ഇതിനെയാണ് സാര്‍ ഇരട്ടത്താപ്പ് എന്ന് വിളിക്കുന്നത്. കേരളത്തില്‍ ഇരുന്ന് ലക്ഷദ്വീപിലെ അഡ്മിനിസ്‌ട്രേറ്റര്‍ക്ക്എതിരെയും ലക്ഷദ്വീപില്‍ ഇരുന്ന് അഡ്മിനിസ്‌ട്രേറ്റര്‍ക്ക് അനുകൂലമായും സംസാരിക്കുന്ന ഒരു പാര്‍ട്ടിയുണ്ട്.അതാണ് സി പി എം.

കേരള നിയമസഭ ലക്ഷദ്വീപ് അഡ്മിനിസ്‌ട്രേറ്റര്‍ക്കെതിരെ പ്രമേയം പാസാക്കിയതിന് പിന്നാലെയാണ് ലക്ഷദ്വീപിലെ സി പി എം സംസ്ഥാന സെക്രട്ടറി അഡ്മിനിസ്‌ട്രേറ്ററെ അനുകൂലിച്ച് രംഗത്തെത്തിയത്. അതായത് നമ്മുടെ കോടിയേരി ബാലകൃഷ്ണന്‍ നരേന്ദ്ര മോദിയെ അനുകൂലിച്ച് രംഗത്തെത്തുന്നത് പോലെ.

എന്നാല്‍ ഇതിന്റെ പേരില്‍ പൊരിഞ്ഞ അടി നടക്കുകയാണ് ലക്ഷദ്വീപില്‍. കരിനിയമങ്ങള്‍ നടപ്പാക്കുന്ന ലക്ഷദ്വീപ്? അഡ്?മിനിസ്?ട്രേറ്റര്‍ പ്രഫുല്‍ കെ. പട്ടേലിനെ ന്യായീകരിച്ച സി.പി.എം ലക്ഷദ്വീപ്? സ്?റ്റേറ്റ്? സെക്രട്ടറിക്കെതിരെ നടപടി സ്വീകരിക്കാത്തതില്‍ പ്രതിഷേധിച്ച്? ഡി.വൈ.എഫ്?.ഐ പ്രസിഡന്റ്? രാജിവെച്ചു. സി.പി.എം ലക്ഷദ്വീപ് സെക്രട്ടറി ലുക്മാനുല്‍ ഹകീമിനെതിരെ അച്ചടക്ക നടപടിയെടുക്കാത്തതില്‍ പ്രതിഷേധിച്ച്? ഡി.വൈ.എഫ്?.ഐ? ലക്ഷദ്വീപ് പ്രസിഡന്റ്? കെ.കെ. നസീര്‍ ആണ്? രാജിവെച്ചത്. രാജിക്കത്ത്? ഡി.വൈ.എഫ്?.ഐ കേരള പ്രസിഡന്റിനും സെക്രട്ടറിക്കും കൈമാറി. കേരളമാണ് ലക്ഷദ്വീപ് പാര്‍ട്ടിയുടെ ഹെഡ് ഓഫീസ്.

ദ്വീപിലെ സര്‍ക്കാര്‍ ഡയറി ഫാമുകള്‍ അടച്ചുപൂട്ടാന്‍ പുതിയ അഡ്മിനിസ്‌ട്രേറ്റര്‍ പ്രഫുല്‍ കെ. പട്ടേല്‍ ഉത്തരവിട്ടിരുന്നു. ഇതിനെയാണ് പാര്‍ട്ടി? സെക്രട്ടറി ലുക്മാനുല്‍ ഹക്കീം ന്യായീകരിച്ചത്?. സര്‍ക്കാര്‍ ഡയറി ഫാമുകള്‍ അടച്ചത് നഷ്ടത്തിലായതിനാലാണെന്നും പ്രതിഷേധത്തില്‍ കാര്യമില്ലെന്നുമായിരുന്നു ഇദ്ദേഹം ഒരു ടെലിവിഷന്‍ ചാനലിന്? നല്‍കിയ പ്രതികരണം. ?ലക്ഷദ്വീപില്‍ പത്ത് പശുക്കളൊക്കെയേ ഉള്ളൂവെന്നും അമൂല്‍ ഒക്കെ ലക്ഷദ്വീപില്‍ പണ്ടേ ഉണ്ടെന്നും ഇതില്‍ പറഞ്ഞിരുന്നു.

