പ്രശസ്ത കവിയും ഗാനരചയിതാവുമായ എസ് രമേശന്നായര് അന്തരിച്ചു..... സംസ്കാരചടങ്ങുകള് കോവിഡ് പ്രോട്ടോക്കോള് പാലിച്ച്
ഇന്നലെ അന്തരിച്ച കവിയും ഗാനരചയിതാവുമായ എസ് രമേശന് നായരുടെ സംസ്കാരം ഇന്ന് നടക്കും. രാവിലെ 11 ന് പച്ചാളം ശ്മശാനത്തില് കൊവിഡ് പ്രോട്ടോക്കോള് പാലിച്ചാണ് ചടങ്ങുകള്. പൊതുദര്ശനം ഒഴിവാക്കിയിട്ടുണ്ട്.
കൊവിഡിന് ചികിത്സയിലിരിക്കെ ഇന്നലെ കൊച്ചിയിലെ സ്വകാര്യ ആശുപത്രിയിലായിരുന്നു രമേശന് നായരുടെ അന്ത്യം. 1985-ല് പുറത്തിറങ്ങിയ പത്താമുദയം എന്ന ചലച്ചിത്രത്തിലെ ഗാനങ്ങള് രചിച്ചുകൊണ്ടാണ് മലയാളചലച്ചിത്ര രംഗത്ത് രമേശന് നായര് പ്രവേശിക്കുന്നത്. 2010-ലെ കേരളസാഹിത്യ അക്കാദമിയുടെ സമഗ്രസംഭാവനയ്ക്കുള്ള പുരസ്കാരവും 2018 ലെ കേന്ദ്ര സാഹിത്യ അക്കാദമി പുരസ്ക്കാരവും ലഭിച്ചിട്ടുണ്ട്.
ഗുരുപൗര്ണ്ണമി എന്ന കാവ്യ സമാഹാരത്തിനു 2018 ലെ കേന്ദ്ര സാഹിത്യ അക്കാദമി പുരസ്കാരം ലഭിച്ചിട്ടുണ്ട്. 2010-ലെ കേരളസാഹിത്യ അക്കാദമിയുടെ സമഗ്രസംഭാവനയ്ക്കുള്ള പുരസ്കാരവും, ആറാം വെണ്ണിക്കുളം സ്മാരക പുരസ്കാരവും ആശാന് പുരസ്കാരവും ലഭിച്ചിട്ടുണ്ട്.1948 മേയ് 3ന് കന്യാകുമാരി ജില്ലയിലെ കുമാരപുരത്തായിരുന്നു ജനനം.
പരേതരായ ഷഡാനനന് തമ്ബിയും പാര്വ്വതിയമ്മയുമാണ് മാതാപിതാക്കള്. കേരള ഭാഷാ ഇന്സ്റ്റിറ്റ്യൂട്ടില് സബ് എഡിറ്ററായും ആകാശവാണിയില് നിര്മ്മാതാവായും രമേശന് നായര് പ്രവര്ത്തിച്ചിരുന്നു.1985ല് പുറത്തിറങ്ങിയ പത്താമുദയം എന്ന ചലച്ചിത്രത്തിലെ ഗാനങ്ങള് രചിച്ചുകൊണ്ടാണ് മലയാളചലച്ചിത്ര രംഗത്തേക്ക് പ്രവേശിക്കുന്നത്.
"
https://www.facebook.com/Malayalivartha