കണ്ട് കൊതിതീരാത്ത അമ്മക്ക് ഏക മകന് അഡോണ് അന്ത്യചുംബനം നല്കിയ രംഗം കണ്ടുനിന്നവരെ കണ്ണീരിലാഴ്ത്തി... ഭര്ത്താവ് സന്തോഷ് വാവിട്ടു കരഞ്ഞു, അലമുറയിട്ട് മാതാപിതാക്കളും ബന്ധുക്കളും ,ആര്ക്കും ആരേയും ആശ്വസിപ്പിക്കാനാവാതെ.... ഇസ്രായേലില് റോക്കറ്റാക്രമണത്തില് കൊല്ലപ്പെട്ട സൗമ്യയുടെ മൃതദേഹം ഇന്നലെ വൈകീട്ട് കീരിത്തോട് നിത്യസഹായമാത പള്ളിയില് പ്രത്യേകം തയ്യാറാക്കിയ കല്ലറയില് സംസ്കരിച്ചു...
കണ്ട് കൊതിതീരാത്ത അമ്മക്ക് ഏക മകന് അഡോണ് അന്ത്യചുംബനം നല്കിയ രംഗം കണ്ടുനിന്നവരെ കണ്ണീരിലാഴ്ത്തി... ഭര്ത്താവ് സന്തോഷ് വാവിട്ടു കരഞ്ഞു, അലമുറയിട്ട് മാതാപിതാക്കളും ബന്ധുക്കളും ,ആര്ക്കും ആരേയും ആശ്വസിപ്പിക്കാനാവാതെ.... ഇസ്രായേലില് റോക്കറ്റാക്രമണത്തില് കൊല്ലപ്പെട്ട സൗമ്യയുടെ മൃതദേഹം ഇന്നലെ വൈകീട്ട് കീരിത്തോട് നിത്യസഹായമാത പള്ളിയില് പ്രത്യേകം തയ്യാറാക്കിയ കല്ലറയില് സംസ്കരിച്ചു...
ലോക്ഡൗണ് പശ്ചാത്തലത്തില് പൊലീസിന്റെ കര്ശന നിയന്ത്രണത്തിലായിരുന്നു ചടങ്ങുകള്. കൊച്ചി വിമാനത്താവളത്തില് ബന്ധുക്കള് ഏറ്റുവാങ്ങിയ മൃതദേഹം ശനിയാഴ്ച രാത്രി 10.30നാണ് കീരിത്തോട്ടിലെ വീട്ടിലെത്തിച്ചത്.
ഞായറാഴ്ച ഉച്ചക്ക് 2.30ന് വീട്ടില് ആരംഭിച്ച സംസ്കാരശുശ്രൂഷക്ക് ഇടുക്കി രൂപത വികാരി ജനറാള് ഫാ. ജോസ് പ്ലാച്ചിക്കല് നേതൃത്വം നല്കി. തുടര്ന്ന് പള്ളിയില് നടന്ന ചടങ്ങുകള്ക്ക് ഇടുക്കി രൂപത ബിഷപ് മാര് ജോണ് നെല്ലിക്കുന്നേല് മുഖ്യകാര്മികത്വം വഹിച്ചു.
തങ്ങളുടെ മാലാഖയായിരുന്നു സൗമ്യയെന്നും കുടുംബത്തിന് എല്ലാ സഹായവും നല്കുമെന്നും ചടങ്ങില് പങ്കെടുത്ത ഇസ്രായേല് കോണ്സല് ജനറല് ജൊനാദന് സഡ്ക പറഞ്ഞു. സൗമ്യയോടുള്ള ആദരസൂചകമായി അദ്ദേഹം പ്രത്യേകമുദ്ര മകന് അഡോണിന് കൈമാറി.
കേരള ഗവര്ണര്ക്കുവേണ്ടി കലക്ടര് എച്ച്. ദിനേശന് പുഷ്പചക്രം സമര്പ്പിച്ചു. ഡീന് കുര്യാക്കോസ് എം.പി, ജില്ല പഞ്ചായത്ത് പ്രസിഡന്റ് ജിജി കെ. ഫിലിപ്, മുന് എം.എല്.എ പി.സി. ജോര്ജ്, ഇ.എം. അഗസ്തി, മുന് എം.പി കെ. ഫ്രാന്സിസ് ജോര്ജ്, ജനപ്രതിനിധികള്, സാമൂഹിക-രാഷ്ട്രീയ രംഗങ്ങളിലെ പ്രമുഖര് തുടങ്ങിയവര് അന്തിമോപചാരമര്പ്പിച്ചു.
https://www.facebook.com/Malayalivartha
