കോവിഡ് മാനദണ്ഡങ്ങൾ പാലിച്ച് തൃശൂർ പൂരം സാധാരണഗതിയിൽ നടത്താം; ജില്ലാ കളക്ടർ
കോവിഡ് മാനദണ്ഡങ്ങള് പാലിച്ച് സാധാരണ നിലയില് തൃശൂർ പൂരം നടത്താമെന്ന് ജില്ലാ കലക്ടര് എസ് ഷാനവാസ് പറഞ്ഞു. കലക്ടറുടെ ചേംബറില് ഇരു ദേവസ്വങ്ങളുടെ പ്രതിനിധികളുമായും പൂരം കോര് കമ്മറ്റിയുമായും നടത്തിയ യോഗത്തിലാണ് ജില്ലാ കലക്ടര് ഇക്കാര്യം.
പൂരം അതിന്റെ എല്ലാ ആചാര, ആഘോഷ ചടങ്ങുകള് ഉള്പ്പെടുത്തി തന്നെ നടത്തവുന്നതാണ്. എന്നാല് ജനങ്ങളെ നിയന്ത്രിക്കുന്നതുള്പ്പെടെ കോവിഡ് മാനദണ്ഡങ്ങള് പാലിക്കുന്നതടക്കമുള്ള കാര്യങ്ങളുടെ ഉത്തരവാദിത്വം തിരുവമ്പാടി, പാറമേക്കാവ് ദേവസ്വങ്ങള് ഏറ്റെടുത്തിരിക്കണം.
പൂരം എക്സിബിഷനും സാധാരണ പോലെ നടത്താൻ സാധിക്കും. മുന് കാലങ്ങളിലെ പോലെ മാനുവല് ടിക്കറ്റിങ് സംവിധാനമാണ് ഇതില് ഏർപ്പെടുത്തുന്നത്. പക്ഷെ, സന്ദര്ശകരെ നിയന്ത്രിക്കാന് സംഘാടകര് ശ്രദ്ധിക്കണമെന്നും കലക്ടര് പറഞ്ഞു.
പൂരത്തിന്റെ പ്രധാന ചടങ്ങുകളിലും ആഘോഷങ്ങളിലും ഉണ്ടാവാന് സാധ്യതയുള്ള തിരക്ക് നിയന്ത്രിക്കാന് ഇരു ദേവസ്വങ്ങള്ക്കൊപ്പം കൊച്ചിന് ദേവസ്വം ബോര്ഡും മേല്നോട്ടം വഹിക്കണമെന്ന് കലക്ടര് പറഞ്ഞു. ഏപ്രില് ഒന്നു മുതല് ഇരുദേവസ്വങ്ങളുടെയും 45 വയസിന് മുകളിലുള്ള എല്ലാവര്ക്കും വാക്സിനേഷന് നൽകും.
ഇതിനായി ഇരു ദേവസ്വവും വാക്സിനേഷനുള്ള പട്ടിക ഉടന് നല്കണമെന്നും ഇവര്ക്ക് നിര്ദ്ദേശിക്കുന്ന മെഡിക്കല് ക്യാമ്പില് നേരിട്ടു ചെന്ന് വാക്സിനേഷന് എടുക്കാമെന്നും ഡി എം ഒ കെ ജെ റീന നിർദ്ദേശം നൽകി. ഇതിന് ഏതെങ്കിലും തിരിച്ചറിയല് കാര്ഡുമതി. ഓണ്ലൈനിലൂടെ ഇതിനുള്ള മാര്ഗ നിര്ദേശങ്ങള് നല്കുമെന്നും ഡി എം ഒ അറിയിച്ചു.
പൊലീസ് സേനയുടെ മുഴുവന് സമയ പ്രവര്ത്തവും പൂരത്തിലുണ്ടാകുമെന്ന് സിറ്റി പൊലീസ് കമ്മീഷണര് ആര് ആദിത്യയും പറഞ്ഞിരിക്കുകയാണ്.കൊച്ചിന് ദേവസ്വം ബോര്ഡ് പ്രസിഡന്റ് വി നന്ദകുമാര്, ദേവസ്വം സ്പെഷല് കമ്മീഷണര് എന് ജ്യോതി, പാറമേക്കാവ് ദേവസ്വം പ്രസിഡന്റ് സതീഷ് മേനോന്, സെക്രട്ടറി ജി രാജേഷ്, തിരുവമ്ബാടി ദേവസ്വം പ്രസിഡന്റ് ചന്ദ്രശേഖരന്, സെക്രട്ടറി രവികുമാര് തുടങ്ങിയവരും യോഗത്തില് പങ്കെടുത്തിരുന്നു.
https://www.facebook.com/Malayalivartha
