് അന്നത്തെ പരീക്ഷ മാറ്റിവച്ചത്. മാര്‍ച്ച് 17 മുതല്‍ പൊതു പരീക്ഷ ആരംഭിക്കും.

എല്ലാ മുന്‍കരുതലുകളും പാലിച്ചാണ് പരീക്ഷകള്‍ നടന്നത്. മോഡല്‍ പരീക്ഷയുടെ മൂല്യനിര്‍ണ്ണയം പെട്ടെന്ന് തന്നെ പൂര്‍ത്തിയാക്കുകയും ഉത്തരക്കടലാസുകള്‍ മാര്‍ച്ച് 10ന് അകം വിതരണം ചെയ്യുകയും ചെയ്യും. പൊതു ഹയര്‍ സെക്കന്‍ഡറി വിഭാഗത്തിന് രാവിലെയും, എസ്എസ്എല്‍സി വിഭാഗത്തിന് ഉച്ചയ്ക്കുമാണ് പരീക്ഷ.

എസ്എസ്എല്‍സി പരീക്ഷാ ടൈംടേബിള്‍

എസ്എസ്എല്‍സി പരീക്ഷയ്ക്കു ഫിസിക്‌സ്, സോഷ്യല്‍ സയന്‍സ്, ഒന്നാം ഭാഷ പാര്‍ട്ട് 2 (മലയാളം / മറ്റു ഭാഷകള്‍), ബയോളജി എന്നീ വിഷയങ്ങളുടെ തീയതിയിലാണു മാറ്റം. 22നു നടത്താനിരുന്ന ഫിസിക്‌സ് പരീക്ഷ 25ലേക്കു മാറ്റി.

പകരം 23നു നടത്താനിരുന്ന സോഷ്യല്‍ സയന്‍സ് പരീക്ഷ 22ലേക്കു മാറ്റി. 24നു നടത്താനിരുന്ന ഒന്നാം ഭാഷ പാര്‍ട്ട് 2 പരീക്ഷ (മലയാളം / മറ്റു ഭാഷകള്‍) 23ലേക്കു മാറ്റി. 25നു നടത്താനിരുന്ന ബയോളജി പരീക്ഷ 26ലേക്കു മാറ്റി.


പുതുക്കിയ ടൈംടേബിള്‍

മാര്‍ച്ച് 17 1.40 - 3.30 ഒന്നാം ഭാഷ പാര്‍ട്ട് 1
ഉച്ചയ്ക്ക് (മലയാളം / മറ്റു ഭാഷകള്‍)
മാര്‍ച്ച് 18 1.40 - 4.30 ഇംഗ്ലിഷ്

മാര്‍ച്ച് 19 2.40 - 4.30 ഹിന്ദി/ ജനറല്‍ നോളജ്
മാര്‍ച്ച് 22 1.40 - 4.30 സോഷ്യല്‍ സയന്‍സ്
മാര്‍ച്ച് 23 1.40 - 3.30 ഒന്നാം ഭാഷ പാര്‍ട്ട് 2

മാര്‍ച്ച് 25 1.40 - 3.30 ഫിസിക്‌സ്
മാര്‍ച്ച് 26 2.40- 4.30 ബയോളജി
മാര്‍ച്ച് 29 1.40- 4.30 മാത്സ്
മാര്‍ച്ച് 30 1.40 - 3.30 കെമിസ്ട്രി