തെരഞ്ഞടുപ്പില്‍ യു ഡി എഫ് ജയിച്ചാലും എല്‍ ഡി എഫ് ജയിച്ചാലും ന്യൂനപക്ഷക്ഷേമവും വിദ്യാഭ്യാസവും മതനിരപേക്ഷ കക്ഷി ഏറ്റെടുക്കണമെന്ന ആവശ്യവുമായി ചങ്ങനാശേരി അതിരൂപത രംഗത്തെത്തിയതോടെ മുന്നണികള്‍ പ്രതിസന്ധിയിലാകുമെന്ന് ഉറപ്പായി.

യു ഡി എഫ് അധികാരത്തിലെത്തിയാല്‍ വിദ്യാഭ്യാസവും ന്യൂനപക്ഷ ക്ഷേവവും ലീഗിനാണ് നല്‍കി കൊണ്ടിരിക്കുന്നത്. ലീഗിന്റെ പ്രവര്‍ത്തനങ്ങള്‍ക്കെതിരെ എന്‍ എസ് എസും െ്രെകസ്തവ സഭകളും പലവട്ടം രംഗത്തെത്തിയിട്ടുണ്ട്.

ഒരു ഘട്ടത്തില്‍ ജി. സുകുമാരന്‍ നായര്‍ ലീഗിന്റെ അഞ്ചാം മന്ത്രി സ്ഥാനത്തിനെതിരെ അതിരൂക്ഷമായ ഭാഷയിലാണ് സംസാരിച്ചത്. അങ്ങനെയാണ് രമേശ ചെന്നിത്തലയെ താക്കോല്‍ സ്ഥാനത്ത് അവരോധിക്കണമെന്ന ആവശ്യം എന്‍ എസ് എസ് ഉന്നയിച്ചത്.

എന്‍ എസ് എസും ചങ്ങനാശേരി അതിരൂപതയും തമ്മിലുള്ള ബന്ധം വിമോചന സമരകാലത്ത് തന്നെ തുടങ്ങിയതാണ്. ചങ്ങനാശേരി അതിരൂപതയും എന്‍ എസ് എസും ഒരുമിച്ചാണ് ഇത്രയും കാലം സമുദായ പുരോഗതിക്കുള്ള സമര പരിപാടികള്‍ നടത്തിയിരുന്നത്. 2020 ലെ മന്നം സമാധി ഉദ്ഘാടനം ചെയ്തത് ചങ്ങനാശേരി ബിഷപ്പ് പെരുന്തോട്ടമാണ്. അതു കൊണ്ടു തന്നെ അതിരൂപതയുടെ പുതിയ പ്രസ്താവനക്ക് പിന്നിലും എന്‍ എസ് എസിന്റെ പങ്കാളിത്തമുണ്ടെന്ന് മനസിലാക്കണം.

കേരളത്തിലെ അടുത്ത മന്ത്രിസഭയില്‍ ന്യൂനപക്ഷക്ഷേമ വകുപ്പ് സംസ്ഥാന മുഖ്യമന്ത്രി ഏറ്റെടുക്കണമെന്നാണ് ചങ്ങനാശ്ശേരി അതിരൂപത പബ്ലിക് റിലേഷന്‍സ് ജാഗ്രതാ സമിതി ആവശ്യപ്പെട്ടത്. കഴിഞ്ഞ രണ്ട് മന്ത്രിസഭകളുടെ കാലത്ത് ന്യൂനപക്ഷക്ഷേമവുമായി ബന്ധപ്പെട്ട പ്രവര്‍ത്തനങ്ങള്‍ വിലയിരുത്തിയതിന്റെ അടിസ്ഥാനത്തിലാണ് ഇത്തരമൊരു ആവശ്യം ഉന്നയിച്ചിരിക്കുന്നത്.

