മുംബൈ സ്വദേശി ടീരാ കമ്മത്ത് എന്ന് ആറ് മാസം പ്രായമുള്ള കുട്ടിക്ക് വേണ്ടി രാജ്യം മുഴുവന് കൈകോര്ത്തു; ആറ് കോടി ഇറക്കുമതി നികുതി ഇനത്തില് ഇളവ് നല്കാനായി പ്രധാനമന്ത്രി നരേന്ദ്ര മോദി നേരിട്ട് ഇടപെട്ടു, കേരളത്തെ തിരിഞ്ഞുനോക്കിയില്ല, മുഹമ്മദിന്റെ ചികിത്സയ്ക്കായി 18 കോടി രൂപ ദിവസങ്ങള്ക്കകം സ്വരൂപിക്കാനായി എല്ലാവരും കൈകോർത്തു
കുറെ മനുഷ്യർ കൈകോർത്തപ്പോൾ അതും സാധ്യമായി. സ്പൈനല് മസ്ക്യുലാര് അട്രോഫി എന്ന അപൂര്വ്വ രോഗബാധിതനായ ഒന്നരവയസ്സുകാരന് മുഹമ്മദിന്റെ മരുന്നിനാവശ്യമായ 18 കോടി രൂപ ലഭിച്ചെന്ന വാര്ത്ത എല്ലാ മലയാളികള്ക്കും വളരെ വലിയ ആശ്വാസമാണ് നല്കിയത്. മുഹമ്മദിന്റെ ചികിത്സയ്ക്കായി 18 കോടി രൂപ ദിവസങ്ങള്ക്കകം സ്വരൂപിക്കാന് സാധിച്ചിട്ടുണ്ട്. പേശികളെ ക്ഷയിപ്പിക്കുന്ന സ്പൈനല് മസ്കുലര് അട്രോഫി എന്ന അപൂര്വ രോഗം ബാധിച്ച മുഹമ്മദിനെ ചികിത്സിക്കാന് സോള്ജെന്സ്മ എന്ന മരുന്നാണ് ഇതിനായി വേണ്ടിവന്നത്.
ഈ മരുന്ന് ഇന്ത്യയിലെത്തണമെങ്കില് 18 കോടി രൂപ ചെലവ് വരുന്നത്. ഇതില് സര്ക്കാരുകള് നേരിട്ട് ഇടപെട്ടിരുന്നെങ്കില് നേരത്തെ മരുന്നുകള് ലഭ്യമാവുമായിരുന്നു. മാധ്യമങ്ങളില് വന്ന വാര്ത്തകളാണ് മുഹമ്മദിന് സഹായം ലഭ്യമായത്.
അതോടൊപ്പം തന്നെ 2021 ഫെബ്രുവരി 11ന് മുംബൈ സ്വദേശി ടീരാ കമ്മത്ത് എന്ന് ആറ് മാസം പ്രായമുള്ള കുട്ടിക്ക് വേണ്ടി രാജ്യം മുഴുവന് കൈകോര്ക്കുകയുണ്ടായി. സ്പൈനല് മസ്ക്യുലാര് അട്രോഫി എന്ന അപൂര്വ്വ രോഗബാധിതനായ ടീരയ്ക്ക് വേണ്ടി ആറ് കോടി ഇറക്കുമതി നികുതി ഇനത്തില് ഇളവ് നല്കാനായി പ്രധാനമന്ത്രി നരേന്ദ്ര മോദി നേരിട്ട് ഇടപെടുകയും ചെയ്തിരുന്നു. അപൂര്വ്വ രോഗത്തിന്റെ മരുന്നിന് ഏതാണ്ട് 16 കോടി രൂപയായിരുന്നു ചിലവ് വേണ്ടിയിരുന്നത്. പ്രധാനമന്ത്രിയുടെ ഇടപെടല് ദേശീയ തലത്തില് വലിയ വാര്ത്താ പ്രാധാന്യം നേടുകയും ചെയ്തിരുന്നു.
എന്നാൽ സമാന രോഗം ബാധിച്ച കേരളത്തില് ഉള്പ്പെടെയുള്ള സംസ്ഥാനങ്ങളിലെ കുട്ടികള്ക്ക് വേണ്ടി സമഗ്രമായ മാറ്റങ്ങള് കൊണ്ടുവരാന് ബിജെപി സര്ക്കാര് ഇതുവരെ തയ്യാറായില്ല. അപൂര്വ്വ അസുഖങ്ങള്ക്കുള്ള മരുന്നിന്റെ ഇറക്കുമതി നികുതി ഇളവ് നല്കിയാല് രോഗികള്ക്ക് വലിയ ആശ്വാസമാകുമെന്ന് നേരത്തെ തന്നെ അഭിപ്രായം ഉണ്ടായെങ്കിലും ഇക്കാര്യത്തിലൊന്നും വ്യക്തമായ നീക്കുപോക്കുകള് നടത്താന് സര്ക്കാര് തയ്യാറായിരുന്നില്ല എന്നതാണ്. സര്വീസ് ടാക്സ്, ഇറക്കുമതി നികുതി തുടങ്ങിയവ ഒഴിവാക്കിയാല് ബ്രിട്ടന്, അമേരിക്ക തുടങ്ങിയ രാജ്യങ്ങളില് നിന്നെത്തുന്ന വലിയ തുകയുള്ള മരുന്നുകള് ലഭ്യമാവും.
അതോടൊപ്പം തന്നെ ഇക്കഴിഞ്ഞ മാസം മറ്റൊരു കുട്ടിയുടെ ചികിത്സയ്ക്കാവശ്യമായ മരുന്നെത്തിക്കാനും മോദി ഇടപെടല് നടത്തിയിരുന്നു. കൊയമ്ബത്തൂര് സ്വദേശിയായ ബേബി സൈനബ് എന്ന കുട്ടിയുടെ ചികിത്സയ്ക്കായിട്ടാണ് മോദി ഇക്കഴിഞ്ഞ മാസം സഹായഹസ്തം നല്കിയത്. സമഗ്രമായ നിയമഭേദഗതി ആവശ്യമുള്ള ഇത്തരം കാര്യങ്ങളില് ഒറ്റപ്പെട്ട സഹായങ്ങളെത്തിക്കുക മാത്രമാണ് കേന്ദ്ര സര്ക്കാര് ചെയ്യുന്നത്.
https://www.facebook.com/Malayalivartha
