ശക്തമായ മഴയെ തുടർന്ന് അങ്കമാലിയിൽ റോഡ് ഇടിഞ്ഞ് ടാങ്കർ ലോറി മറിഞ്ഞു. അങ്കമാലി അങ്ങാടിക്കടവ് റോഡില്‍ വഴിയരികില്‍ നിര്‍ത്തിയിടാന്‍ ശ്രമിക്കുമ്ബോഴായിരുന്നു അപകടം. ലോറി ഡ്രൈവറായ അങ്കമാലി പൊയ്ക്കാട്ടുശേരി സ്വദേശി ബിപിന് പരിക്കേറ്റു.

പാര്‍ക്ക് ചെയ്യാന്‍ ശ്രമിക്കുന്നതിനിടെ റോഡ് ഇടിഞ്ഞ് ഡീസല്‍ ടാങ്കര്‍ ലോറി താഴ്ചയിലേയ്ക്ക് മറിയുകയായിരുന്നു. അപകടം ശ്രദ്ധയില്‍പെട്ട സമീപവാസികള്‍ ഉടന്‍ തന്നെ പോലീസില്‍ വിവരമറിയിച്ചു. തുടര്‍ന്ന് പോലീസും നാട്ടുകാരും ചേര്‍ന്നാണ് രക്ഷാപ്രവര്‍ത്തനം നടത്തിയത്. ഉച്ചയ്ക്ക് ഒരുമണിയോടെയാണ് സംഭവം ഉണ്ടായത്.

ബിപിനെ ലോറിയില്‍ നിന്നും പുറത്തെടുത്ത ശേഷം ആശുപത്രിയിലേയ്ക്ക് മാറ്റിയിരുന്നു. ഡീസല്‍ മറ്റൊരു വാഹനത്തിലേയ്ക്കു മാറ്റിയ ശേഷം 3 ക്രെയിനുകളുടെ സഹായത്തോടെയാണ് ടാങ്കര്‍ ലോറി ഉയർത്തിയിരുന്നത്..