വ്യാജ +2 മാര്ക്ക് ലിസ്റ്റില് ഇന്ത്യന് ആര്മിയില് ജോലി തട്ടിപ്പ്... മൂന്നാം പ്രതിക്ക് സ്വാപാധിക മുന്കൂര് ജാമ്യം, അന്വേഷണ ഉദ്യോഗസ്ഥനായ ക്രൈം ബ്രാഞ്ച് സെന്ട്രല് യൂണിറ്റ് ഡിവൈസ് പി മുമ്പാകെ കീഴടങ്ങണം, അറസ്റ്റ് ചെയ്യുകയാണെങ്കില് ചോദ്യം ചെയ്യലിനും റിക്കവറിക്കും ശേഷം അമ്പതിനായിരം രൂപയുടെ വസ്തു ബോണ്ടിന്മേലുള്ള 2 ആള് ജാമ്യത്തില് വിട്ടയക്കണം
വ്യാജ ഹയര് സെക്കന്ററി പരീക്ഷാ മാര്ക്ക് ലിസ്റ്റ് അസ്സല് പോലെ ഹാജരാക്കി ഇന്ത്യന് ആര്മിയില് നടന്ന ജോലി തട്ടിപ്പ് കേസില് അസ്സല് എസ് എസ് എല് സി ബുക്ക് ഉടമയായ മൂന്നാം പ്രതിക്ക് സ്വാപാധിക മുന്കൂര് ജാമ്യം.
തിരുവനന്തപുരം ഏഴാം അഡീഷണല് ജില്ലാ സെഷന്സ് കോടതിയാണ് ജാമ്യം അനുവദിച്ചത്. മൂന്നാം പ്രതി നെടുമങ്ങാട് വയലരികത്ത് വീട്ടില് സുകുമാരന് മകന് എസ്. സനല് എന്ന ഉദ്യോഗാര്ത്ഥിക്കാണ് ജാമ്യം അനുവദിച്ചത്.
അന്വേഷണ ഉദ്യോഗസ്ഥനായ ക്രൈം ബ്രാഞ്ച് സെന്ട്രല് യൂണിറ്റ് ഡിവൈഎസ് പി മുമ്പാകെ കീഴടങ്ങണം. അറസ്റ്റ് ചെയ്യുകയാണെങ്കില് ചോദ്യം ചെയ്യലിനും റിക്കവറിക്കും ശേഷം അമ്പതിനായിരം രൂപയുടെ പ്രതിയുടെ സ്വന്തവും തുല്യ തുകക്കുള്ള വസ്തുതു ബോണ്ടിന്മേലുള്ള രണ്ട് ആള് ജാമ്യത്തിലും വിട്ടയക്കാനും ജഡ്ജി എല്. ജയവന്ത് ഉത്തരവിട്ടു.
ജാമ്യത്തില് വിട്ടയച്ച ശേഷം അന്വേഷണ ഉദ്യോഗസ്ഥന് ആവശ്യപ്പെടുമ്പോള് ഹാജരാകണം. സാക്ഷികളെ ഭീഷണിപ്പെടുത്താനോ സ്വാധീനിക്കാനോ തെളിവു നശിപ്പിക്കാനോ പാടില്ല. ജാമ്യ കാലാവധിയില് സമാന കുറ്റ കൃത്യങ്ങളില് ഉള്പ്പെടരുത്. ജാമ്യ വ്യവസ്ഥ ലംഘിച്ചാല് ജാമ്യം റദ്ദാക്കാന് വിചാരണ കോടതിയായ അഡീ. ചീഫ് ജുഡീഷ്യല് മജിസ്ട്രേട്ട് കോടതിയില് അപേക്ഷ നല്കാന് പ്രോസിക്യൂഷന് സ്വാതന്ത്രമുണ്ടായിരിക്കുമെന്നും ജാമ്യ ഉത്തരവില് കോടതി വ്യക്തമാക്കി.
