മൂന്നു വയസ്സില് മകളെ പീഡിപ്പിക്കാന് ശ്രമിച്ചെന്നാരോപിച്ച് രണ്ടര വര്ഷത്തിന് ശേഷമെടുത്ത പോക്സോ കേസില് പിതാവിന് ജാമ്യമില്ല... മകളെ സ്വകാര്യ ഭാഗത്ത് സ്പര്ശിച്ച പിതാവിന് പോക്സോ കോടതി ജാമ്യം നിഷേധിച്ചു,40 ദിവസമായി പിതാവ് അഴിക്കുള്ളില്, കുടുംബക്കോടതി കേസ് ഒത്തുതീര്പ്പാക്കാന് മാതാവ് ചമച്ച വ്യാജക്കേസെന്ന വാദം കോടതി തള്ളി
മൂന്നു വയസ്സുള്ളപ്പോള് മകളെ പീഡിപ്പിക്കാന് ശ്രമിച്ചെന്നാരോപിച്ച് രണ്ടര വര്ഷത്തിന് ശേഷം രജിസ്റ്റര് ചെയ്ത പോക്സോ കേസില് പ്രതിയായ പിതാവിന് ജാമ്യമില്ല. തിരുവനന്തപുരം പോക്സോ കോടതിയാണ് 40 ദിവസമായി അഴിക്കുള്ളില് കഴിയുന്ന തിരുവനന്തപുരം റൂറല് പൊഴിയൂര് സ്വദേശിയായ പിതാവിന് ജാമ്യം നിഷേധിച്ചത്.
അതേ സമയം മാതാവും പിതാവും തമ്മില് കുടുംബക്കോടതിയില് നിലവിലുള്ള വിവാഹമോചന , സ്വത്ത് തിരികെ ലഭിക്കല് കേസ് ഒത്തുതീര്പ്പാക്കാന് മകളെ ആയുധമാക്കിയുള്ള മാതാവിന്റെ വ്യാജ പരാതിയിലെടുത്ത കേസെന്ന പിതാവിന്റെ വാദം കോടതി തള്ളി. . ഇക്കാര്യങ്ങള് ജാമ്യം പരിഗണനാ വേളയില് പരിഗണിക്കാനാവില്ലെന്നും വിചാരണക്ക് ശേഷമുള്ള തെളിവു മൂല്യം വിലയിരുത്തല് ഘട്ടത്തിലേ പരിഗണിക്കാനാവൂയെന്നും പോക്സോ ജഡ്ജി കെ.വി.രജനീഷ് വ്യക്തമാക്കി. ഈ കേസ് കടയ്ക്കാവൂര് മോഡല് കേസാണെന്ന് വാദിച്ചെങ്കിലും കോടതി അത് മുഖവിലയ്ക്കെടുത്തില്ല.
2017 ലാണ് സംഭവം നടന്നതായി ആരോപിച്ച് മാതാവ് 2019 അവസാനം പരാതിപ്പെടുന്നത്. ആ സമയം പിതാവ് മാതാവിനെ വേര്പിരിഞ്ഞ് ഒളിവില് പോയതിനാല് 2021 മാര്ച്ചില് നാട്ടിലെത്തിയ ശേഷമാണ് അറസ്റ്റ് നടന്നത്. മദ്യപനായ പിതാവ് മകള്ക്ക് 3 വയസ്സുള്ളപ്പോള് മകളുടെ സ്വകാര്യ ഭാഗത്ത് സ്പര്ശിക്കുകയും കൈവിരല് കൊണ്ട് പ്രകൃതി വിരുദ്ധ പ്രവര്ത്തി നടത്തിയെന്നുമാണ് കേസ്.
പിതാവ് മാതാവിനെ വേര്പ്പെട്ട് പോയ ശേഷം പിതാവ് ചെയ്ത കൃത്യം മകള് സ്വയം ചെയ്യാന് തുടങ്ങി. ഒടുവില് മകള്ക്ക് അസ്വസ്ഥത അനുഭവപ്പെട്ടപ്പോള് മകളെ നെയ്യാറ്റിന്കര ജനറല് ആശുപത്രിയില് കൊണ്ടുചെന്നു. ഡോക്ടറുടെ പരിശോധനയില് മകള് ഡോക്ടറോട് പിതാവ് മുമ്പ് ഇതു പോലെ ചെയ്തിട്ടുണ്ടെന്ന വിവരം വെളിപ്പെടുത്തി. ഡോക്ടര് പോലീസില് വിവരം അറിയിച്ച് കേസ് എടുക്കുകയായിരുന്നു.
മാതാവ് താമസം മാറി മകളോടൊപ്പം സ്വന്തം അമ്മയോടൊത്ത് താമസിച്ച് വരവേയാണ് അസ്വസ്ഥത പ്രകടിപ്പിച്ച കുട്ടിയെ വൈദ്യപരിശോധനക്ക് വിധേയയാക്കുകയായിരുന്നു.
https://www.facebook.com/Malayalivartha
