ജ്യേഷ്ഠന്മാര്ക്കു പിന്നാലെ അനുജനും..... രക്തസമ്മര്ദ്ദത്താല് മരിച്ച മൂന്നു സഹോദരങ്ങളുടെ വേര്പാടില് കണ്ണീരോടെ ഗ്രാമവാസികള്....
ജ്യേഷ്ഠന്മാര്ക്കു പിന്നാലെ അനുജനും..... രക്തസമ്മര്ദ്ദത്താല് മരിച്ച മൂന്നു സഹോദരങ്ങളുടെ വേര്പാടില് കണ്ണീരോടെ നീലേശ്വരം ഗ്രാമം. നാലു മാസത്തിനുള്ളില് ഒരു കുടുംബത്തിലെ മൂന്ന് സഹോദരങ്ങളുടെ മരണം ബങ്കളം എന്ന കൊച്ചുഗ്രാമത്തെ കണ്ണീരിലാഴ്ത്തി.
ബാങ്ക് ഉദ്യോഗസ്ഥരായ ജ്യേഷ്ഠന്മാര്ക്കുപിന്നാലെയാണ് സിമന്റ് വ്യാപാരിയായ അനുജനും മരിച്ചത്. ബങ്കളം കക്കാട്ടെ പരേതനായ പൊക്കന്-കല്യാണി ദമ്പതികളുടെ മകന് വി. രഘുവാണ് (45) തിങ്കളാഴ്ച രാത്രി ചികിത്സക്കിടയില് കോഴിക്കോട്ട് സ്വകാര്യ ആശുപത്രിയില് മരിച്ചത്.
രഘുവിന്റെ ജ്യേഷ്ഠന്മാരായ നീലേശ്വരം ഗ്രാമീണ ബാങ്ക് ജീവനക്കാരന് വി. അശോകന് (46) ഇക്കഴിഞ്ഞ ഏപ്രില് 15നും മടിക്കൈ സര്വിസ് സഹകരണ ബാങ്ക് ജീവനക്കാരന് വി. രാജന് (52) ഒരാഴ്ച കഴിഞ്ഞ് ഏപ്രില് 21നും മരിച്ചിരുന്നു. മൂന്ന് സഹോദരങ്ങളും രക്തസമ്മര്ദം എന്ന ഒരേ അസുഖത്തെ തുടര്ന്നാണ് മരിച്ചത്.
അശോകന്റെയും രാജന്റെയും വേര്പാടിന്റെ കണ്ണീരുണങ്ങും മുമ്പ് രഘുവിന്റെ വേര്പാട് നാട്ടുകാരെയും വീട്ടുകാരെയും കണ്ണീരിലാഴ്ത്തി. ബങ്കളത്തെ വി.കെ ട്രേഡേഴ്സ് ഉടമയാണ് രഘു.
രഘു നാലുദിവസം മുമ്ബ് കോഴിക്കോട്ട് സ്വകാര്യ ആശുപത്രിയില് ശസ്ത്രക്രിയക്ക് വിധേയമായി സുഖം പ്രാപിച്ചു വരുന്നതിനിടെയാണ് മരണം. ബങ്കളത്തെ കലാസാമൂഹിക സാംസ്കാരിക പ്രവര്ത്തനങ്ങളുടെ ചുക്കാന് പിടിക്കുന്നതില് രഘു മുന്പന്തിയില് ഉണ്ടായിരുന്നു.
"
https://www.facebook.com/Malayalivartha