ചെന്നിത്തലപാടത്ത് കൊയ്തിട്ടിരുന്ന കറ്റകള്‍ എടുക്കാന്‍ പോയ വയോധികന്‍ വെള്ളക്കെട്ടില്‍ വീണ് മരിച്ചു
15 MAY 2021 10:40 AM IST
മലയാളി വാര്‍ത്ത
ചെന്നിത്തലപാടത്ത് കൊയ്തിട്ടിരുന്ന കറ്റകള്‍ എടുക്കാന്‍ പോയ വയോധികന്‍ വെള്ളക്കെട്ടില്‍ വീണ് മരിച്ചു. ചെന്നിത്തല പഞ്ചായത്ത് 16-ാം വാര്‍ഡ് തൃപ്പെരുന്തുറ പടിഞ്ഞാറെ വഴി ഇടയാടി പുതുവല്‍ എം കൃഷ്ണന്‍കുട്ടി (പൊന്നു-83) ആണ് മരിച്ചത്.
കഴിഞ്ഞ ദിവസം രാവിലെ എട്ടിനാണ് സംഭവം. പാടത്ത് കൊയ്തിട്ടിരുന്ന കറ്റകള്‍ എടുക്കാന്‍ വള്ളത്തില്‍ പോകവെ ദേഹാസ്വാസ്ഥ്യം ഉണ്ടായി വെള്ളത്തില്‍ വീഴുകയായിരുന്നു.
സമീപവാസികള്‍ ഓടിയെത്തി വെള്ളത്തില്‍ മുങ്ങി കിടന്ന കൃഷ്ണന്‍കുട്ടിയെ എടുത്ത് മാവേലിക്കര ജില്ലാ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല
"
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
