കൊല്ലം എംഎൽഎ മുകേഷിന്റ ദാമ്പത്യജീവിതത്തിൽ ഉലച്ചിൽ സംഭവിച്ചതും ഡിവോഴ്സിന് വേണ്ടി ഭാര്യ മേതിൽ ദേവിക രംഗത്ത് വന്നതും എല്ലാം കഴിഞ്ഞ നാളുകളിൽ അറിഞ്ഞ വാർത്തയാണ്. എന്നാൽ ഇതുവരെയും ഈ വിഷയങ്ങളിൽ മുകേഷ് ഒരു പ്രതികരണം പോലും നടത്തിയിരുന്നില്ല.

ഒരുഘട്ടത്തിൽ മുകേഷ് ഡിപ്രഷന് അടിമയാണ് എന്ന വാർത്തകളും പുറത്തുവന്നിരുന്നു. ഇപ്പോളിതാ സകലരെയും ഞെട്ടിച്ച് ഒരു കുറിപ്പ് പങ്കുവെച്ചിരിക്കുകയാണ് മുകേഷ്. വിവാഹ വേർപിരിയലുമായി നേരിട്ടുള്ള പ്രതികരണമല്ല നടത്തിയിരിക്കുന്നത് എങ്കിലുo പരോക്ഷമായി അതാണ് ഉദ്ദേശിക്കുന്നത് എന്ന് തോന്നുന്ന തരത്തിലുള്ള ഒരു കുറിപ്പാണ് അദ്ദേഹം പങ്കുവെച്ചിരിക്കുന്നത്.

അഫ്ഗാന്‍ ഹാസ്യതാരമായ ഖ്വാഷയുടെ ചിത്രത്തിനൊപ്പമുള്ള കുറിപ്പുമായിട്ടാണ് മുകേഷ് എത്തിയത്. നിഷ്‌കളങ്കര്‍ നിരവധി തവണ കൊല്ലപ്പെട്ടുകൊണ്ടേയിരിക്കുന്നു എന്നായിരുന്നു മുകേഷ് കുറിച്ചത്. നിരവധി പേരാണ് അദ്ദേഹത്തിന്റെ പോസ്റ്റിന് കീഴില്‍ കമന്റുകള്‍ പോസ്റ്റ് ചെയ്തത്. തന്റെ ദാമ്പത്യ ജീവിതവുമായി ബന്ധപ്പെടുത്തി എഴുതിയതാണോ എന്നും പലരും സംശയം ചോദിക്കുകയും ചെയ്തു.

ഇദ്ദേഹം മരിച്ചിട്ട് ദിവസങ്ങളായിരുന്നു, എങ്ങനെയാണ് മരിച്ചത് അതേക്കുറിച്ചൊന്നും എഴുതാത്തതെന്താണെന്നായിരുന്നു ചിലർ ചോദിച്ചത്. ഖ്വാഷയുടെ മരണവുമായി ബന്ധപ്പെട്ട് കേരളത്തിലെ സംസ്‌കാരിക നായകന്‍മാര്‍ മൗനം പാലിക്കുന്നതിനെ വിമര്‍ശിച്ച് ചിലരെത്തിയിരുന്നു.

സോഷ്യല്‍ മീഡിയയില്‍ സജീവമായ താരങ്ങള്‍ വരെ ഈ വിഷയത്തില്‍ മൗനം പാലിച്ചുവെന്ന വിമര്‍ശനം ഉയർന്നിരുന്നു. അതിനിടയിലാണ് മുകേഷ് സ്വന്തം നിലപാട് വ്യക്തമാക്കിയെത്തിയത്. സംവിധായകനായ ആലപ്പി അഷ്‌റഫ് നേരത്തെ ഇതേക്കുറിച്ചുള്ള പോസ്റ്റുമായെത്തിയിരുന്നു.