ന്യൂനപക്ഷ ക്ഷേമ പദ്ധതികളുടെ രൂപീകരണത്തിലും നടത്തിപ്പിലും ഫണ്ട് വിനിയോഗത്തിലുമുള്ള 80:20 അനുപാതം, ന്യൂനപക്ഷ കമ്മീഷന്‍ നിയമത്തില്‍ 2017ല്‍ വരുത്തിയ അംഗങ്ങളുടെ നിയമനവുമായി ബന്ധപ്പെട്ട ഭേദഗതികള്‍, ക്ഷേമ വകുപ്പിന് കീഴിലുള്ള ഉദ്യോഗസ്ഥ നിയമങ്ങളിലെ അപാകതകള്‍ തുടങ്ങി നിരവധി വിഷയങ്ങള്‍ കുറേ നാളുകളായി ചര്‍ച്ചയായിരുന്നു. അടുത്ത മന്ത്രിസഭാ കാലഘട്ടത്തില്‍ ന്യൂനപക്ഷക്ഷേമ വകുപ്പിന്റെ പ്രവര്‍ത്തനങ്ങള്‍ സുതാര്യവും വിവേചന രഹിതവും നീതിയുക്തവും ആയിരിക്കണമെന്ന് ഉറപ്പു വരുത്തണമെന്നും ജാഗ്രതാ സമിതി യോഗം വിലയിരുത്തി.

മുഖ്യമന്ത്രി ന്യൂനപക്ഷക്ഷേമ വകുപ്പ് ഏറ്റെടുക്കുക, െ്രെകസ്തവ ന്യൂനപക്ഷങ്ങളുടെ ആശങ്കകള്‍ അറിയിച്ചു കൊണ്ടും മുന്‍ മുഖ്യമന്ത്രി ഉമ്മന്‍ ചാണ്ടി, പ്രതിപക്ഷ നേതാവ് രമേശ് ചെന്നിത്തല, കെപിസിസി പ്രസിഡണ്ട് മുല്ലപ്പള്ളി രാമചന്ദ്രന്‍, യുഡിഎഫ് കണ്‍വീനര്‍ എം എം ഹസ്സന്‍, മുഖ്യമന്ത്രി പിണറായി വിജയന്‍, എല്‍ഡിഎഫ് കണ്‍വീനര്‍ എ വിജയരാഘവന്‍, ഇരുമുന്നണികളുടെയും കക്ഷി നേതാക്കള്‍ തുടങ്ങിയവര്‍ക്ക് അതിരൂപതാ കേന്ദ്രത്തില്‍ നിന്ന് കത്തുനല്‍കി. ഇതിനെല്ലാം പിന്നില്‍ വ്യക്തമായ ലക്ഷ്യമുണ്ട്..

മന്ത്രി കെ. റ്റി ജലീലിനാണ് ന്യൂന പക്ഷ വകുപ്പിന്റെ ചുമതല ഇടതുമന്ത്രിസഭയില്‍ ഉണ്ടായിരുന്നത്. ജലീലിന്റെ വകുപ്പിലുള്ള നിയമനങ്ങള്‍ പലവട്ടം ചര്‍ച്ചയാവുകയും വിവാദമാവുകയും ചെയ്തിരുന്നു. തനിക്ക് താല്‍പര്യമുള്ളവരെ മാത്രമാണ് ജലീല്‍ അദ്ദേഹത്തിന്റെ വകുപ്പില്‍ നിയമിച്ചിരുന്നത്.അവരാകട്ടെ െ്രെകസ്തവരെ തീരെ അവഗണിച്ചിരുന്നു. െ്രെകസ്തവരില്‍ ന്യൂനപക്ഷങ്ങള്‍ നിരവധിയുണ്ട്. അവരെ സഹായിക്കാന്‍ ഒരിക്കലും ജലീല്‍ തയ്യാറായിട്ടില്ല. ജലീലിന്റെ കണ്ണിലെ ന്യൂനപക്ഷങ്ങളില്‍ െ്രെകസ്തവരില്ലെന്ന് സഭ തന്നെ കുറ്റം പറഞ്ഞിട്ടുണ്ട്. ഇക്കാര്യം മുഖ്യമന്ത്രിയുടെ ശ്രദ്ധയില്‍ പെടുത്തിയിട്ടും നടപടി ഉണ്ടാകാത്ത സാഹചര്യത്തിലാണ് അതിരൂപത പരസ്യ പ്രസ്താവനക്ക് തയ്യാറായത്.

ഏതായാലും സഭ തുടങ്ങിയ കലഹത്തില്‍ എന്‍ എസ് എസ് കൂടി പങ്കു ചേരുന്നതോടെ വിവാദങ്ങള്‍ വാനോളമുയരുമെന്ന കാര്യത്തില്‍ സംശയം വേണ്ട.