സംസ്ഥാനത്ത് കോവിഡ് വ്യാപനം വര്ദ്ധിക്കുന്നു..... സര്ക്കാര് ഓഫീസുകളില് തിങ്കളാഴ്ച മുതല് പകുതിപ്പേര് എത്തിയാല് മതിയെന്ന് മുഖ്യമന്ത്രി... ഓഫീസില് എത്താത്ത മൊത്തം ജീവനക്കാരും കൊവിഡ് പ്രതിരോധ പ്രവര്ത്തനങ്ങളില് പങ്കാളികളാവണം, ശനിയും ഞായറും സമ്പൂര്ണ്ണലോക്ഡൗണ്
സംസ്ഥാനത്ത് കോവിഡ് വ്യാപനം വര്ദ്ധിക്കുന്നു..... മുഴുവന് ജീവനക്കാരും എത്തിയിരുന്ന സര്ക്കാര് ഓഫീസുകളില് തിങ്കളാഴ്ച മുതല് പകുതിപ്പേര് എത്തിയാല് മതിയെന്ന് മുഖ്യമന്ത്രി .
ഇതുപ്രകാരം കൊവിഡ് പ്രതിദിന ടെസ്റ്റ് പോസിറ്റിവിറ്റി നിരക്ക് 10ശതമാനത്തില് താഴെയുള്ള എ,ബി വിഭാഗത്തില്പ്പെടുന്ന തദ്ദേശ മേഖലകളില് 50 ശതമാനം ജീവനക്കാരും സി.വിഭാഗത്തില് 25 ശതമാനം ജീവനക്കാരും ഹാജരായാല് മതി.
നിലവില് എ,ബി വിഭാഗങ്ങളില് മുഴുവന് ജീവനക്കാരും സി വിഭാഗത്തില് പകുതിപ്പേരും എത്തണമായിരുന്നു. ട്രിപ്പിള് ലോക്ക് ഡൗണ് ബാധകമായ ഡി വിഭാഗം മേഖലയില് അവശ്യസര്വീസുകള് മാത്രം മതിയാകും.
ഓഫീസില് എത്താത്ത മൊത്തം ജീവനക്കാരും കൊവിഡ് പ്രതിരോധ പ്രവര്ത്തനങ്ങളില് പങ്കാളികളാവണം. അത് എവിടെ,എങ്ങനെ നിര്വഹിക്കണമെന്ന് ജില്ലാ കളക്ടര്മാര് നിര്ദ്ദേശിക്കും.
സംസ്ഥാന സര്ക്കാര് ഓഫീസുകള്, പബ്ലിക് ഓഫീസുകള്, പൊതുമേഖലാ സ്ഥാപനങ്ങള്, കമ്പനികള്, കമ്മിഷനുകള്, കോര്പ്പറേഷനുകള് തുടങ്ങിയവയിലെ ജീവനക്കാര്ക്കാണ് ഇതു ബാധകം.
രോഗവ്യാപനം കൂടുതലുള്ള പ്രദേശങ്ങളെ ക്ലസ്റ്ററുകളാക്കും. അതോടൊപ്പം മൈക്രോ കണ്ടയിന്മെന്റ് സംവിധാനം ഏര്പ്പെടുത്തുകയും ചെയ്യും. 12.1 ശതമാനമാണ് കഴിഞ്ഞ മൂന്ന് ദിവസത്തെ ശരാശരി ടെസ്റ്റ് പോസിറ്റിവിറ്റി നിരക്ക്. 11 ജില്ലകളിലും 10 ശതമാനത്തിന് മുകളിലാണ് ടി.പി.ആര്.
മലപ്പുറത്താണ് ഏറ്റവും കൂടുതല് ടി.പി.ആര് 17 ശതമാനം.
അതേസമയം പത്തിലേക്ക് താഴ്ന്ന കൊവിഡ് പ്രതിദിന ടെസ്റ്റ് പോസിറ്റിവിറ്റി നിരക്ക് വീണ്ടും ഉയരാന് തുടങ്ങിയ സാഹചര്യത്തില് ഇന്നും നാളെയുമുള്ള സമ്പൂര്ണ്ണ ലോക്ക് ഡൗണ് കര്ശനമായി നടപ്പാക്കും. പൊതു, സ്വകാര്യ ഗതാഗതം നിയന്ത്രിക്കും. ആള്ക്കൂട്ടം പാടില്ല.
മുഖ്യമന്ത്രിയുടെ നേതൃത്വത്തില് ഇന്ന് ഇടക്കാല അവലോകനയോഗം ചേര്ന്നേക്കും. ആള്ക്കൂട്ടത്തെ നിയന്ത്രിച്ചിട്ടും കൊവിഡ് നിയന്ത്രിക്കാനാകാത്തതിന്റെ കാരണം പരിശോധിച്ചുവരികയാണ്.
ബക്രീദ് പരിഗണിച്ച് കഴിഞ്ഞ ഞായര്,തിങ്കള്, ചൊവ്വ ദിവസങ്ങളില് കൂടുതല് ഇളവ് നല്കിയിരുന്നു. അതുമൂലമുണ്ടായ കൊവിഡ് വ്യാപനം നിര്ണ്ണയിക്കാന് സമയമായിട്ടില്ല. അതിനുമുമ്പേ ടി.പി.ആര് കൂടിയതാണ് അധികൃതരെ ഉത്കണ്ഠപ്പെടുത്തുന്നത്.
ഇന്നും നാളെയും സര്ക്കാര്,സ്വകാര്യ സ്ഥാപനങ്ങള് പ്രവര്ത്തിക്കില്ല. ഹോട്ടല്, റസ്റ്റോറന്റ്,ബേക്കറി ഹോംഡെലിവറി മാത്രം. പലചരക്ക്,പച്ചക്കറി,മീന്,മാംസം വില്പന അനുവദിക്കുമെങ്കിലും ഹോംഡെലിവറിക്ക് പ്രാമുഖ്യം നല്കണം.
അനാവശ്യമായി പുറത്തിറങ്ങുന്നവരെ പൊലീസ് കര്ശനമായി പരിശോധിക്കും. വാക്സിന് എടുക്കുന്നവര്, ആരോഗ്യപ്രവര്ത്തകര്, കൊവിഡ് ഡ്യൂട്ടിയിലുള്ളവര്, പൊലീസ്,മാദ്ധ്യമപ്രവര്ത്തകര്, പത്രവിതരണക്കാര് തുടങ്ങിയവര്ക്ക് യാത്രാനുമതിയുണ്ട്. പരീക്ഷകള്ക്ക് അനുമതിയുണ്ടായിരിക്കും. ഇതുമായി ബന്ധപ്പെട്ട് യാത്ര ചെയ്യുന്നവര് ബന്ധപ്പെട്ട രേഖകള് കരുതണം.
"
https://www.facebook.com/Malayalivartha