പ്രതികരിക്കുമെന്ന് കരുതിയ നമ്മുടെ സാംസ്‌കാരിക നായകന്‍മാരാരും ഇതിനിയും കണ്ട മട്ടില്ല. എന്താണ് ഇവര്‍ക്ക് ഇനിയും മിണ്ടാട്ടമില്ലാത്തതെന്നായിരുന്നു ആലപ്പി അഷ്‌റഫിന്റെ ചോദ്യം. അതിനിടയിലാണ് മുകേഷിന്റെ പ്രതികരണം വന്നിരിക്കുന്നത്.

കഴിഞ്ഞ ആഴ്ചയാണ് മുകേഷുമായുള്ള ബന്ധം വേർപെടുത്താനുള്ള പെറ്റിഷൻ മേതിൽ ദേവിക വക്കീൽ വഴി സമർപ്പിച്ചിരിക്കുന്നതായി റിപ്പോർട്ട് പുറത്ത് വന്നത്. . രണ്ട് വ്യക്തികളുടെയും സ്വകാര്യത മാനിക്കാത്ത വിധത്തിലുള്ള പ്രതികരണങ്ങൾ ഈ വിഷയത്തിൽ ഉയരുകയുണ്ടായി. നിരവധി വ്യാജ വാർത്തകൾ പ്രചരിച്ചു.

എന്നാൽ പ്രചരിച്ച വ്യാജ വാർത്തകളോട് മേതിൽ ദേവിക പ്രതികരിച്ച രീതി വളരെ പക്വതയോടെയായിരുന്നു. വിവാഹ ബന്ധം വേർപെടുത്താനുള്ള കാരണം വളരെ വ്യക്തിപരമാണെന്നും മുകേഷിനെ പൂർണ്ണമായും തെറ്റുകാരനാക്കുന്ന വാർത്തകൾ ഒഴിവാക്കണമെന്നും ദേവിക മാധ്യമങ്ങളോട് പറഞ്ഞിരുന്നു.

എന്നാൽ മുകേഷ് വാർത്തകളോട് പ്രതികരിച്ചിരുന്നില്ല. വ്യക്തി ജീവിതത്തിലെ കാര്യങ്ങള്‍ വലിയ ചര്‍ച്ചയായി മാറിയപ്പോഴും മൗനം പാലിക്കുകയായിരുന്നു അദ്ദേഹം. സ്വകാര്യമായി വെക്കേണ്ട കാര്യങ്ങള്‍ അങ്ങനെ തന്നെയിരിക്കട്ടെ എന്ന നിലപാടിലാണ് താനെന്ന് നേരത്തെ മുകേഷ് വ്യക്തമാക്കിയിരുന്നു.

പുറത്ത് വരുന്ന എല്ലാ കാര്യവും ശരിയല്ലെന്നും വിവാഹമോചന വാര്‍ത്ത ശരിവെച്ച് കൊണ്ട് ദേവിക പറഞ്ഞിരുന്നു. എട്ട് വര്‍ഷം ഒന്നിച്ച് ജീവിച്ചിട്ടും മുകേഷിനെ മനസിലാക്കാന്‍ പറ്റിയില്ല. ഇനി പറ്റുമെന്ന് തോന്നുന്നില്ലെന്നും അതിനാലാണ് മുകേഷുമായുള്ള ബന്ധം പിരിയുന്നതെന്നുമാണ് കാരണമായി ദേവിക പറഞ്ഞത്. വേര്‍പിരിഞ്ഞാലും സുഹൃത്തുക്കളായി തുടരുമെന്നും പറഞ്ഞിരുന്നു.

വിവാഹമോചന വാര്‍ത്തകള്‍ സോഷ്യല്‍ മീഡിയയില്‍ നിറയുമ്പോളും മുകേഷ് മൗനമായി ഇരുന്നതും പലരെയും അമ്പരപ്പിച്ചിരുന്നു. മുകേഷിന്റെ അഭിപ്രായം എന്താണെന്ന് അറിയാന്‍ എല്ലാവര്‍ക്കും ആകാംക്ഷയുണ്ടാിയിരുന്നു. അതുകൊണ്ടുതന്നെ മുകേഷിന്റെ വാക്കുകൾ വളരെയധികം ചർച്ചകളിലേക്ക് വഴിമാറുകയാണ്.