അരുവിക്കര ഉപതിരഞ്ഞെടുപ്പിന്റെ വോട്ടെണ്ണല്‍ പുരോഗമിക്കവെ ശബരിനാഥന്‍ 10,128 വോട്ടിന് മുന്നിട്ട് നില്‍ക്കുന്നു. ഇടത് സ്ഥാനാര്‍ത്ഥി എം.വിജയകുമാര്‍ 46,320 വോട്ടിന് തോറ്റു. ബിജെപി സ്ഥാനാര്‍ത്ഥി ഒ. രാജഗോപാല്‍ 34,145 വോട്ടിന് തോറ്റു. ജി. കാര്‍ത്തികേയന്റെ വിയോഗത്തെത്തുടര്‍ന്ന് അനിവാര്യമായിത്തീര്‍ന്ന ഉപതിരഞ്ഞെടുപ്പ് ഒരു പൊതുതിരഞ്ഞെടുപ്പിന്റെ തീവ്രതയിലേക്ക് ഉയര്‍ത്തപ്പെട്ടതിന് പിന്നില്‍ ഒരുപാട് ഘടകങ്ങളുണ്ട്.

ഭരണം നിലനിര്‍ത്താന്‍ ഉപതിരഞ്ഞെടുപ്പിലൂടെ ഒരംഗംകൂടി എന്ന അവസ്ഥ യു.ഡി.എഫ്. നേരിടുന്നില്ല. എന്നാല്‍ നാലുവര്‍ഷത്തെ ഭരണത്തോടുള്ള ജനങ്ങളുടെ പ്രതികരണം അടുത്ത പൊതുതിരഞ്ഞെടുപ്പിനുമുമ്പ് അരുവിക്കരയില്‍ തിരിച്ചറിയപ്പെടും. അരുവിക്കര പറയുന്നത് തന്നെയാവും അടുത്ത പൊതുതിരഞ്ഞെടുപ്പില്‍ കേരളം പറയാന്‍ പോകുന്നത്. ഈ തിരിച്ചറിവ് മുഖ്യമന്ത്രിക്കുണ്ട്.

അതുതന്നെയാണ് അരുവിക്കരയില്‍ ഭരണ വിലയിരുത്തലുണ്ടാകുമെന്ന് ആവര്‍ത്തിച്ചുപറയാന്‍ അദ്ദേഹത്തെ പ്രേരിപ്പിക്കുന്നത്. വിധി എല്‍.ഡി.എഫിന് പ്രതികൂലമായാല്‍ തോല്‍ക്കുന്നത് സി.പി.എം. ആണ്. പ്രത്യേകിച്ച് പിണറായി വിജയന്. പാര്‍ട്ടി സെക്രട്ടറിക്കും പ്രതിപക്ഷനേതാവിനും മുന്നണിക്കും മീതെ, അരുവിക്കര പിണറായിയുടെ \'തിരഞ്ഞെടുപ്പാ\'ണ്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha