തിരുവനന്തപുരം ആര്യനാട് പൊലീസിനെ ആക്രമിച്ചത് സോഷ്യൽ മീഡിയ താരം. ആര്യനാട് പൊലീസ് സ്റ്റേഷനിൽ ഇന്നലെ അതിക്രമമുണ്ടായത്. മദ്യക്കുപ്പിയുമായി സ്റ്റേഷനിൽ എത്തിയ യൂട്യൂബറായ യദുവാണ് പൊലീസുകാരോട് മോശമായി പെരുമാറുകയും മദ്യക്കുപ്പി അടിച്ചു പൊട്ടിക്കുകയും ചെയ്തത്.

പിടിക്കാൻ ശ്രമിക്കുന്നതിനിടെ പ്രതി തൊട്ടടുത്ത ആശുപത്രിയിലേക്ക് ഓടിക്കയറി. പിന്നാലെ ഓടിയെത്തിയ സിഐയെ ഇരുമ്പ് കസേര കൊണ്ട് തലക്കടിച്ചു.

സംഭവത്തില്‍ പ്രതി ആര്യനാട് സ്വദേശി യദുകൃഷ്ണനെ പൊലീസ് കസ്റ്റഡിയിലെടുത്തു. സിഐയെ ഇരുമ്പ് കസേര കൊണ്ട് തലക്കടിച്ച് പരിക്കേൽപ്പിച്ച യദു കൃഷ്ണനെയാണ് പൊലീസ് ക സ്റ്റഡിയിലെടുത്തത്. തലയ്ക്ക് ഗുരുതരമായി പരിക്കേറ്റ സി ഐ ചികിത്സയിൽ തുടരുകയാണ്.