ലോക്ക്ഡൗണ് പ്രഖ്യാപിക്കേണ്ട അടിയന്തര സാഹചര്യം നിലവിലില്ലെന്ന് കേന്ദ്ര ആഭ്യന്തരമന്ത്രി; സംസ്ഥാനങ്ങൾക്ക് സ്വതന്ത്രമായ തീരുമാനമെടുക്കാം
രാജ്യത്ത് കോവിഡ് വ്യാപനം അതിരൂക്ഷമായി വ്യാപിച്ചുകൊണ്ടിരിക്കുകയാണ്. എന്നാൽ ഈ സാഹചര്യത്തിലും ലോക്ക്ഡൗണ് പ്രഖ്യാപിക്കേണ്ട അടിയന്തര സാഹചര്യം നിലവിലിൽ ഇല്ലെന്നാണ് ആഭ്യന്തരമന്ത്രി അമിത്ഷായുടെ നിർദ്ദേശം.
അതേസമയം, സംസ്ഥാനങ്ങള്ക്ക് ഇക്കാര്യത്തില് സ്വതന്ത്രമായ തീരുമാനമെടുക്കാമെന്നും അദ്ദേഹം വ്യക്തമാക്കി. ദേശീയ ലോക്ക്ഡൗണ് ഉണ്ടാവില്ലെന്ന് ധനമന്ത്രി നിര്മ്മല സീതാരാമന് വ്യവസായ സംഘടനകളെയും അറിയിച്ചു. പൊതുഗതാഗത സംവിധാനങ്ങള് നിര്ത്തില്ലെന്നും അവര് കൂട്ടിച്ചേർത്തു.
അതേസമയം ദിനംപ്രതി കോവിഡ് രോഗികളുടെ കണക്ക് രണ്ട് ലക്ഷം കഴിയുകയാണ്. ഇന്നും 2.75 ലക്ഷം കടക്കുമെന്നാണ് കരുതുന്നത്. മരണനിരക്ക് മുന്പത്തെ പോലെയില്ല. പ്രാദേശികമായ നിയന്ത്രണമോ, സംസ്ഥാന തല ലോക്ക്ഡൗണോ ഏതാണ് വേണ്ടതെന്ന് സംസ്ഥാന സര്ക്കാരുകള്ക്ക് തീരുമാനിക്കാമെന്നാണ് അമിത് ഷാ അറിയിച്ചത്.
അതേസമയം രാജ്യം ഗുരുതര സാഹചര്യമാണ് നേരിട്ട്ക്കൊണ്ടിരിക്കുന്നത്. ഛത്തീസ്ഗഡില് 30 ശതമാനത്തിന് മുകളിലാണ് ടെസ്റ്റ് പോസിറ്റിവിറ്റി നിരക്ക്. ദേശീയ ശരാശരി 13 ശതമാനമാണ്. സിറോ സര്വേയിലെ മുന്നറിയിപ്പ് അവഗണിച്ചതാണ് ഈ പ്രതിസന്ധിക്ക് കാരണമെന്നാണ് ആരോഗ്യപ്രവർത്തകരുടെ വിലയിരുത്തൽ.
ഓരോ സംസ്ഥാനത്തും ഓക്സിജന് ആവശ്യത്തിന് എത്തിക്കാനുള്ള ശ്രമം കേന്ദ്രംതുടങ്ങിയിരിക്കുകയാണ്. ഇതിനിടയിൽ മധ്യപ്രദേശില് ആറ് പേര് ഓക്സിജന് കിട്ടാതെ ഒരു ആശുപത്രിയില് മരിച്ചെന്ന വാര്ത്ത ജനങ്ങളെ ആശങ്കയിൽ ആഴ്ത്തിയിരിക്കുകയാണ്.
അതേസമയം കരിഞ്ചന്തകളില് ഓക്സിജന് സിലണ്ടറുകളുടെ വില്പന തടയാന് കടുത്ത നടപടികളിലേക്ക് കടക്കുകയാണ് സര്ക്കാരുകള്. കൊവിഡ് ചികിത്സാ മരുന്നുകളുടെ ക്ഷാമം ഉത്തരേന്ത്യയെ പ്രതിസന്ധിയിലാക്കുന്നുണ്ട്.
ജീവന്രക്ഷാ മരുന്നായ റെംദിവിറിന്റെ 90000 ഡോസ് ചത്തീസ്ഗഢിന് കേന്ദ്രം നല്കും. അതേസമയം പുതിയ 20 പ്ലാന്റുകള് വഴി പ്രതിദിനം ഒന്നര ലക്ഷം മുതല് മൂന്ന് ലക്ഷം വരെ കുപ്പി മരുന്ന് ഉല്പ്പാദിപ്പിക്കാനാണ് കേന്ദ്രസര്ക്കാര് തീരുമാനം.
മധ്യപ്രദേശ്, യുപി, ജാര്ഖണ്ഡ് സംസ്ഥാനങ്ങളില് ടെസ്റ്റ് പോസ്റ്റിവിറ്റി ഉയരുകയാണ്. രോഗികളുടെ പ്രതിദിന വര്ധനവ് കുറവാണെങ്കിലും ബീഹാര്, പശ്ചിമബംഗാള്, പഞ്ചാബ് എന്നിവിടങ്ങളില് മരണ നിരക്ക് കൂടുതലാണ്. പല സംസ്ഥാനങ്ങള് താത്കാലിക ആശുപത്രികള് തയ്യാറാക്കി ചികിത്സരംഗ കൂടുതല് സൗകര്യങ്ങള് ഒരുക്കിവരുകയാണ്.
https://www.facebook.com/Malayalivartha