ദ്വീപിന് വേണ്ടി ശക്തമായി നിലകൊണ്ട കേരളത്തിലെ രാഷ്ട്രീയ സാമൂഹ്യ, സംസ്‌കാരിക, മാധ്യമ കൂട്ടായ്മകളെ മൊത്തം അപമാനിക്കുന്ന തരത്തിലുള്ള ഇത്തരം പ്രസ്താവനകള്‍ സെക്രട്ടറിയുടെ ഭാഗത്തു നിന്നുണ്ടായിട്ടും സി പി എമ്മില്‍ നിന്ന് അച്ചടക്ക നടപടിയുണ്ടാകാത്തത് ദൗര്‍ഭാഗ്യകരമാണെന്ന് കെ.കെ. നസീര്‍ പറഞ്ഞു.

വലതുപക്ഷ പ്രചാരകര്‍ക്ക് അവസരം നല്‍കുന്ന നിലപാടാണ്? പാര്‍ട്ടി സെക്രട്ടറി സ്വീകരിച്ചതെന്നും അദ്ദേഹം ആരോപിച്ചു. ഇവിടെയാണ് ഇരട്ടത്താപ്പ്. ബിജെപിക്കും കേന്ദ്ര സര്‍ക്കാരിനുമെതിരെ സംസാരിക്കുമെങ്കിലും കേരളത്തിലെ സി പി എം പ്രധാനമന്ത്രിയെ കടന്നാക്രമിക്കില്ല. അതേ നിലപാട് തന്നെയാണ് ലക്ഷദ്വീപിലും സ്വീകരിക്കുന്നത്.

ലക്ഷദ്വീപിലെ വിവാദ ഭരണ പരിഷ്‌കാരങ്ങള്‍ക്കെതിരെ പ്രതിഷേധ സ്വരം കടുപ്പിക്കുകയാണ് കേരളത്തിലെ സി പി എം. ദ്വീപില്‍ നടക്കുന്ന കാവി വത്കരണ ശ്രമങ്ങള്‍ ഒരു കാരണവശാലും അംഗീകരിക്കാന്‍ കഴിയില്ലെന്ന് മുഖ്യമന്ത്രി പിണറായി വിജയന്‍ നിയമസഭയില്‍ അവതരിപ്പിച്ച പ്രതിഷേധ പ്രമേയത്തില്‍ വ്യക്തമാക്കി. ഒരു പാര്‍ട്ടി അധികാരത്തിലെത്തുമ്പോള്‍ ആ പാര്‍ട്ടിയുടെ നയങ്ങള്‍ നടപ്പിലാക്കാന്‍ ശ്രമിക്കുന്നത് സ്വാഭാവികമായ കാര്യമാണ്. കേരളത്തില്‍ സി പി എം ചെയ്യുന്നതും ഇതേ കാര്യം തന്നെയാണ്.

ദ്വീപിലെ ജനങ്ങളുടെ തനത് ജീവിതാവസ്ഥകള്‍ ഇല്ലാതാക്കാനും കാവി വത്കരണം നടപ്പാക്കാനുമുള്ള ശ്രമമാണ് നടക്കുന്നത്. സംഘപരിവാര്‍ അജണ്ടക്കൊപ്പം കോര്‍പറേറ്റ് താല്‍പര്യങ്ങളും അടിച്ചേല്‍പ്പിക്കാന്‍ ശ്രമിക്കുന്നു. ഗോ വധ നിരോധനം എന്ന സംഘപരിവാര്‍ അജണ്ട പിന്‍ വാതിലിലൂടെ ദ്വീപില്‍ നടപ്പാക്കുന്നു. ഇത് അനുവദിക്കാനാകില്ലെന്നായിരുന്നു മുഖ്യമന്ത്രി അവതരിപ്പിച്ച പ്രമേയത്തിന്റെ ഉള്ളടക്കം.

