ഇതൊരു ഒന്നൊന്നൊര പ്രതിക്ഷേധം തന്നെയാ... ക്രിയാത്മകമായ രീതിയിൽ മലപ്പുറംകാർ, അന്തംവിട്ട് നാട്ടുകാർ
ഇന്ധന വില വർദ്ധനവിനെതിരെ രാജ്യമൊട്ടാകെ വിവിധ രീതിയിൽ പ്രതിക്ഷേധങ്ങൾ നടന്നുകൊണ്ടിരിക്കുകയാണ്. ഇപ്പോളിതാ ഇന്ധന വില വർധനവിനെതിരെ പ്രതിക്ഷേധിച്ചുകൊണ്ട് മലപ്പുറത്തെ ഫുട്ബോൾ താരങ്ങളാണ് രംഗത്ത് എത്തിയിരിക്കുന്നത്.
കേരളത്തില് നടക്കുന്ന വിവിധ ഫുട്ബോള് ടൂര്ണമെന്റുകളില് മികച്ച താരമായി തിരഞ്ഞെടുക്കപ്പെട്ടവര്ക്ക വ്യത്യസ്തങ്ങളായ സമ്മാനങ്ങളാണ് നൽകുന്നത്. ക്യാഷ് അവാര്ഡ് ആവാം. ചിലപ്പോള് ഫലകമോ ട്രോഫിയോ നൽകാറുണ്ട്. എന്നാല് മലപ്പുറത്ത് നടന്ന് ഒരു സാധാരണ ഫുട്ബോള് ടൂര്ണമെന്റിലെ മികച്ച താരത്തിനുള്ള സമ്മാനമായി നല്കിയത് മൂന്ന് ലിറ്റര് പെട്രോളായിരുന്നു.
മലപ്പുറം കോട്ടപ്പടിക്കടുത്ത് മങ്ങാട്ടുപുലം എന്ന പ്രദേശത്താണ് രസകരമായ സംഭവം. മങ്ങാട്ടുപുലം ആര്ട്സ് ആന്ഡ് സ്പോര്ട്സ് ക്ലബ്ബ് നടത്തിയ വണ്ഡെ ഫുട്ബോള് ടൂര്ണമെന്റിലാണ് സമ്മാനമായി പെട്രോള് നല്കിയത്. പാസ്ക് പിലാക്കല് ടീമംഗം അനസാണ് ടൂര്ണമെന്റിലെ മികച്ചതാരം. അദ്ദേഹത്തിന് മൂന്ന് ലിറ്റര് പെട്രോള് സമ്മാനമായി നൽകി.
പെട്രോള് വില വര്ധനക്കെതിരായ ക്രിയാത്മക പ്രതിഷേധം എന്ന നിലയിലാണ് പെട്രോള് സമ്മാനമായി നല്കിയതെന്ന് ക്ലബ് പ്രസിഡന്റ് എം സമീര് വ്യക്തമാക്കി. 24 ടീമുകള് പങ്കെടുത്ത ടൂര്ണമെന്റില് പാസ്ക് പിലാക്കല്, 'രാജകുടുംബം കോഴിക്കോടി'നെ തോല്പ്പിച്ച് ജേതാക്കളുമായി. ടൂര്ണമെന്റില് ഉദ്ഘാടന ചടങ്ങില് അതിഥികളായെത്തിയവര്ക്കും പെട്രോള് സ്നേഹ സമ്മാനമായി നല്കി. അര ലിറ്റര് പെട്രോള് വീതമാണ് അതിഥികള്ക്ക് നല്കിയത്. എന്തായലും അപൂർവ സംഭവത്തിൽ അന്തം വിട്ടിരിക്കുകയാണ് നാട്ടുകാർ.
https://www.facebook.com/Malayalivartha