തിരുമല ഇന്ത്യന് ആര്മി റിക്രൂട്ട്മെന്റ് ഓഫീസിലാണ് സംഭവം നടന്നത്. അഞ്ചാം പ്രതിയുടെ സഹായത്തോടെ മൂന്നാം പ്രതി വ്യാജ +2 മാര്ക്ക് ലിസ്റ്റ് തരപ്പെടുത്തി സൈന്യത്തില് ജോലിക്കായി ഹാജരാക്കി വ്യാജ നിര്മ്മാണം , ചതിക്കലിനു വേണ്ടിയുള്ള വ്യാജ നിര്മ്മാണം , വ്യാജ നിര്മ്മിതരേഖ അസ്സല് പോലെ ഹാജരാക്കല് എന്നീ കുറ്റങ്ങള് ചെയ്തുവെന്നാണ് പോലീസ് കേസ്.
താന് നിരപരാധിയാണെന്നും ഒന്നാം പ്രതി ആര്മി റിക്രൂട്ടിംഗ് ഏജന്റാണെന്ന് സ്വയം അവരോധിച്ച് തന്നെ സമീപിക്കുകയും ഇന്ത്യന് ആര്മിയില് ജോലി തരപ്പെടുത്തി നല്കാമെന്ന് പ്രലോഭിപ്പിച്ചതായി മൂന്നാം പ്രതി സനല് ജാമ്യ ഹര്ജിയില് ബോധിപ്പിച്ചു. തന്റെ അസ്സല് എസ് എസ് എല് സി ബുക്കും അയാളുടെ ഫീസ് ആയ അമ്പതിനായിരം രൂപയും മാത്രമേ താന് ഒന്നാം പ്രതിക്ക് നല്കിയിട്ടുള്ളുവെന്നും ബോധിപ്പിച്ചു.
അതേ സമയം വ്യാജ +2 മാര്ക്ക് ലിസ്റ്റ് തയ്യാറാക്കാന് ഉപയോഗിച്ച രേഖകളും ഉപകരണങ്ങളും കണ്ടെടുക്കേണ്ടതുള്ളതിനാല് പ്രോസിക്യൂട്ടര് കെ.എല്. ഹരീഷ് കുമാര് അറസ്റ്റിനു മുമ്പുള്ള മുന്കൂര് ജാമ്യത്തെ ശക്തമായി എതിര്ത്തിരുന്നു.
ആരോപിക്കുന്ന സംഭവം നടന്നത് 2012 ലാണെന്ന് കോടതി നിരീക്ഷിച്ചു. പ്രോസിക്യൂഷന് വാദം ശരിയാണെങ്കില് കൂടി വ്യാജ രേഖ തയ്യാറാക്കലും കൃത്യത്തിലുള്ള മൂന്നാം പ്രതിയുടെ അറിവും അന്വേഷണത്തിലൂടെയും പരിശോധനയിലൂടെയും കണ്ടെത്താനാകും. മുഴുവന് പ്രോസിക്യൂഷന് കേസും പ്രാമാണിക തെളിവുകളുടെ അടിസ്ഥാനത്തിലാണ്.
അവ പ്രതിയുടെ കസ്റ്റഡി ചോദ്യം ചെയ്യല്കൂടാതെ തന്നെ പ്രോസിക്യൂഷന് കൈവശപ്പെടുത്താനാകും. മൂന്നാം പ്രതി അന്വേഷണവുമായി സഹകരിക്കാന് തയ്യാറാണെന്നും കോടതിയില് ബോധിപ്പിച്ചിട്ടുണ്ട്. പ്രതി മറ്റു കേസുകളില് ഉള്പ്പെട്ടതായി പോലീസിന് കേസില്ലാത്തതിനാല് ക്രിമിനല് പശ്ചാത്തലമില്ലെന്ന് കൂടി വിലയിരുത്തിയാണ് കോടതി പ്രതിക്ക് ജാമ്യം അനുവദിച്ചത്.
"
https://www.facebook.com/Malayalivartha