കേന്ദ്ര ഭരണ പ്രദേശമായ ലക്ഷദ്വീപിന്റെയും അവിടുത്തെ അന്തേവാസികളുടേയും സംരക്ഷണം ഉറപ്പാക്കാനുള്ള ബാധ്യത കേന്ദ്രസര്‍ക്കാരിന് ഉണ്ടെന്ന് നിയമസഭ പ്രമേയം ഓര്‍മ്മിപ്പിക്കുന്നു. അഡ്മിനിസ്‌ട്രേറ്റര്‍ പ്രഫുല്‍ ഖോഡാ പാട്ടേലിന്റെ മുഴുവന്‍ ഉത്തരവുകളും റദ്ദാക്കണമെന്നും സംഘപരിവാര്‍ താല്‍പര്യം സംരക്ഷിക്കുന്നു എന്നും പ്രമേയത്തില്‍ എടുത്ത് പറയണമെന്ന് മുസ്ലീം ലീഗും കേന്ദ്ര സര്‍ക്കാരിനെ വ്യക്തമായി വിമര്‍ശിക്കണമെന്ന് കോണ്‍ഗ്രസും നിര്‍ദ്ദേശിച്ച ഭേദഗതികള്‍ അംഗീകരിച്ചാണ് പ്രമേയം നിയമസഭ പാസാക്കിയത് .

മുഖ്യമന്ത്രി അവതരിപ്പിച്ച പ്രമേയത്തെ പ്രതിപക്ഷം പൂര്‍ണ്ണമായും പിന്തുണക്കുകയാണെന്ന് പ്രതിപക്ഷ നേതാവ് വിഡി സതീശന്‍ പറഞ്ഞു.

അതേസമയം കലക്കവെള്ളത്തില്‍ മീന്‍ പിടിക്കാനുള്ള ശ്രമങ്ങളും കേരളത്തില്‍ നടക്കുന്നുണ്ട്. ലക്ഷദ്വീപ് അഡ്മിനിസ്‌ട്രേറ്ററുടെ വിവാദ ഭരണ പരിഷ്‌കാരങ്ങള്‍ക്കെതിരെ മാധ്യമങ്ങളില്‍ സംസാരിച്ചതിന് പൊലീസ് അന്വേഷണമെന്ന് അഭിഭാഷകയും ലക്ഷദ്വീപ് സ്വദേശിയുമായ ഫസീല ഇബ്രാഹിം പറഞ്ഞു . ഏഷ്യാനെറ്റ് ന്യൂസ് അവറില്‍ പങ്കെടുത്ത് സംസാരിക്കവേയാണ് ഫസീല പൊലീസ് അന്വേഷണത്തെക്കുറിച്ച് വിശദീകരിച്ചത്.

ലക്ഷദ്വീപിലെ പുതിയ ഭരണ പരിഷ്‌കാരങ്ങള്‍ക്കെതിരെ ഏഷ്യാനെറ്റ് ന്യൂസിലും അല്‍ ജസീറയിലും ഫസീല ഇബ്രാഹിം സംസാരിച്ചിരുന്നു. ഇതിനു പിന്നാലെയാണ് ലക്ഷദ്വീപിലെ മിനിക്കോയ് സിഐ അക്ബര്‍ ഇവരുടെ കുടുംബത്തെ ബന്ധപ്പെട്ടത്. മാധ്യമങ്ങളിലൂടെ സംസാരിക്കുന്നതിനാല്‍ തനിക്കെതിരെ അന്വേഷണത്തിന് ഉത്തരവുണ്ടെന്ന് പറഞ്ഞാണ് സിഐ പിതാവിനെ വിളിച്ചതെന്ന് ഫസീല പറഞ്ഞു.

ആദ്യം പിതാവിനെ വിളിച്ച് തന്നെക്കുറിച്ചും കുടുംബത്തെക്കുറിച്ചും വിവരങ്ങള്‍ ആരാഞ്ഞു. പിന്നാലെ തന്നെ നേരിട്ട് വിളിച്ച ഉദ്യോഗസ്ഥന്‍ ഏതൊക്കെ മാധ്യമങ്ങളിലാണ് സംസാരിച്ചതെന്നും എന്തൊക്കെ കാര്യങ്ങളാണ് സംസാരിച്ചതെന്നും ചോദിച്ചറിഞ്ഞു. ഫോണ്‍ വിളിച്ചാല്‍ എടുക്കണമെന്നും തന്റെ സോഷ്യല്‍മീഡിയ അക്കൌണ്ടുകള്‍ നിരീക്ഷിക്കുന്നുണ്ടെന്നും പൊലീസ് ഉദ്യോഗസ്ഥന്‍ പറഞ്ഞതായി ഫസില പറഞ്ഞു.