ആഡംബര ജീവിതം ആഗ്രഹിച്ചു, പണമില്ലാത്തതിനാൽ പെയിന്റടിക്കാനെത്തിയ വീടിന്റെ താക്കോല്‍ കൈക്കലാക്കി... തുടർന്ന് ഭാര്യയോടൊപ്പം രാത്രി ഇരുചക്രവാഹനത്തിലെത്തി വീട്ടില്‍ നിന്ന് അഞ്ചുലക്ഷം രൂപയും മൂന്ന് പവന് ആഭരണങ്ങളും കവർന്നു; ഒടുവിൽ തിരുവനന്തപുരത്ത് നിന്ന് യുവമ്പതികള്‍ അറസ്റ്റിലായി
തിരുവനന്തപുരത്ത് പെയിന്റടിക്കാനെത്തിയ വീടിന്റെ താക്കോല്‍ കൈക്കലാക്കി പണവും സ്വര്‍ണ്ണവും കവര്‍ന്ന കേസില്‍ യുവദമ്പതികള്‍ അറസ്റ്റിലായി.
വര്‍ക്കല സ്വദേശി റിയാസും (29) ഭാര്യ ആന്‍സിയുമാണ് പിടിയിലായത്. നിര്‍മാണത്തിലിരുന്ന വീടിന്റെ താക്കോല്‍കൂട്ടം കൈക്കലാക്കി ഇവര്‍ അഞ്ച് ലക്ഷം രൂപയും സ്വർണ്ണം മോഷ്ട്ടിക്കുകയായിരുന്നു.
ഇലകമണ്ണില്‍ സുധീര്‍ഖാന്‍റെ വീടിന് പെയിന്റടിക്കാനായിരുന്നു റിയാസ് എത്തിയത്. തുടര്‍ന്നാണ് ഇയാള്‍ താക്കോല്‍ കൈക്കലാക്കുന്നതും. ഭാര്യ ആന്‍സിക്കൊപ്പം ഇരുചക്രവാഹനത്തിലെത്തി വീട്ടില്‍ നിന്ന് അഞ്ചുലക്ഷം രൂപയും മൂന്ന് പവന് ആഭരണങ്ങളും കവർന്നത്.
വീട്ടുടമസ്ഥന്‍ നിര്‍മാണത്തിലിരിക്കുന്ന വീടിന്റെ ഒരു മുറിയിലായിരുന്നു പണവും മറ്റു വീട്ടുസാധനങ്ങളും പണവുമെല്ലാം സൂക്ഷിച്ചിരുന്നത്. പൂട്ടിയതിന് ശേഷം മാറ്റിവെച്ചിരുന്ന താക്കോല്‍ കൂട്ടം സ്വന്തമാക്കിയായിരുന്നു
ഇവർ മോഷണം നടത്തിയത്.
വീടുമായി പരിചയമുള്ളവരെയും അടുത്തിടെ വന്നു പോയവരെയും കേന്ദ്രീകരിച്ചു നടത്തിയ അന്വേഷണത്തിലാണ് പൊലീസിന് പ്രതികളെ പിടികൂടാനായത്.
മോഷണ ദിവസം രാത്രി റിയാസും ആന്‍സിയും ഇരുചക്രവാഹനത്തില്‍ സഞ്ചരിക്കുന്നതിന്‍റെ സിസിടിവി ദൃശ്യങ്ങളും പൊലീസിന് പ്രതികളെ കണ്ടെത്താന്‍ സഹായമായി. ആഡംബര ജീവിതമാണ് ഇരുവരും നയിച്ചിരുന്നതെന്ന് പൊലീസ് വ്യക്തമാക്കി.
https://www.facebook.com/Malayalivartha
